LUKAS 17
17
Hal-hal de sembam tun menea duso
(Mat. 18:6-7, 21-22; Mrk. 9:42)
1 #
Mat. 18:6-7; Mrk. 9:42 Yesus madeak ngen penotoa-penotoa-Ne, “Coa mukin coa bakea ade tun menea duso, tapi celakoba tun de sembabne. 2Adeba lebiak baik utukne amen do butau lai neket moi kagenne, lajau si nuang moi lem laut, kunei pado si menea duso pado saleak suang kunei tun-tun titik yo. 3#Mat. 18:15 Jagoba dirainu!
Amen pasuak udi menea duso, tena'ok ba si, ngen amen si nyesoa, napunba si. 4#Mat. 18:22 Amen si beduso ngen pasuak tujuak kilai debilai ngen tiep kilai teko ngen pasuak ngen madeak, ‘Uku minoi maaf,’ mapunba si.”
Tetang imen
5Lajau nadeak rasul-rasul o ngen Tuhan, “Tambeakba imen keme!” 6Jawab Tuhan, “Amen sekirone udi temuan imen dekelai soa sawi bae, udi dapet madeak ngen pun ara yo, ‘Tekotba pun ara ngen tetanemba neak lem laut,’ ngen pun yo bakea taat ngen udi.”
Tuan ngen pelayan
7“Misalne neak antaro udi ade temuan suang pelayan de tukang bajok atau tukang mingun ternok utukne. Sesudo, pelayan'o belek kunei kebun, jano si bakea madeak, ‘Maro segro mukmei!’ 8Paset coa. Sebelekne si bakea madeak ngen pelayan o: Sendioba kembukku. Neketba pinggangnu ngen melayanba uku sapei selsei uku mukmei ngen menem. Ngen sesudo'o udi buliak mukmei ngen menem. 9Jano si mokasiak ngen pelayan o, kerno pelayan o bi menea jano de tenugas ngen si? 10Awei'o kuloba udi. Amen udi bi menea kute sesuaktau de tenugas ngen udi, lokba udi madeak, ‘Keme adeba pelayan-pelayan de coa beguno; keme cuma menea jano de keme harus menea.’ ”
Puluak tun olon kidek
11Lem pemaneu moi Yerusalem, Yesus liwet daerah pebatas Samaria ngen Galilea. 12Ketiko Yesus masuk do sadei, tekoba puluak tun olon kidek temau Yesus. Tobo'o tinggea je agok uak 13ngen menggang, “Yesus! Gu'au! Kasiakba keme!”
14 #
Im. 14:1-32
Lajau Yesus demnong tobo'o ngen madeak, “Lalauba, kentenba dirainu ngen imem-imem.”
Sementaro tobo'o neak tengeak dalen tobo'o jijai ka'en. 15Suang kunei tobo'o, ketiko kemliak bahwo si bi ka'en, belekba ngen Yesus samo mujai Allah ngen sa'ei nya'ing. 16Si sujud neak adep kekea Yesus ngen mucep syukur ngen-Si. Tun o adeba suang Samaria. 17Lajau Yesus jemawab, “Puluak tun bolon nano kutene bi jijai ka'en? Neak ipe de sembilan tun o? 18Coa ade neak antaro tobo'o de belek utuk mujai Allah seluyen kunei pado tun asing yo?” 19Lajau Yesus madeak ngen tun o, “Je ba ngen lalauba, imennu bi semlamat ko.”
Waktau Allah teko utuk memeriteak
(Mat. 24:23-28, 37-41)
20Kekedau tun Farisi temnai ngen Yesus tengen Allah teko utuk meriteak. Yesus jemawab, “Pemeriteak Allah coa muloi ngen tando-tando de dapet kenliak tun, 21sehinggo tun dapet madeak, ‘Maro kenliak, si ade neak piyo atau si ade neak di!’ Sebab sesungguakne bahwa Allah sudo memeriteak neak tengeak-tengeak udi.”
22Lajau Yesus madeak ngen penotoa-penotoa-Ne, “Bakea teko waktaune udi lok kemliak do kunei pado bilai-bilai Anok Manusio o, tapi udi coa bakea kemliakne. 23Ngen tun bakea madeak ngen udi, ‘Keliak, si ade neak di!’ atau, ‘Keliak, si ade neak yo!’ Jibeak udi lalau moi mindi, jibeak udi milau. 24Sebab serai awei glep seminea kunei ujung lenget de do moi ujung lenget de luyen, awei'o kuloba konyo halne Anok Manusio teko pado bilai-Ne. 25Tapi Yesus harus temanggung dau derito ngen coa tenimo tun-tun zaman yo. 26#Kej. 6:5-8 Pado bilai Anok Manusio kemten dirai konyo, keadaanne awei pado zaman Nuh bel'o. 27#Kej. 7:6-24 Tun mukmei menem, ngen ngikeak; awei'oba bogoa sapei Nuh masuk moi lem kepea ngen banjir teko serto munuak tun-tun o kute. 28#Kej. 18:20–19:25 Kulo keadaanne awei pado zaman Lot. Tun mukmei menem, bejagea ngen temukua, tobo'o temanem ngen mbangun umeak. 29Tapi pado bilai Lot lalau keluea kunei Sodom tu'unba ujen opoi ngen ujen beli'ang kunei lenget ngen kute tobo'o benaso. 30Awei'oba halne keadaan pado bilai konyo, neak ipe Anok Manusio kemten dirai-Ne.
31 #
Mat. 24:17-18; Mrk. 13:15-16 Pado bilai o tun de gidong ade neak das atep umeakne jibeakba tu'un utuk mok barang-barangne de neak lem umeak. Awei o kulo tun de gidong neak kebun jibeakba belek moi umeakne. 32#Kej. 19:26 Ingetba jano de bi tejijai ngen ngenyan Lot! 33#Mat. 10:39, 16:25; Mrk. 8:35; Luk. 9:24; Yoh. 12:25 Tun de berusaho semlamat idupne, bakea kelnyep idupne. Tapi tun kelnyep idupne bakea semlamatne. 34Uku madeak ngen udi, ‘Pado kelmen o ade duai tun neak das do penan tidua, de suang bakea nembin ngen de luyen bakea teninggea. 35Ade duai tun selawei sesamo temutuk gelpung, de suang bakea nembin ngen de luyen bakea teninggea.’ [ 36Amen ade duai tun neak kebun, de suang bakea nembin ngen de luyen bakea teninggea.]”
37Nadeak tobo'o ngen Yesus, “Neak ipe, Tuhan?”
Nadeakne ngen tobo'o, “Neak ipe ade mayit, neak di ade burung de mbuk bukei.”
Currently Selected:
LUKAS 17: REJ
Highlight
Share
Copy
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
