Luka 5

1Kiduma lwa kya mu mina ni ki hulira likuva lya Nyasaye, ya singira ku luginga lwenyanza ya Genesareta. 2Ya lola bwato buviri bu singiye ku luginga: navutswa avaluvi va twula mu ni vogidza imiluvo gyavo. 3Ya nina mu bwato bulala, nabwo bwa li bwa Simoni, na a mu saava a bu twulidze ku luginga hakekeke. Ni yikala mu bwato ni yegidza viduma. 4Lwa ya mala kuvola, ya volera Simoni, U bu hile mu luliva, mu vike imiluvo gyenyu mu luve. 5Simoni ya tivula na a mu volera, Mwami, kwa li kukola miyinzi ubudiku pei si kwa nyola kindu: navutswa kigira likuva lilyo nda vika imiluvo. 6Lwa va mala kukola ndiyo, va nyola tsisudzi tsinyingi ligali; kandi miluvo gyavo gyenya kutanduka; 7ni va sima ava va sanga navo vobwato bundi, vadze kuvakonya. Kandi vadza ni vizulitsa bwato bwombi, bwa duka bwenya kwiina. 8Navutswa Petro lwa ya lola ndiyo, ya gwa hasi ku malu ga Yesu, na a vola, Twula ku inze; kigira mbeye mundu mwoni, O Mwami. 9Kigira ya genya, navo vosi ava veye halala naye, ku tsisudzi tsya va luva. 10Kandi Yakobo na Yohana avana va Zebedayo va veye ndiyo, navo va li ava va sanga na Simoni. Kandi Yesu ya volera Simoni, U ta tia; kutwula kalunu ive u la luva avandu. 11Lwa va mala kuleta bwato bwavo ku luginga, va leka vyosi, ni va mu londa.

12Lwa ya li mu lidala lilala, henza, mundu wekisatsa wizula ubugere: lwa ya lola Yesu, ya gwa mammama, na a mu saala, na a vola, Mwami, nu u yanza u nyala kuntakasa. Mwami, nu u yanza u nyala kuntakasa. 13Ya nyira mukono gwi gwe, na a mu dira, na a vola, Nyanza, u takaswe. Nonoho ubugere bwibwe bwa mu leka. 14Na a mwegane hidza u ta volera mundu kali mulala: navutswa u tsie kwemannya ku musalisi, u hile vyokutakaswa kukwo, kuli Musa ya laga, vi veye vyokulolekidzakuvo. 15Navutswa amakuva gege ga kira kulanda; na viduma vinyingi vya vugana kumu hulira nokuhonnywa tsinkudzo tsyavo. 16Navutswa mwene yiyahula na a tsia mwigendanyama, na a saala.

17Lidiku lilala ku madiku yago ya li ni yegdza: li ho Avafarisayo navegidzi ve lilaga ni vikaye, ava twula mu tudala twosi twe Galilaya ne Buyuda ne Yerusalemi: kandi tsingulu tsyo Mwami tsya li kuye kuhonnya. 18Henza, avandu va gingira mundu wa fwogoya ku kitali, ni venya kumwingiridza nokumuvika imbiri wewe. 19Lwa va vula kulola ha va mwingiridzira kigira avandu va li avanyingi, va nina ku inyumba igulu, ni va gi hudula ni va mwikidzira ku kitali hagati imbiri wa Yesu. 20Ya lola lisuuvira lyavo, na a vola, Mundu ive, ubwoni bubwo bu sameheywi. 21Avang'odi na Vafarisayo va volerana avene, ni va vola, Ibwaha uyu u vola manyego? Ibwaha u nyala kusameha ubwoni navutswa Nyasaye yeng'ine? 22Navutswa Yesu ya manya tsiganagani tsyavo, na a tivula na a va volera, Kigira ki mu ganagana mu myoyo gyenyu? 23Li veye liangu ni li ha, kuvola, Bwoni bubwo bu sameheywi; naho kuvola, Singira u gende? 24Navutswa mu duke kumanya Mwana wa Adamu a veye netsingulu mu lirova kusameha ubwoni (ya volera wa fwogoya), Nku volera, Singira, u vugule kitali kikyo, u tsie yengo wowo. 25Nonoho ya singira imbiri wavo vosi na a vugula kya ya gona ku na a tsia n yengo wewe, ni yidzominya Nyasaye. 26Ubugenyi bwa gumira vosi, ni vidzominya Nyasaye; ni vizula ubutii, ni va vola, Lero ku loli vindu vyokugenya.

27Inyima wa yaga ya twula na a lola musololi wobushutu, wa langwa Levi, ni yikaye ha va sololera ubushutu, na a mu volera, U nonde. 28Ya leka vyosi, na a singira na a mu londa.

29Na Levi ya mu lombera lilia linene mu inyumba yeye: kya li ho kiduma kinene kyavasololi vobushutu kandi kyavandi vikala ku vyokulia halala navo. 30Kandi Avafarisayo navang'odi vavo va monya avegidzwi veve, ni va vola, Kigira ki mu litsa nokunwa halala navasololi vobushutu navoni? 31Yesu ya tivula na a va volera, Avalamu si venya wetsinyasi; navutswa avalwaye. 32Si nzidza kulanga avalungi navutswa avoni va duke kweganira.

33Navo va mu volera, Avegidzwi va Yohana va honga lilia hali kanyingi, ni va saala; kandi ndiyo avegidzwi va Vafarisayo; navutswa avovo va litsa kandi va nwedza. 34Yesu ya va volera, Mu nyala kukola avalina voserereywi va honge lilia woserereywi na a veye halala navo? 35Navutswa amadiku ga la duka; inyinga woserereywi a twulidzwa kuvo, kunangwa va la honga lilia mu madiku yago. 36Kandi ya kupa lugano: Si ha li nomundu u tandula kilave ku ingubo impya na a ki kupa ku ingubo inkulu; na a kupa, a la tandula impya, kandi kilave kyempya si ki leng'ana nenkulu. 37Si ha li nomundu u tsuka iwaini impya mu tsimuya tsinkulu; na a kola yaga gi la tandula tsimuya, yene gi la sunduka, netsimuya tsi loneka. 38Navutswa iwaini impya gi tsukangwa mu tsimuya tsimpya. 39Kandi si ha li nomundu u nweye iwaini indulu yenya impya; kigira a vola, indulu ni indahi.

Currently Selected:

Luka 5: MBE

Highlight

Copy