Yhn 1

Ritu dra Xikwembu Nkulukumba

1 # 1:1 A xitrhokovotelo (A maproverbo) 8:22-31 xini nhloko ya mhaka Ritu ledri dringa tumbuluxiwangakiki, ledri dritiki misaveni hi vumhunu bya Yesu. Fananisa ni vutivi bya Amp 8:22-26. Akusunguleni,

a Ritu afa drili kone.

A Ritu afa drili na Xikwembu Nkulukumba,

kutani Ritu afa drili Xikwembu Nkulukumba.

2A Ritu afa drili kone kusunguleni ku Xikwembu Nkulukumba.

3 # Fananisa na Gn 1:3; I Kr 8:6; Kls 1:16-17. Hinkwaswu switumbuluxiwi ha Drone, kutani akuna ntxhumu

ni mun'we lowu wutumbulukiki loko kungavanga ha Drone.

4Ku drone afa kuli ni vutomi kutani vutomi afa byili kuvaninga ku vhanu. 5A livaningo dritivonekisi munyameni,

kutani munyama awudrihlulanga.

6Kahumeleli mhunu, avito drakwe afa ali Yohana#1:6 Kuhlayiwa Yohana Mubabatisi: Lavisa 1:19-36. lweyi angarumiwa hi Xikwembu Nkulukumba. 7Ateli kuva mboni, kutabeka vumboni henhla ka kuvaninga akuva hinkwavu vapfumela hikola kwake. 8Yohana afa ange yene livaningo, kambe ateli kuhambela livaningo vumboni.

9A livaningo dra xihlayelamfuri, ledri drivaningelaka vhanu hinkwavu, dritile amisaveni.

Ledri drivaningelaka vhanu hinkwavu, dritile amisaveni

10 # Lavisa 1:3. A Ritu afa drili kone misaveni; ni misava mitumbuluxiwi ha drone,

kambe a misava amidritivanga,

11Atile ku va le kwavu#1:11 Va le kwavu. Mahlayela lawa yaku: Ku vinyi: swihlaya hi kusungula a tiko dra Israyele.,

kambe avamuyamukelanga.

12Kambe hinkwavu lava vamuyamukeliki,

avanyiki ntamu wa kuva vana va Xikwembu Nkulukumba, vanga lava vapfumeliki ku vito drakwe,

13lava vangapswaliwangakiki hi ngati, nambi kukurandra ka nyama, nambi kukurandra ka wanuna,

kambe vapswaliwiki hi kurandra ka Xikwembu Nkulukumba.

14A Ritu drandruluki nyama,

driva driyaka makari kweru,

kutani hihlaleli kuphatima#1:14 Kuphatima: a nhloko ya mhaka ya dondro ya vukhongoti ya kuphatima yikumeka ngopfu ku Ivangeli ya vumune. Lavisa 2:11; 5:41-43; 7:18; 8:50; 9:24; 11:4-40, 12:41; 17:5; 22:24. ka drone kunga kuphatima ka n'wana lweyi wa

mun'we wa Tatana; afa atali hi timpswalu ni xihlayelamfuri.

15 # Lavisa 1:30. Yohana amuhambeli vumboni, loko ahuweleli aku: Hi yelweyi afaka nihlayi yene loko niku: Lweyi ataka ntrhaku kwanga, awanitlula hi vukulu, hikusa afa ali kone loko ningasanganava kone, hikusa hi lweyi afaka anirangela. 16Kutani hi ntalo wa timpswalu takwe, hine hinkweru hiyamukeli timpswalu henhla ka timpswalu. 17#Fananisa na Khm 31:18; 34:28. Hikusa a Nawu wunyikiwi hikola ka Moxe, kambe a timpswalu ni xihlayelamfuri switi ha Yesu Kriste. 18#Fananisa na Khm 33:20. Akuna mhunu lweyi asamaka avona Xikwembu Nkulukumba ni kun'we. A N'wana lweyi anga mun'we, lweyi anga xifuveni xa Tatana, hi yene lweyi ahitlhamuxeliki leswi Tatana angaxiswone.

Vumboni bya Yohana Mubabatisi

(Mt 3:1-12; Mrk 1:1-8; Lk 3:1-18)

19Hi byolebyi a vumboni lebyi Yohana angahlaya byone, a siku ledri va-Yuda va-le-Yerusalema vangaruma vaprista ni va-Levi ku yene, akuyamuvutisa, vaku: Xana wene umani? 20Angakanetanga, ayanguli hi kutiyisa swinene, aku: Mine, ahi mine Kriste. 21Kutani vamuvutisa, vaku: Loko swili tanu, wene umani xana? Hi wene Eliya xana? Aku: Ahi mine. Vaku: Umuprofeta xana? Ayanguli, aku: Im'hi! 22Kutani vaku ku yene: Hi wene mani xana? Hidjula kutlhela ni yangulo ku lava vahirumiki. Xana wene utihlaya mani? 23#Lavisa Ezy 40:3. Yohana aku:

Mine ni ritu ledri drihuwelelaka huleni, driku:

Lulamisani ndlela ya Hosi,

hi laha na yene muprofeta Ezaya ahlayiki ha kone.

24Vafarisi van'wana na vone afa varumiwile. 25Kutani vamuvutisa vaku: Leswi ungeke Kriste, ungeke Eliya, na kone ungeke muprofeta, hikola ka yini ubabatisa xana? 26Yohana avayangula, aku: Mine nibabatisa hi mati; kambe amakari kwenu akone lweyi n'wine n'wingamutivikiki; 27lweyi ataka ntrhaku kwanga, lweyi swinga nifanekelangakiki kuntrhunxa tingoti ta swifambu swake.

28A timhaka leto tihumeleli le Betaniya#1:28. A Betaniya lweyi, anga kutlhelo dra vuxa dra Yordana, angatibyiwi na kone anganakupimiseliwa na Betaniya wa le ku 11:1., a halahaya ka nambu wa Yordana, lomu Yohana afaka ababatisa kone.

Yohana a kombisa Yesu ku xitrhungu

29 # Fananisa na Ezy 53:6-7; Mpf 5:6; Yhn 1:36. A siku ledri drintlhantamaka, Yohana avona Yesu na ata ku yene, kutani aku: Vonani! Hi leyi a Hambana ya Xikwembu Nkulukumba leyi yisusaka swidoho swa misava! 30Hi yene lweyi afaka nihlaya yene loko niku: Kuta wanuna antrhaku kwanga lweyi anitlulaka hi vukulu, hikusa afa ali kone na mine ningasanganava kone. 31Mine afa ningamutivi, kambe nitile na nili lweyi ababatisaka hi mati, leswaku atavonekisiwa ku vana va Israyele.

32Yohana abeki vumboni byake aku: Nivoni Moya wuxika hi le tilweni wufana ni tuva, watatrhama henhla kwake#1:32 Fananisa na Ezy 11:2; 61:1. A mutrali wa Ivangeli ya vumune angatlhamuxeli a Babatisu dra Yesu hi kutlhavukanyisa swanga hi laha a vadondrisi va Nawu lava vararu va Ivangeli vayentxiki ha kone, kambe akombisiwa ku tindrimana ta 32-33 ta Babatisu hi ndlela ya vuyentelelo bya vukhongoti mayelanu ni Moya wa Kuxwenga ni kutiyisa ka kuhambana ka mati ni Moya. Lava vararu vakhanela hi kupfuleka ka Matilo, Moya wa Kuxwenga lowu wuxikaka ni ritu dra Tatana (Mrk 1:9-11 ni maritu ya kufana ku Mt na Lk), na kasi Yohana a katrakanya a mhaka hinkwayu na akuma a nkongometo ku Moya. 33Mine afa ningamutivi, kambe Xikwembu Nkulukumba anibyelile, aku: Lweyi utakavona a Moya wuxikela ku yene, wutrhama henhla kwake, hi yene lweyi ababatisaka hi Moya wa Kuxwenga. 34Mine Yohana nimuvonile, kutani nibeki vumboni bya leswaku hi yene N'wana wa Xikwembu Nkulukumba.

Vadondrisiwa vakusungula

35A siku ledri drintlhantamaka, Yohana atlhela ava kone kolahu, na ali ni vadondrisiwa vakwe vabiri. 36#Lavisa 1:29. Loko avona Yesu na ahundra, aku: Vonani! Hi leyi Hambana ya Xikwembu Nkulukumba! 37A vadondrisiwa lavo vabiri, vatiki vayingela leswi aswihlayaka, valandra Yesu. 38Loko Yesu andruluka, avavona na vamulandra, ahanga vavutisa aku: N'widjula yini xana? Vaku ku yene: Rabi, utrhama kwini? (Rabi hileswaku Mudondrisi). 39Aku ku vone: Tanani, n'watakuvona. Vahangaya, vayavona laha atrhamaka kone; kutani vatrhama ku yene a siku droledro; a nkama afa wudjula kuva wa vumune wa lihungu.

40Andreyasi makwa Simoni Petrosi, afa ali mun'we ku lava va vabiri lava vayingeliki kukhanela ka Yohana, valandra Yesu. 41Yene arangi akuma Simoni makwavu, kutani aku ku yene: Hikumi Mesiya (hileswaku Kriste, Mutotiwa, loko kutlhamuxeliwa). 42Amuyisa ku Yesu. Loko Yesu amulavisile, aku: U Simoni, n'wana Yohana. Utatxhuliwa Kefasi (Xigirika: Petrosi; hileswaku Ribye).

Filipi ayisa Nataniyele ku Yesu

43A siku ledri drintlhantamaka, Yesu afa adjula kuya Galileya, kutani akumi Filipi aku ku yene: Ni landre! 44(Filipi afa ali wa le Betsayida#1:44 Betsayida afa wuli kusuhi na Kapernawume., muti wa Andreyasi na Petrosi.) 45#Fananisa na Mlw 18:18; Ezy 9:5-6; Ez 34:23. Filipi akuma nakulobye Nataniyele, aku ku yene: Lweyi Moxe atraliki timhaka takwe Nawini, ni vaprofeta himukumile: Hi Yesu wa Nazarete, n'wana Yosefa. 46Nataniyele aku ku yene: Xana kungahuma yini lexi xinene a Nazarete ke? Filipi aku ku yene: Tana, uswivona. 47Yesu loko avona Nataniyele ata na amukongomile, kutani aku: Vonani a mu-Israyele wa xihlayelamfuri, lweyi kungekena kukanganyisa ku yene. 48Nataniyele amuvutisa aku: Xana unitivisa kuyini? Yesu amuyanguli, aku: Loko Filipi angasangana kuvitana, afa nikuvoni uli hansi ka nkuwa.#1:48 Swanga hi va rabi va nkama kuwa, afa kuni xihena ku va-Yuda xa kuva vahlaya ni kuyanakanya a Matralwa a ntrhutini wa nkuwa. Hinkwaswu leswi swinga ku 1:43-51 swikhanela mayelanu ni kugungula ka Mesiya a Matralwini lawa afaka madondriwa a hansi ka nkuwa. 49#Fananisa ni Mps 2:7; Sf 3:15. Nataniyele amuyangula, aku: Rabi, u N'wana wa Xikwembu Nkulukumba, u Hosi ya Israyele. 50Yesu ayangula, aku ku yene: Xana upfumela hi leswi nitiki: Nikuvoni a hansi ka nkuwa, xana? Utavona leswi swikulu kutlula leswi. 51#Fananisa na Gn 28:2-12. Ayengeta aku ku yene: Nihlayelamfuri nili ku n'wine: n'witavona tilo dripfulekile, ni ntrumi ya Xikwembu Nkulukumba yili kari yintlhantuka ni kuxikela ku N'wana wa Mhunu.

Currently Selected:

Yhn 1: NTX2007

Highlight

Copy