MATIUS PENGANTAR
PENGANTAR
Kitab Matius niki nyampéang léq ite Kabar Solah mengenai Deside Isa, bahwe Deside Isa nike Almasih saq tejanjiqang siq Allah. Langan Deside Isa nike Allah nepatin janji saq sampun Ie janjiqang tipaq umat-Ne, Israel, dalem Kitab Suci Taurat, Zabur dait Kitab Nabi-nabi. Timaq Deside Isa tebijeang dait idup léq tengaq-tengaq bangse Yahudi, laguq Kabar Solah nike ndéq cume tipaq bangse Yahudi doang, laguq umaq seantéro dunie.
Kitab Matius niki tesusun secare teratur; mulai léman Deside Isa tebijeang, terus mengenai baptisan dait cobe saq Ie alamin, kance karye-karye-Ne léq Galilea. Léq Galilea niki Ie hotbah, ngajahang dait nyelahang dengan-dengan. Sesampun nike Kitab niki nuturang pemargian Deside Isa léman Galilea ojok Yerusalem, dait peristiwe-peristiwe saq telaksane léq Deside Isa dalem minggu-minggu penutuq idup-Ne léq dunie niki, saq paling utame léq ninggal dait teidupang malik.
Sopoq hal saq gen tesampéang siq Matius niki, bahwe Deside Isa nike Guru saq Agung, saq ngajahang mengenai Kerajaan Allah. Deside Isa éndah bedowé wibawe jari jelasang maksut léman Hukum Allah. Menurut intine, sebagian beléq léman pengajahan-pengajahan Deside Isa nike tebagi jari lime bagian: (1) Hotbah léq Bukit mengenai tabiat, kewajiban, hak-hak, dait tujuan idup ie pade saq dowéang Kerajaan Allah (pasal 5–7); (2) petunjuk-petunjuk tipaq kedue olas pengiring Deside Isa jari ngelaksaneang tugas (pasal 10); (3) perumpamean-perumpamean mengenai Kerajaan Allah (pasal 13); (4) pengajahan mengenai makne jari pengiring Deside Isa (pasal 18); dait (5) pengajahan mengenai ahir jaman dait kerauhan Bije Manusie (pasal 24-25).
Daptar Isi
Daptar asal usul Deside Isa Almasih dait kelahiran-Ne 1:1–2:23
Pegawéan Yahya Pembaptis 3:1-12
Baptisan dait cobe tipaq Deside Isa 3:13–4:11
Pelayanan Deside Isa léq tengaq-tengaq masyarakat Galilea 4:12–18:35
Léman Galilea ojok Yerusalem 19:1–20:34
Minggu penutuq Deside Isa léq Yerusalem dait sekiterne 21:1–27:66
Deside Isa sesampun teidupang dait sewaktu nyatayang diriq-Ne 28:1-20
Currently Selected:
MATIUS PENGANTAR: LAISAS
Highlight
Share
Copy
Want to have your highlights saved across all your devices? Sign up or sign in