Lk Nhingeno
Nhingeno
A Ivangeli leyi yikombisa Yesu, kunge ntsena swanga Muhuluxi lweyi adumbisiwiki ku tiko dra Israel, kambe na kone swanga Muhuluxi wa vhanu hinkwavu.
A makungu hinkwawu ya Ivangeli ya Luka, swanga hi leswi yinga ha swone andreni yifana ni ya Matewu na Marka. Hikola ka leswo a tivangeli leti tiraru tilongoloxiwa hi minkatrakanyu ya kulongoloka. A mutrali wa Luka atlhamuxela hi masungulela ya kugoma, lawa amahlometeliki hi matirela ya kutraliwa leswi swiviki kone ni kukambisisa ahenhla ka swiyentxo na angasinatrala ntiro wakwe hi nkonta ya Yesu. A Ivangeli leyi yina swinyingi kutlula Matewu hi ntlhanganisiwo wa kubelekiwa ni vutrongwana bya Yesu, kufana ni ntlhanganiso wa Yohana Mubabatisi, swanga hi mululamiseli wakwe wa ndlela. Hiko ku Ivangeli leyi, swanga hi xikombiso, hi leswi swikumiwaka Matralweni ya kutivisiwa loku kuyentxeliwiki vabyisi, swanga hi lisimu dra Maria, dra Zakariya ni dra Simiyoni.
Loko kuli hi vutireli bya Yesu ku vhanu, a Ivangeli leyi yinyika xitiviso xikulu henhla ka liyendro drakwe sinagogeni dra le Nazarete, hi tivisiwa kuyatlhasa ku xiyenge xa Ezaya lexi xitiriki ntshima ya mintlhamuxelo yake ni swanga hi laha atlhamuxeliki ha kone Yesu hi vutama byake bya kuhuhuteliwa hi Moya wa Hosi akuva anyika a Ivangeli ku swisiwana. Xin'we xa yandlalelo dra Ivangeli leyi i kukarateka ka nkama ni nkama hi swisiwana, hi lava vaxanisekaka ni hi kudreliwa vumhunwini. Xifaniso xa mu-Samariya wa Lilondro ni xa N'wana wa kulahleka swikombisiwa ntsena ku Ivangeli ya buku ledri.
A mapapela lawa mangani ntamu Ivhangeleni ya buku ledri i kuphikelela xikhongotweni ni xidrimuxo ku Moya wa Kuxwenga, swanga hi drivalelo dra swihono ni lisima dra wansati vutirelweni bya Hosi.
Ku vhanu va namunhla, a Ivangeli leyi yayamukeleka swinene na kunga ganaganekiwi. Hi kulandra a buku dralongoloxelo wa timhaka ta xihlayelamfuri, a muhlayi angagungula kutone ha kutrongo-kutrongo, a Muhuluxi wa vhanu.
Nkongometo wa Ivangeli
1. Nhingeno: 1:1-4
2. Kubelekiwa ni vutrongwana bya Yohana Mubabatisi ni bya Yesu: 1:5—2:52
3. Matirela ya Yohana Mubabatisi: 3:1-20
4. Kubabatisiwa ni kudringiwa ka Yesu: 3:21—4:13
5. Matirela ya Yesu a Galileya: 4:14—9:50
6. Ndleleni ya Yerusalema 9:51—19:27
7. Matirela ya Yesu a Yerusalema 19:28—21:38
8. Mahlomulo, lifu ni kupfuka kufeni 22:1—24:53
Currently Selected:
Lk Nhingeno: NTX2007
Highlight
Share
Copy
Want to have your highlights saved across all your devices? Sign up or sign in
Xironga New Testament with Psalms © Bible Society in Mozambique, 2007.