KISAH RASUL-RASUL 7

Pidato Stefanus

1Imem Lai betanye ngen Stefanus, “Jano kute de nadeak tun o benea?” 2#Kej. 12:1 Stefanus jemawab, “Pasuak-pasuak ngen Bapok-bapok! Cubo ni'uk uku! Ayok ninik puyang ite Abraham baliak moi Haran, pado waktau si masiak tinggea neak Mesopotamia, Allah de mulio teko ngen si 3ngen madeak, ‘Teninggeaba negrainu ngen sanok pasuaknu. Lalauba moi negrai de bakea Uku temunjuk ngen ko.’ 4#Kej. 11:31, 12:4 Mako Abraham teminggea negrai Kasdim, lajau baliak moi Haran. Sesudo tiak Abraham ninggea, Allah menea Abraham baliak moi negrai yo de pasuak-pasuak ngen Bapok-bapok kutene tinggea uyo. 5#Kej. 12:7, 13:15, 15:18, 17:8 Pado waktau o coa ade pa'o kulo kunei negrai yo de Allah melei ngen Abraham utuk jijai temuan Abraham; setapok kulo coa nelei ngen si. Tapi Allah bejanjai bahwo Si bakea meleine ngen Abraham utuk jijai temuan Abraham serto royotne. Waktau o Abraham coa temuan anok. 6#Kej. 15:13-14 Tapi dioba de nadeak Allah ngen si, ‘Royotnu bakea tinggea awei tun asing neak negrai tun luyen. Tun-tun negrai o bakea menjajah tobo'o ngen menea tobo'o ngen kejam pat otos taun keanne. 7#Kel. 3:12 Tapi Uku bakea mukum bangso de budok tobo'o. Ngen tobo'o bakea keluea kunei negrai o ngen bakea nyembeak Uku neak penan yo.’ 8#Kej. 17:10-14, 21:2-4, 25:26, 29:31–35:18 Sesudo madeak awei o janjai o nesah ngen Allah ngen upacara sunat. Mako sesudo Ishak, anok Abraham laher, Abraham semunat si pado waktau si be'omor lapen bilai. Sesudo'o Ishak semunat kulo anokne, adeba Yakub. Ngen Yakub kulo semunat keduai belas anokne, adeba de jijai bapok-bapok leluhur bangso Yahudi.

9 # Kej. 37:11, 28, 39:2, 21 Bapok-bapok leluhur ite o nyebu'au ngen Yusuf, sehinggo tobo'o jemuoa si jijai budok neak Mesir. Tapi Allah semerto si, 10#Kej. 41:39-41 ngen empas si kunei kute kesaro ne. Allah melei ngen si budai ngen kebijaksanaan pado waktau si madep Firaun rajo Mesir, sehinggo Firaun jemijai si gubernur negrai Mesir ngen penguaso istana Firaun. 11#Kej. 42:1-2 Sesudo'o tejijai bahayo kenyemen de lai neak kute negrai Mesir ngen Kanaan sehinggo tun saro sekilai. Ninik puyang ite coa dapet kembuk. 12Tapi waktau Yakub temi'uk bahwo neak taneak Mesir ade gelpung, si meluak ninik puyang ite moi mindi. Do'oba kilai pertamo tobo'o lalau moi Mesir. 13#Kej. 45:1, 16 Waktau tobo'o lalau keduai kilaine, Yusuf melei namen ngen pepasuakne o bahwo siba Yusuf. 14#Kej. 45:9-10, 17-18, 46:27 Sesudo'o Yusuf kemirim bito ngen tiakne, adeba Yakub, utuk minoi si sesamo kute keluargone baliak moi Mesir – kutene ade tujuak pulak lemo tun. 15#Kej. 46:1-7, 49:33 Mako Yakub baliak moi Mesir ngen neak di ba si ngen ninik puyang ite ninggea. 16#Kej. 23:3-16, 33:19, 50:7-13; Yos. 24:32 Mayit tobo'o lajau mbin igai moi Sikhem ngen kenubua neak kubua de sudo tenukua Abraham ngen jumlah caci kunei sukau bangso Hemor neak Sikhem.

17 # Kel. 1:7-8 Ketiko sudo waktaune Allah menuak janjaine ngen Abraham, bangso ite neak Mesir bi betambeak dau. 18Akherne suang rajo de luyen de coa kemnal Yusuf, meriteak neak Mesir. 19#Kel. 1:10-11, 22 Rajo o meliam bangso ite ngen kejam te'adep ninik puyang ite. Si makso tobo'o de pei laher nuang, supayo bangso ite jibeak bekembang. 20#Kel. 2:2 Pado maso'o Musa laher; si cupik de ba'es nien. Telau bulen ke'anne si telusik neak umeak tiakne, 21#Kel. 2:3-10 sesudo si nuang, anok selawei Firaun mok si, lajau murus si awei anokne suang. 22Kute ilmu bangso Mesir najea ngen si ngen si jijai tun de kembiak bekuaso lem kecek ngen plepne.

23 # Kel. 2:11-15 Waktau Musa be'omor pat puluak taun, timboaba niat lem ateine utuk lalau kemliak keadaan bangsone tun Israel. 24Lajau si kemliak suang kunei tobo'o senikso ngen suang Mesir. 25Musa sako bangsone bakea ngertai bahwo Allah gidong makei si utuk mebebas tobo'o. Tapi nyatone tobo'o coa ngertai. 26Menne si kemliak kulo duai tun Isarel belago, lajau si berusaho damoi tobo'o. Si madeak, ‘Udi yo pasuak. Getai udi belago?’ 27Tapi tun de mokoa kuatne o temulok Musa moi biding lajau madeak, ‘Api de maket ko jijai pemipin keme? 28Jano ko lok munuak uku kulo awei ko munuak tun Mesir o lebeak?’ 29#Kel. 18:3-4 Waktau Musa temi'uk jano de nadeak tun o, Musa melilai kunei Mesir lajau tinggea neak negrai Midian. Neak di si dapet duai anoksemanei.

30 # Kel. 3:1-10 Pat puluak taun sesudi o suang malaikat teko ngen Musa neak benei libea pa'ok Tebo Sinai. Malaikat o teko neak lem opoi kunei sakea de gidong tunun. 31Musa selle kemliak hal o, sehinggo si lalau pepa'ok utuk namen jano do'o. Lajau si temi'uk sa'ei Tuhan madeak, 32‘Ukuba Allah ninik puyangnu; Uku Allah kunei Abraham, Ishak ngen Yakub.’ Musa kemtea kerno saben sehinggo coa binai igai kemliak moi sakea o. 33Sesudo'o Tuhan madeak kulo, ‘Nepas selop de nakeinu o, sebab taneak neak penan ko je o adeba taneak de sucai. 34Uku bi kemliak ngen sungguak kesaro umat-Ku neak taneak Mesir ngen Uku bi temi'uk keluhan tobo'o, ngen Uku bi tu'un utuk melepas tobo'o. Kerno o maroba! Ko bakea Uku nutus moi taneak Mesir.’

35 # Kel. 2:14 Musa dioba Musa de coa nakau bangso Isarel ngen de temulok ngen kecek yo, ‘Api de maket ko jijai pemipin ngen hakim keme?’ Tapi siba tun de nutus Allah tuk jijai pemipin ngen penyelamat, ngen tulung kunei malaikat de teko ngen si neak sakea de tunun. 36#Kel. 7:3, 14:21; Bil. 14:33 Musa o ba de mipin bangso Israel keluea kunei Mesir ngen menea mujizat-mujizat ngen hal-hal de luea biaso neak Mesir, neak laut mileak ngen neak benei libea seke'an pat puluak taun. 37#Ul. 18:15, 18 Siba kulo Musa de madeak ngen bangso Israel, ‘Allah bakea melei ngen ko suang nebai de niliak kunei antaro udi suang, serai awei si miliak uku.’ 38#Kel. 19:1–20:17; Ul. 5:1-33 Musaba de neak tengeak-tengeak bangso Israel neak benei libea, jijai perantaro utuk malaikat de miling ngen si neak Tebo Sinai ngen ninik puyang ite. Siba de temimo kunei Allah bito de idup senapei ngen ite.

39Tapi ninik puyang ite coa lok taat ngen si. Tobo'o temulok si ngen lok belek moi Mesir. 40#Kel. 32:1-6 Tobo'o madeak ngen Harun, ‘Neaba diwo-diwo mipin keme. Sebab keme bi coa namen igai jano de tejijai ngen Musa o de mbin keme keluea kunei Mesir!’ 41Lajau waktau tobo'o menea de buak patung anok sapai, sesudo'o tobo'o melei kurban ngen patung o ngen menea pesta utuk nyembeak barang nea tobo'o suang. 42#Am. 5:25-27 Mako Allah teminggea tobo'o ngen munyau tobo'o nyembeak bitang-bitang neak lenget. Do'o sesuoi ngen jano de tetulis lem kiteb nebai-nebai. Awei yo,

‘Hoi tun-tun Israel! Isone utuk Uku.

Udi nyembeliak ngen melei kurban binatang seke'an pat puluak taun neak benei libea.

43Kemah berhala Molokhlah de udi bogoa mbin

sesamo ngen patung benatang berhalanu, adeba Refan;

do'oba patung de udi nea utuk senbeak.

Sebab o Uku bakea muang udi sapei uak moi sebeang neak negrai Babel.’

44 # Kel. 25:9, 40 Kemah penan Musa teko ngen manusio ade ngen ninik puyang ite neak benei libea. Kemah o nea das periteak kunei Allah ngen Musa ngen temurut contoh de kemliak Allah ngen Musa. 45#Yos. 3:14-17 Sesudo'o kemah o nembin selanjutne ngen ninik puyang ite pado waktau tobo'o ngen Yosua lalau mbut negrai ite yo kunei kuaso bangso-bangso de nusir Allah neak adep tobo'o. Kemah o ade neak di sapei zaman Daud. 46#2Sam. 7:2 Daud semnang atei Allah ngen minoi ngen-Si supayo si nizin menea do umeak utuk Allah de senbeak Yakub o. 47#1Raj. 6:1-38 Tapi Salomoba de menea umeak utuk Allah.

48Tapi Allah De Maha Lekat coa tinggea neak lem umeak de nea manusio; sebab neak lem kiteb nebai tetulis awei yo,

49 # Yes. 66:1-2 ‘Lenget adeba takhta-Ku,

ngen bumai adeba penan kekea-Ku.

Umeak jano de bakea ko nea utuk-Ku?

Awei yo firman Tuhan,

penan jano de bakea jijai penan bedan-Ku?

50Iso Uku suang de jemijai kute seuaktau?’

awei'oba nadeak Allah.

51 # Yes. 63:10 Padeak ketelo ulau udi-udi ngen kembiak saro taat ngen Allah! Ti'uknu pekok nien te'adep kecek Allah! Udi serai ngen ninik puyangnu; bogoa melawen Roh Sucai! 52Jano ade nebai de coa senikso ninik puyangnu? Tobo'o munuak utusan-utusan kunei Allah de bel o ba melei namen bahwo Hamba Allah de benea o bakea teko. Uyo udi muker ngen munuak Hamba Allah o. 53Malaikat-malaikat bi senapei periteak-periteak Allah ngen ko tapi udi coa temotoane!”

Stefanus nunuak – Saulus ade

54Waktau anggota-anggota Mahkamah Agamo o temi'uk kutene de nadeak Stefanus, tobo'o gis atei ngen mengiak nien ngen si. 55Tapi Stefanus de kenuaso Roh Sucai, demnong moi lenget. Si kemliak kemuliaan Allah ngen Yesus je neak penan bekuaso neak depeak kanen Allah. 56Nadeak Stefanus, “Keliak, uku kemliak kulo surgo tukok ngen Anok Manusio je neak depeak kanen Allah!”

57Anggota-anggota mahkamah o mutup ti'uk tobo'o samo menggang, lajau serpok semrang Stefanus. 58Tobo'o seme'et si moi luea kota sudo'o melukne ngen butau. Tun-tun de kemliak kejijai o temaruak keracok tobo'o pado suang tun uai genne Saulus. 59Sementaro tobo'o meluk Stefanus, Stefanus menggang, “Tuhan Yesus, temimoba rohku!” 60Lajau si sujud ngen menggang ngen sa'ei lek, “Tuhan, jibeakba duso yo tenanggung moi das tobo'o!” Sesudo madeak awei o si matei.

Currently Selected:

KISAH RASUL-RASUL 7: REJ

Highlight

Copy