Yhn 7

Kukala kupfumela ka vamakwavu va Yesu

1Antrhaku ka swone afa Yesu afamba-famba Galileya; angadjulanga kuya famba-famba Yudeya hikusa va-Yuda afa vadjula kumudlaya. 2A nkhuvu wa va-Yuda lowu valiki i wa mintronga#7:2 A va-Yuda afa vahamba a nkhuvu wa mintronga a Yerusalema, akuheleni ka ntrhovelo. Afa vahamba mintronga hi tinkambu akuva vadrimuka a mahanyela ya vatatana vavu a mananga loko vahumi a Egipta (Lv 23:33-43; Dt 16:13). afa wu kusuhi. 3Kutani a vamakwavu vaku ku yene: Suka halenu, uya Yudeya, akuva vadondrisiwa vaku na vone vatahlalela mintiro leyi umiyentxaka. 4Hikusa akuna mhunu lweyi atirelaka axihundleni, loko adjula kutibyiwa; loko uyentxa leswo, tivonekise ku misava. 5A xihlayelamfuri hileswaku, nambi vamakwavu afa vangapfumeli ku yene. 6#Lavisa 2:4; 7:6-8. Kutani Yesu aku ku vone: A nkama wanga awusanganatlhasa; kambe ku n'wine, masiku hinkwawu ankama wululamile. 7A misava mingaka mingan'wivengi, kambe mine manivenga, hikusa nitiyisa vumboni bya leswaku mintiro ya yone mibihile. 8N'wine, ntlhantukelani nkhubyini, kambe mine aniyi#7:8 Man'wana matralwa mani leswaku: mine anisidjula kuya; akuva matwanana na 7:10. nkhubyini wolowo, hikusa a nkama wanga awusanganatlhasa swinene.

9Loko ahlayi leswo, atisalela Galileya.

Yesu ni Nawu wa Moxe

10Kambe kuti loko vamakwavu vantlhantukeli nkhubyini, na yene antlhantukela kone, kunge livaleni, kambe axihundleni. 11A va-Yuda afa vamudjula nkhubyini, vaku: Akwini mhunu yelweyo? 12Afa kuni kun'unun'uta kunyingi axitrhungwini hi mhaka yake. A van'wana afa vaku: I mhunu munene! A van'wana vaku: Im'hi, akanganyisa xitrhungu. 13#7:13 Lavisa 9:22; 12:42. A mayentxela ya vafumi va xi-Yuda matwisiseka kusukela ku leswi switrimbiwiki ku Sinodo dra Yaminia kusuhi ni lembe dra ntlhanu wa makume na mararu ntrhaku ka Kriste (80 a.C). Nambi swili tanu akuvangana mhunu lweyi angakhanela ha yene alivaleni, hikola ka kutxhava kuxanisiwa hi tindruna ta va-Yuda.

14Loko nkhuvu wuli makari, hilaha Yesu angantlhantukela Tempeleni asungula kudondrisa. 15#Fananisa na Mt 13:54; Lk 2:47. Kutani va-Yuda vahlamala, vaku: Xana mhunu lweyi abyikuma kwini vutivi, kasi anga dondranga? 16Yesu avayangula, aku: A dondro leyi niyidondrisaka, ahi yanga, kambe i ya lweyi anirumiki. 17Loko mhunu anavela kuyentxa kurandra ka Xikwembu Nkulukumba, atativa dondro leyi leswaku yihuma ku Xikwembu Nkulukumba, kumbe nivulavula leswi swinga swanga ntsena. 18Lweyi ativulavulelaka a swake ntsena, atidjulela kutwalisiwa, kasi lweyi adjulaka kutwalisa lweyi amurumiki, yelweyi adumbekile, akuna kusomboloka ku yene. 19Xana Moxe angan'winyikanga Nawu xana? Kambe nambi swili tanu angakone ni mun'we wenu lweyi abekisaka Nawu. Hikola ka yini n'widjula kunidlaya xana? 20A xitrhungu xiyangula, xiku: Uni dimona#7:20 Uni dimona: a mahlayela lawa mafambelana ni yaku: Uni moya lowu mfani, kumbe uhungukile. A vuhunguki afa byingapfela akunhingeneni ka madimoni amhunwini. wene; hi mani adjulaka kukudlaya xana? 21Yesu avayangula aku: Nihanyisi mbabyi hi savata, kutani hinkwenu mahlamala. 22Minyikiwi hi Moxe xitoloveto xa kusoka ahi leswaku afa xihuma ku Moxe, afa xihuma ku vatatana venu lava va kusungula. 23#Lavisa 5:8-9. Leswi n'wisokisaka mhunu hi siku dra Savata, n'wiyentxela kubekisa Nawu wa Moxe, xana n'winihludrukela hi mhaka ya leswi mine ningahanyisa mhunu amirini yake hinkwayu hi siku dra Savata xana? 24#Fananisa na Lv 19:15; Ez 11:4. N'wingayi hi liso loko n'wiyavanyisa, kambe yavanyisani hi kululama.

Yesu angava ali yene Kriste, ke?

25A vayaki van'wana va Yerusalema vaku: Xana lweyi ahi yene lweyi vamudjulaka leswaku vatamudlaya xana? 26Lavisani! Avulavula alivaleni, kutani avamukhomi. Xana vafumi vangava vaswikumile ha kunene leswaku lweyi hi yene Kriste xana? 27Lweyi hamutiva leswaku apfa kwini, kasi Kriste, a siku atakata, akuna mhunu ni mun'we lweyi atakativa lomu apfaka kone.

28Loko Yesu ali kari adondrisa Tempeleni, atlakuxa ritu, aku: N'wanitiva, n'witiva ni lomu nihumaka kone! Anitanga ha swanga, kambe lweyi anirumiki hi yene swinene lweyi n'wine n'wingamutivikiki. 29Mine namutiva, hikusa nihuma ku yene, na kone hi yene anirumiki.

30 # Lavisa 2:4; 7:6, ni xikombiso. Kutani vadringisa kumukhoma, kambe akuvangana mhunu lweyi angayisa voko ku yene, hikusa a nkama wakwe afa wungasanganatlhasa. 31Lava vavanyingi amakari ka xitrhungu vapfumela ku yene, vaku: Xana loko Kriste atata, atayentxa mahlolana lawa matlulaka lawa mayentxiwaka hi mhunu lweyi xana?

Vafarisi vadringisa kukhoma Yesu

32A vafarisi vayingela leswi xitrhungu xi n'unun'utaka swone ha Yesu, kutani vaprista lava vakulu ni vafarisi varuma malandra kuya mukhoma. 33Kolahu Yesu aku ku vone: Nahatava na n'wine nkamanyana, kutani antrhaku ka swone nitamuka ku lweyi anirumiki. 34Hi nkama lowo, n'wine n'witanidjula kambe n'wingaka n'winganikumi, hikusa an'wina kuya lomu niyaka kone. 35Kutani va-Yuda vavutisana, vaku: Xana adjula kuya kwini laha hitakahluleka kumukuma kone? Xana adjula kuya ku va-Yuda lava vahangalakiki amakari ka matiko, ni kudondrisa va-Matiko xana? 36Xana ahlaya yini, loko aku: N'witanidjula, kambe n'wingatinikuma, ni loko aku: Laha nitakaya kone, n'wingaka n'wingati?

Xidumbiso xa mati lawa mahanyaka

37 # Lavisa Lv 23:36. Hi siku dra vugamu, dra nkhuvu, dringa ledri drikulu, Yesu asekeleka ayima, kutani atlakuxa ritu, aku: Loko mhunu ani tora, ate ku mine, atatanwa. 38#Fananisa na Ezy 55:1-3; Ez 47:1; Zk 14:8. Ambilwini ya lweyi apfumelaka ku mine kutahuma milambu ya mati lawa mahanyaka swanga hi laha Tralwa draKuhlawuleka drihlayaka ha kone. 39Hikuhlaya swoleswo, Yesu afa adjula kuhlaya leswaku hinkwavu lava vapfumeleka ku yene afa vatayamukela a Moya wa Kuxwenga; hikusa kutlhasa nkameni wolowo afa Moya wungasiva kone, hikusa Yesu afa angasinatlakuxiwa.

Kuhambana ka vhanu hikola ka Yesu

40Kuti loko van'wana amakari ka xitrhungu vayingeli maritu lawa, vaku: Ha kunene, lweyi hi yene muprofeta. 41#Fananisa na 1:46; 7:41. Van'wana vaku: Lweyi, akuva yene Kriste. Kambe van'wana vaku: Xana Kriste angahuma Galileya xana? 42#Lavisa II Sm 7:12; Mik 5:1. A Tralwa adrihlayanga leswaku Kriste atahuma lixakeni dra Davida, apswaliwa Betlehema, ku muti lowu Davida afaka atrhama ku wone xana? 43A kuhambana kahangahumelela amakari ka xitrhungu hikola ka Yesu. 44A van'wana ku vone afa varandra kumukhoma, kambe akavanga na mun'we angayisa voko ku yene.

Vufumi lebyi byihambanaka na Yesu

45Kuva loko malandra matlhelela ku varangeli va vaprista ni ku vafarisi; vone vavavutisa, vaku: Hikola kayini n'wingabuyanga na yene na n'wimubohile xana? 46A malandra mayangula, maku: Akungiva na mhunu ni siku ni drin'we lweyi asamaka avulavula kufana ni mhunu lweyi. 47A vafarisi vavayangula, vaku: Xana na n'wine n'wikanganyisiwile xana? 48Hi mani ku vakulu va tiko ni ku vafarisi lweyi asamaka apfumela ku yene xana? 49Kambe loko vali vhanu volavo, vangativiki Nawu wa Moxe varukiwile. 50#Lavisa 3:1-2. A mun'wana wavu, Nikodema, lweyi angaya ku Yesu, ni vusiku, aku ku vone: 51#Fananisa ni Mlw 1:16. Xana a Nawu weru wuyavanyisa mhunu, na vangaranganga vamuyingela, ni kutiva leswi aswiyentxiki? 52#Fananisa na 1:46; 7:41. Vayangula, vaku ku yene: Xana na wene upfa Galileya ke? Lavisisa swinene utavona leswaku akuna muprofeta lweyi ahumaka Galileya. 53Kutani vahangalaka, mun'wana-ni-mun'wana atimukela kaya kwake #7:53 A ndrimana leyi ya 7:53 ayikumeki ku Matralwa ya khale ngopfu, ni ku tindrimana ta Xilatina, Xisiria, ni tin'wana. Matralwa mabeka ndrimana leyi ku mbangu wumbeni.

Currently Selected:

Yhn 7: NTX2007

Highlight

Copy