MATIUS 18
18
Api de kembiak lai
(Mrk. 9:33-37; Luk. 9:46-48)
1 #
Luk. 22:24
Pado waktau'o penotoa-penotoa Yesus teko ngen-Si ngen betanye, “Api de manggep kembiak lai neak antaro umat Allah?”
2Yesus menok suang anok titik, ngen mpek si je neak adep tobo'o. 3#Mrk. 10:15; Luk. 18:17 Lajau Yesus madeak, “Pecayoba! Amen udi bubeak ngen jijai awei anok titik, udi bakea jijai anggota umat Allah. 4Tun de mrendeak diraine ngen jijai awei anok yo, dioba delai neak antaro umat Allah. 5Ngen tun de temimo anok de awei yo kerno Uku, taine temimo Uku.”
Hal-hal sembab tun menea duso
(Mrk. 9:42-48; Luk. 17:1-2)
6“Api semaleak do kunei anok titik yo coa pecayo igai ngen-Ku, lebiak baik butau lai neket moi kagenne ngen si ndem neak laut lem. 7Padeak celakone dunio yo kerno hal-hal de sembab tun beduso. Hal-hal de awei'o selalu ade, tapi celakoba tun de sembabne.
8 #
Mat. 5:30
Amen tangennu atau kekeanu jemijai ko beduso, notongba ngen nuangba. Kerno lebiak baik baginu idup ngen tangen atau kekea depeak, kunei pado udi nuang moi lem nerako ngen keduai tangen ngen kekeanu. 9#Mat. 5:29 Ngen amen matainu de sembab ko beduso, cukea ngen nuangba, kerno lebiak baik bagiaknu idup ngen Allah do matai, kunei pado nuang moi lem nerako ngen duai matai.”
Perumpamo tetang domba de nyeb
(Luk. 15:3-7)
10“Awas! Jibeak mino suang tun-tun titik yo. Sebab ingetba, malaikat-malaikat tobo'o selalu ade neak adep Bak-Ku neak surgo.
[11#Luk. 19:10 Kerno Anok Manusio teko utuk semlamat de nyep!]
12Awei ipe pendapetnu? Amen dikup tun temuan sotos likup domba, ngen dikup neak antarone ade de nyep, jano de bakea nea tun'o? Sahe si bakea teminggea de sembilan puluak sembilan'o neak tebo ngen lalau mesoa de nyep'o. 13Pecayoba Uku amen si temau igai domba'o, si lebiak riang das de dikup'o kunei pado de sembilan puluak sembilan de coa nyep. 14Awei'o kulo Baknude neak surgo kunei tun-tun de tembei pecayo ngen Uku yo nyep.”
Amen pasuaknu beduso
15 #
Luk. 17:3
“Amen pasuakne menea duso teadep ko, lalauba ngen si tenunjukba saleakne. Meneaba seca'o diem-diem antaro udi beduai bae. Amen si temurut nadeaknu, mako ko berasea temau igai pasuaknu. 16Amen si coa temi'uk ko, mbinba do atau duai tun igai. Sebab lem kiteb tenulis awei yo, ‘Sekuang-kuangne harus ade duai atau telau tun saksai utuk mutus suang tun de tenuduak be saleak.’ 17Amen si coa lok temimo nasehat tun-tun'o senapei. Ngen amen si coa kulo lok temi'uk nasehat jemaat, tapi anggepba si awei suang tun penagiak ngen tun de coa kemnal Allah.”
De coa meluak ngen de benea
18 #
Mat. 16:19; Yoh. 20:23 “Udi perlu namen: Jano de udi coa meluak benea neak dunio yo kulo coa meluak neak surgo. Ngen jano de benea neak dunio kulo bakea benea neak surgo.
19Udi perlu namen kulo Uku madeak ngen ko igai: Amen neak antaro udi neak dunio yo, duai tun sepakat tetang jano bae ngen de mu'one, kinoi do'o bakea knabul ngen Bak-Ku neak lem surgo. 20Sebab neak ipe duai atau telau tun bekopoa kerno Uku, Uku ade neak tengeak-tengeak tobo'o.”
Perumpamo tetang pegawai Rajo de coa lok mapun tun
21 #
Luk. 17:3-4
Sesudo'o Petrus teko ngen madeak, ngen Yesus, “Tuhan, amen pasuakku menea duso ngen uku, sapei kedau kilai uku harus mapun si? Jano sapei tujuak kilai?”
22Yesus jemawab: “Coa, iso sapei tujuak kilai, tapi tujuak puluak kilai tujuak kilai! 23Amen Allah meriteak, keadaanne awei lem perumpamo yo: Suang rajo lok semlesei utang-utang pegawai-pegawaine. 24Waktau si muloi mrikso suang pegawai nadep ngen si de butang bejuta-juta, 25ngen yo coa dapet mlunasne. Jijai rajo'o mriteak, supayo pegawai'o jenuea serpok ngenyan ngen anokne ngen kute hokne utuk masen utangne. 26Pegawai'o sujud sembeak si, ngen minoi, ‘Sabarba tuan teadepku, uku bakea mlunas kute utangku.’ 27Rajo'o kembiak selen kemliakne, si mapus kute utangne.
28Tapi waktau pegawei rajo'o keluea, si temmau ngen pegawai de luyen de butang ngen si kekedau ribau, Si temakep, mecit kuatne'o ngen madeakne, ‘Nasenba kute utangnu!’ 29Lajau kuat'o sujud neak adepne ngen minoi, ‘Sabarba kileak kuat, kutenene'o bakea uku mlunas!’ 30Tapi pegawai Rajo'o temulok. Saleakne si semreak kuatne moi lem sel sapei si mlunasi utangne. 31Tiko pegawai rajo de luyen kemliak jano de tejijai, tobo'o kembiak selen lajau semapei kutene ngen rajo. 32Lajau rajo menok pegawai de jahat'o ngen madeak ngensi, ‘Hoi pegawai de jahat, kute utangnu sudo kumapus kerno ko minoi ngen uku. 33Ko kulo harus semlen ngen kuatnu awei uku sudo kemasiakko, au coa?’ 34Rajo kembiak mengiak. Pegawai rajo de jahat'o nasuk moi lem sel sapei si mlunas kute utangne.”
35Yesus semlesei ceritone awai yo, “Bak-Ku de neak surgo bakea menea awei yo kulo ngen udi, amen udi coa mapun pasuaknu ngen ikhlas.”
Currently Selected:
MATIUS 18: REJ
Highlight
Share
Copy
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
