MATIUS 23

Yesus melei namen utuk teatei teadep paro Pemipin Agamo

(Mrk. 12:38-39; Luk. 11:43, 46, 20:45-46)

1Lajau Yesus madeak ngen tun dau, ngen penotoa-penotoa-Ne, 2“Gu'au-gu'au agamo ngen tun-tun Farisi berhok nafsir hukum Musa. 3Sebab'o turutba ngen temurutba kutene de tobo'o majea. Tapi jibeak menea jano de tobo'o manea, Kerno tobo'o coa manea jano de tobo'o majea. 4Tobo'o temutut hal-hal de sulit ngen melei peraturan-peraturan de benek, tapi tobo'o dewek didik bae coa temulung tun de meneune. 5#Bil. 15:38; Ul. 6:8; Mat. 6:1 Kute de tobo'o menea cuma utuk kenliak tun bae. Tobo'o sengajo makei tilai semyang de libea ngen nanjang jumbai-jumbai jubah tobo'o. 6Tobo'o lok temot neak penan de kembiak baik neak pesta, ngen kersai-kersai utuk paro pemipin neak Umeak Semyang. 7Tobo'o senang nehormat tun-tun neak pasar ngen lok de nok pak gu'au. 8Tapi udi, jibeak lok endeu pak gu'au, kerno cuma ade do gu'aunu ngen udi kutene adeba pasuak. 9Ngen jibeakba udi menok do tun kulo neak dunio yo, ‘Bak’, kerno hanya do baknu, adeba si neak surgo. 10Jibeakba udi lok endeu pemipin, kerno ade do pemipinnu, adeba Rajo Penyelamat de jenijai ngen Allah. 11#Mat. 20:26-27; Mrk. 9:35, 10:43-44; Luk. 22:26 Tun de kembiak lai neak antaro udi, harusba jijai pelayannu. 12#Luk. 14:11, 18:14 Tun de mlekat dirainu bakea nrendeak ngen tun de mrendeak diraine bakea nlekat.”

Yesus temgur sipet munafik

(Mrk. 12:40; Luk. 11:39-42, 44, 52, 20:47)

13“Celakoba udi pemipin-pemipin agamo ngen tun-tun Farisi! Tun-tun munafik. Kerno udi malang tun-tun utuk jijai anggota umat Allah. Udi dewek coa lok jijai anggota umat Allah, ngen tun de lok, udi malang.

[ 14Celakoba udi gu'au-gu'au agamo ngen tun-tun Farisi: Udi tun-tun munafik. Udi mike jando-jando ngen mok seca'o pakso umeakne, utuk temutup uleak jahat'o udi beduo panjang-panjang. Do'oba sebabne hukuman udi konyo benek!]

15Celakoba udi gu'au-gu'au agamo ngen tun-tun Farisi! Udi tun-tun munafik! Udi lalau uak-uak nyebe'ang laut ngen mejelajah da'et cuma utuk menea do tun masuk agamonu. Sesudo tun masuk agamonu, udi menea si calon nerako de duai kilai lebiak jahat kunei udi dewek!

16Celakoba udi pemipin-pemipin buto! Udi majea dio madeak, ‘Amen udi besupeak kerno Umeak Semyang, tun'o coa teiket ngen supeakne; tapi amen si besupeak kerno emas neak lem Umeak Semyang, si teiket ngen supeakne'o.’ 17Udi tun-tun iloa ngen buto! Ipe de lebiak penting; emasne atau Umeak Semyang de jemijai emas'o sucai? 18Udi majea dio kulo, ‘Amen suang besupeak kerno penan kurban neak umeak semyang tun Yahudi, tun'o coa teiket ngen supeakne, tapi amen si besupeak kerno kurban de ade neak dasne, penan kurban neak umeak semyang tun Yahudi, si teiket ngen supeakne'o.’ 19Padeak butone udi! Ipe de lebiak penting? Kurbanne atau penan kurban neak umeak semyang tun Yahudi, de jemijai kurban'o sucai? 20Kerno'o amen do tun basupeak, kerno penan kurban neak umeak semyang tun Yahudi, do'o berartai si besupeak kerno penan kurban neak umeak semyang tun Yahudi, ngen kerno kute kurban de ade neak dasne. 21Ngen amen suang besupeak kerno Umeak Semyang, berartai si besupeak kerno Umeak Semyang bae ngen kerno Allah de tinggea neak di. 22#Yes. 66:1; Mat. 5:34 Ngen amen suang besupeak kerno surgo berartai si besupeak kerno Allah de temot neak penanne meriteak ngen kerno Allah kulo.

23 # Im. 27:30 Celakoba udi gu'au-gu'au agamo ngen tun-tun Farisi! Udi tun-tun munafik. Repeak-repeak awei selasiak, adas manis, jitan, udi melei perdepuluakne ngen Tuhan. Padahal hal-hal'o de tepeting lem ukum agamo, awei misalne, adea belas kasiak ngen coa udi miraune. Padahal do'oba de seharusne udi menea ngen coa mabai de luyenne kulo. 24Udi pemipin-pemipin de buto! Daleak lem menemnu udi semaring tapi uto udi temlen.

25Celakoba udi gu'au-gu'au agamo ngen tun Faris! Udi tun munafik! Makuk-makuk ngen pinggan-pinggan udi mpuk bersih-bersih neak lueane bae, tapi neak lemne kembiak ngei ngen hal-hal de udi dapet ngen ca'o pakso ngen tamak. 26Hoi Farisi de buto! Empukba kileak bersih-bersih peak lem makuk'o ngen pinggan-pinggannu supayo peak lueane kulo jijai bersih.

27 # Kis. 23:3 Celakoba udi gu'au-gu'au agamo ngen tun-tun Farisi! Udi tun-tun munafik! Udi awei kubua de ncet putiak; neak luea baes kutene, tapi neak lemne penuak ngen telan ngen kute de usuk-usuk. 28Udi kulo awei'o, kunei luea udi ketenne baik ngen tun, tapi peak lem, udi penuak ngen munafik ngen duso-duso.”

Yesus semapei hukuman das gu'au-gu'au agamo ngen tun-tun Farisi

(Luk. 11:47-51)

29“Celakoba udi gu'au-gu'au agamo ngen tun-tun Farisi! Udi tun-tun munafik! Sebab udi mbangun kubua-kubua ngen ba'es utuk nebai-nebai, ngen merias tugu-tugu utuk minget tun-tun de idupne baik. 30Ngen udi madeak, ‘Amen keme idup neak zaman ninik puyang keme, bel'o keme coa bakea milem ngen tobo'o munuak nebai-nebai.’ 31Jijai udi ngakau dewek bahwa udiba anok tun-tun de munuak nebai-nebai. 32Amen awei'o tenrusba ngen senudoba duso-duso de bi muloi ngen puyangnu'o! 33Udi jahat ngen udi kulo anok tun jahat! Awei ipe udi dapet semlamat dirai kunei hukuman neak nerako? 34Ti'ukba baik-baik: uku bakea mbo ngen ko nebai-nebai, tun-tun pacok ngen gu'au-gu'au, pao kunei tobo'o bakea udi munuak ngen udi semalib. Ade de bakea udi semikso neak lem umeak-umeak semyangnu ngen udi jemalang-jemalang kunei do kota moi kota de luyen. 35Sebab'o udi bakea nukum kerno udi munuak neak antaro Umeak Semyang ngen penan kurbanne. Kute tun de coa saleak, muloi Habel, sapei Zakaria. 36Pecayoba, kutene'o bakea de temanggung oleh tun-tun jaman yo!”

Yesus semlen Yerusalem

(Luk. 13:34-35)

37“Yerusalem, Yerusalem! Nebai-nebai ko munuak. Tun-tun de nutus Allah ko meluk ngen butau sapei matei. Sudo kedau kilai Uku lok melungguk kute rakyatnu awei indok monok mlindung anok-anokne neak beak sayepne, tapi ko coa lok. 38Kerno'o Allah coa igai semerto ko. 39Udi mestai namen: Muloi uyo ko coa bakea kemliak Uku igai, sapei ko madeak, ‘Tuhan melei rahmat ngen si.’ ”

Currently Selected:

MATIUS 23: REJ

Highlight

Copy