YOHANA 2
2
1Ku lidiku lia kavaga nekeselero chaliho mu lidaala lia Kana, mu kivala cha Galilaya. Mama wa Yeso yaaliyo. 2Yeso harara na aviigi veve valangwa mu keserero yicho. 3Lwi iwaini yafwa, Mama wa Yeso yamuvolera, “Sivaveeye niwaini mba.”
4Yeso yamutivulira, “O, mama, kigira ki umbika mu makuva yaga? Ing'inga yange ikikiri kuduuka.”
5Mama weve yavolera avatumikiri, “Mukore choosi icha amuvoleraa.”
6Ziali ho ni zinyingu zinene sita izialombwa kutura ku magina, na vuli ndala yaali inyala kuginga zilita imia ndala. Ziali nizivikiywi ho kigira miima ja Avayuda ju kwitakasa.
7Yeso yavolera avatumikiri yavo, “Yizulizi amazi mu zinyingu yizi.” Navo vazizuliza du. 8Maku yavavolera, “Kalunu dahi ku, muhiliri munene wi lilia.” Navo vakora ndio. 9Lwu munene wi lilia yazazama ku amazi yaga, agaali nigagirung'ani kugwa iwaini, si yamanya wituli, navuzwa avatumikiri avaari nivagidahi vamanya. Munene wi lilia yalanga mwami wasereraa; 10namuvolera, “Vuli mundu atangaa kuhaana iwai ni indahi, navuzwa avandu nivakanwa inyingi, ma aleetaa iwaini inzangalalu. Navuzwa ivi utangi kuviika iwaini indahi ligali kuduuka kalunu!”
11Yeso yakola kelolekizu chu kutanga yiki mu lidaala lia Kana mu kivala cha Galilaya, naavuula uvukumi vwivwe, kandi aviigi veve vamusuuvira.
12Inyima wa yaga, Yeso yasulunguta harara na mama weve, na avamwavo veve na aviigi veve, nivazia Kaperinaumi. Vamenya yo madiku makekeeke.
Yeso Yingira mu Litembeli
(Mat. 21:12-13; Mar. 11:15-17; Luk. 19:45-46)
13Lisavo lia Vayuda lilangangwa Lipasaka liali ahimbi, kunangwa Yeso yazia Jerusalemi. 14Uwene yeyo mu Litembeli yanyoora avandu vaali nivagulizaa zing'ombe, na magondi na amakuulu na avakiranyira mabese, nivikaye ku zimesa ziavo ziukukiranyia. 15Yalomba muchaduri gwi zingova, nakunga vosi nivazia ichova wi Litembeli harara na magondi ni zing'ombe; yaakunaminya zimesa zia vakiranyi va mabese, kandi yuhulanyia mabese gaavo. 16Yavolera avagulizaa amakuulu, “Tulizi vindu yivi yimu. Mutakoli inyumba ya Baba wange kuva havundu hi ichiitu mba!” 17Aviigi veve vizuliza ndi Amang'oda Matakatifu gavoora, “ Uvuyanzi vwange vwu kudidikanira inyumba yooyo, O, Nyasaye, vusamba mu inzi kuli muliru.”
18Avalala ku avanene va Vayuda vaativulira Yeso, niliteeva “Kelolekizu ki cha unyala kokora kukumanyia ndi oveeye nuvunyari kokora yaga?”
19Yeso yavativulira, “Yononyi Litembeli yili ninzi ndaliumbaka kandi mu madiku gavaga.”
20Ahene yaho Avayuda vavoola, “Litembeli yili liumbakwa ku ing'inga yi mihiga arubaini na sita. Ivi ulaliumbaka ndi mu madiku gavaga?”
21Navuzwa Yeso yaali namolomaa ku muviri gwigwe. 22Kunangwa, lwa yasimugukizwa kutura mu vakuzu, aviigi veve vizuliza ndi yaali niyavoola yaga; kandi vasuuvira Amang'oda Matakatifu, kandi likuva lia Yeso yaali navooye.
Yeso yamanya liiva liu mundu
23Lwa Yeso yaali mu Jerusalemi mu lilia lie Lipasaka, avandu avanyingi vaamusuuvira inyima wokolola vilolekizu via yakola. 24Navuzwa Yeso si yisuuviriza mwene kuvo mba, kigira yamanya avandu vosi. 25Si yenya mundu amulolekizire amakuva gu mundu wundi mba, kigira mwene yamanya vulahi amakuva goosi agaali mu mioyo jaavo.
Yeso Yavolerana na Nikodemo
Currently Selected:
YOHANA 2: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
