Yhn 5

Kuhanyisiwa ka lweyi wa kuwonyana swiro

1Antrhaku ka leswo, kuvani nkhuvu wa va-Yuda, kutani Yesu antlhantukela Yerusalema. 2A Yerusalema, hi tlhelo dra Mharana ya Tihamba, kuni vuhlambu#5:2 A vito dravuhlambu lebyi drivoneka ku matralwa ya khale, na swone hi mayentxela lawa yaku: Betizata, Bezata, Betizeta na Betisayida. lebyi hi Xiheberu valiki hi Bethesda; byingani ntlhanu wa tinxaxa ta tingumba #5:2 Nambi loko swingativiseki, a dondro yavutivi byakhale yikombisa avukone bya ntlhanu wa tingumba (Alpendre). 3A vhanu vanyingi va timbabyi, ni vakufa-mahlu, ni swilema, ni va kuwonyana swiro, [afa vatekisa kuyatrhama kone valavisela kupfindluka ka mati. 4Hikusa, hi minkama min'wana, yin'we ntrumi afa yixikela vuhlambyini yitatapfindluxa mati; kutani lweyi arangaka anhingena loko a mati mahakupfindluxiwa, afa ahanyisiwa, nambi ani mavabyi ya tinxaka-xaka.]#5:4 Avugamu bya ndrimana ya 3 ni ndrimana ya 4, a byivoneki ku matralwa manyingi ya khale. 5Afa kuni mhunu kone, lweyi afaka kuheli malembe ya makume mararu ni ntlhanu na mararu (38) na avabya. 6Loko Yesu amuvona na ayetleli kolahu, nikuva ativi leswaku avabyi nkama wa kuleha, aku ku yene: Xana wa swidjula kuhanyisiwa xana? 7A mbabyi yimuyangula, yiku: Hosi, anina mhunu wa kunipeta vuhlambyini, loko mati mahakupfindluxiwa; kutani loko niya kone, mun'wana anirangela, apela. 8Yesu aku ku yene: Pfuka, urwala vunanu byaku, ufamba. 9Hi nomu-lo, a mhunu lweyo ahanyisiwa, ahangarwala vunanu byake afamba. A siku ledro afa drili Savata. 10Hikola ka leswo a va-Yuda vaku ku lweyi wa kuhanyisiwa: Namunhla i siku dra Savata; kutani utlula Nawu loko urwala vunanu byaku. 11Yene avayangula aku: Lweyi anihanyisiki hi yene atiki ku mine: Rwala vunanu byaku, ufamba! 12Vamuvutisi, vaku: Hi mani mhunu lweyi atiki rwala vunanu byaku ufamba, xana? 13Lweyi wa kuhanyisiwa angativanga leswaku hi mani, hikusa Yesu afa asukile hikola ka xitrhungu lexi afaka xilikone.

14Antrhaku ka leswo Yesu ayamukuma a Tempeleni, kutani aku ku yene: Lavisa, uhanyisiwile. Loko ungadjuli kuweliwa hi khombo ledri drikulu, dritlulaka a dra kuranga, trika kudoha. 15Kutani a mhunu lweyo ahangabyela va-Yuda leswaku, lweyi amuhanyisiki, hi Yesu. 16Hikola ka mhaka leyo, a va-Yuda vasungula kulandrelela Yesu, hikusa afa atiri leswo hi siku dra Savata. 17Kambe Yesu avayangula, aku: Kutlhasa swoswi, Tatana wanga angasanganatrika kutira, kutani na mine, swanga ha yene, natira.#5:17 A yangulu driyalana nawu wa savata wa Ms 2:3. 18Hinkonta ya ritu ledro, va-Yuda vahundrisa kudjula kumudlaya, hikusa afa angatlulanga Nawu ntsena, kambe, na kone, hi kuhlaya leswaku Xikwembu Nkulukumba hi ntshima, i Tatana#5:18 Tatana: hiku hlaya leswaku Tatana hi ntshima leswo afa swikombisa leswaku yene a hambani hinkwavu va Yuda. wakwe, atiyentxa lweyi afananaka ni Xikwembu Nkulukumba.

Vuhosi bya N'wana wa Xikwembu Nkulukumba

19Hileswo-ke Yesu angavayangula, aku: Nihlayelamfuri nili ku n'wine, a N'wana angaswikoti a kutisungulela atira ntxhumu loko angavoni Tatana lweyi aswitiraka; hikuva leswi lweyo aswitiraka, na yene n'wana aswitirisa xiswoswo. 20Hikusa Tatana arandra N'wana; awamukomba hinkwaswu leswi aswitiraka Yene; kutani atamukomba ni mintiro leyi mitlulaka leyi, akuva n'witahlamala. 21Swanga hi leswi Tatana apfuxaka vafi, atlhela avanyika vutomi, hi swoswo na yene N'wana, anyika vutomi ku lava arandraka kuvanyika. 22Na swone Tatana angayavanyisi mhunu ni mun'we, kambe anyika N'wana a ntiro hinkwawu wa kuyavanyisa, 23akuva hinkwavu vavani xitxhavu ku N'wana, swanga heswi vangani xitxhavu ni le ku Tatana. Amun'wana ni mun'wana lweyi angekena xitxhavu ku N'wana, angana xitxhavu ni le ku Tatana lweyi amurumiki.

24Nihlayelamfuri nili ku n'wine, lweyi ayingelaka a ritu dranga, ava apfumela ku lweyi anirumiki, ani vutomi lebyi byingahelikiki, kutani angati kuyavanyisiweni, kambe ahumi kufeni anhingena vuton'wini. 25Nihlayelamfuri nili ku n'wine: A nkama wata, ni swoswi wutlhasile, lowu vafi vatakayingela ritu dra N'wana wa Xikwembu Nkulukumba, kutani lava vadriyingelaka vatahanya. 26Swanga hi leswi Tatana, ha vuswake angani vutomi, hi ndlela yoleyo anyiki N'wana kuvani vutomi na yene, ha vuswake. 27Na swone amunyiki ni ntamu wa kuyavanyisa hikusa i N'wana wa Mhunu. 28N'wingahlamali hi mhaka leyi; hikusa nkama wata, lowu hinkwavu lava vanga maxireni, vatakayingela ritu drakwe; 29#Lavisa Dn 12:2. kutani vatahuma lava vayentxiki leswi swinene, vatapfuka vaya vuton'wini lebyi byingahelikiki, lava vayentxiki leswimfani vatapfukela kuyavanyisiweni.

Swikombiso swa ntamu wa N'wana wa Xikwembu Nkulukumba

30Yesu aku: Ningaka ningatisunguleli niyentxa ntxhumu ha vuswanga. Niyavanyisa hi laha niswiyingelaka ha kone, kutani, akuyavanyisa kwanga kululamile, hikusa anidjuli kuyentxa kurandra kwanga, kambe kurandra ka lweyi anirumiki.

31Loko nitihambela vumboni, a vumboni byanga ahi lebyi byinene. 32Akone mun'wana lweyi anihambelaka vumboni, kutani nitiva leswaku leswi aswihlayaka ha mine i xihlayelamfuri. 33N'wirumeli vhanu ku Yohana#5:33 Ku hlayiwa Yohana Mubabatisi. Lavisa 1:19-27; 3:22-30. , kutani Yene ahambeli xihlayelamfuri a vumboni. 34Aniyamukeli hi vumboni lebyi byihumaka ku mhunu, kambe nihlaya timhaka leti akuva n'witahuluxiwa. 35Yohana afa ali xivaningo lexi xilumekiwiki, xiphatimaka; kutani n'wine n'wirandri kutitrhavela nkamanyana kuvaningeni kwake. 36Kambe mine nini vumboni lebyi byitlulaka bya Yohana. Hikusa a mintiro leyi Tatana aninyikiki leswaku nimihetisisa, minga yo mintiro leyi nimiyentxaka, hi yone leyi minihambelaka vumboni bya leswaku nirumiwi hi Tatana. 37Naswone, Tatana lweyi anirumiki, na yene hi ntshima yake anihambeli vumboni. An'wingiyingela a ritu drakwe nambi kuvona vuso byake ni siku ni drin'we. 38A ritu drakwe adriyakanga ku n'wine, hikusa an'wipfumelanga ku lweyi Xikwembu Nkulukumba amurumiki. 39#Lavisa 1:45 ni xikombiso. N'wilavisisa Matralwa, hikusa n'wiyanakanya leswaku, ku wone, n'witakuma vutomi lebyi byingahelikiki, kasi hi wone manihambelaka vumboni. 40Kutani an'wiswidjuli kuta ku mine leswaku n'wikuma vutomi lebyi byingahelikiki.

41Aniyamukeli kutwalisiwa loku kuhumaka vhanwini; 42kambe nan'witiva leswaku, an'wina lirandru dra kurandra Xikwembu Nkulukumba timbilwini tenu. 43Mine nitile hi vito dra Tatana wanga, kambe an'winiyamukeli; kasi loko mun'wana angata hi vito drakwe, lweyo n'witamuyamukela. 44Xana n'wingapfumelisa kuyini leswi n'wirandraka kutwalisana, n'wingadjuli kutwalisiwa loku pfaka ku Xikwembu Nkulukumba ha swake? 45N'wingayanakanyi leswaku hi mine nitakava murambeli wenu amahlweni ka Tatana. Lweyi atakan'wirambela hi Moxe, yelweyi n'wibekiki kudumba kwenu ku yene. 46#Fananisa na Mlw 18:15. Hikusa loko afa n'wapfumeli ku Moxe, ana n'wipfumeli ni le ku mine; hikusa afa tili timhaka tanga leti angatrala tone. 47Loko n'wingapfumeli matralwa yake, n'wingapfumelisa kuyini maritu yanga xana?

Currently Selected:

Yhn 5: NTX2007

Highlight

Copy