Kyavalevi 9

1Kunangwa ku lidiku lya kola gatano na gavaka, Musa ya langa Haruni na avana veve, na avakulundu va Israeli; 2na ya volera Haruni, U vugule kimoli kyekyayo kuva kihaanwa kyobwoni, na ligondi likole lidukanu kuva kihaanwa kyokusambwa, na u vi haane imbiri wa Yahova. 3Na u la volera avana va Israeli, nokuvola, Mu vugule imbuli ikole kuva kihaanwa kyobwoni; na kimoli na ligondi, vyombi vyomuhiga mulala, na vidukanu, kuva kihaanwa kyokusambwa; 4na igiriki na ligondi likole kuva kihaanwa kyemirembe, kuhaana imbiri wa Yahova; na kihaanwa kyobusie bwa tsukanywa na maguta: kigira lero Yahova a lolekanga ku mwinye. 5Navo va leta vya Musa y a laga imbiri welihema lyokuvuganira mu: na livugana lyosi lyesunda himbi nokusingira imbiri wa Yahova. 6Na Musa ya vola, Yiki ni kindu kya Yahova ya ku laga ku kole: na ubukumi bwa Yahova bu la loleka ku mwimye. 7Na Musa ya volera Haruni, Wisunde ku bwali, na u haane kihaanwa kikyo kyobwoni, na kihaanwa kikyo kyokusambwa, na welombere kyokukunika ubwoni, na u lombere avandu; na u haane kihaanwa kya avandu, nokuvalombera kyokukunika ubwoni; kuli Yahova ya laga.

8Ma Haruni yesunda ku bwali, na yiita kimoli kyekihaanwa kyobwoni, kya li kikye mwene. 9Na avana va Haruni va mu letera masahi; naye yiina kidete mu masahi, na a ga vika ku tsinziga tsyobwali, na ya tsuka masahi isi wobwali: 10navutswa vivana, na tsimbigu, na inderwa yelikudumani lyekihaanwa kyobwoni, ya vi samba ku bnali kuli Yahova ya laga Musa. 11Na inyama na lisero ya samba nomuliru kyova wa hokusosa.

12Naye yiita kihaanwa kyokusambwa; na avana va Haruni va mu letera masahi, na ya guuha ku bwali tsimbega tsyosi. 13Navo va mu ha kihaanwa kyokusambwa vidonye na vidonye, na mutwe: naye ya vi sambira ku bwaii. 14Na yogidza vyomunda na virenge, na vi sambira ku kihaanwa kyokusambwa ku bwali.

15Kandi ya leta kihaanwa kya avandu, na a vugula imbuli yekihaanwa kyobwoni, kya li kya avandu, na a giita na a gi haana kigira ubwoni, kuli kyokutanga. 16Na ya haana kihaanwa kyokusambwa, na a kola kuli lilaga. 17Naye ya leta kihaanwa kyobusie, na a vugula ku uluhe kubwo, na a bu samba ku bwali, lugano ku kihaanwa kyokusambwa kya mugamba.

18Na yiita igiriki na likole, kihaanwa kyemirembe, kya li kya avandu: na avana va Haruni va mu letera masahi, aga yuha ku bwali tsimbega tsyosi, 19na vivana vyegiriki na vyelikole, na musembe, na vya kunikanga vyomunda, na tsimbigu, na inderwa yelikudumani: 20na va vika vivana ku tsindasi, na ya samba vivana ku bwali: 21na tsindasi na kinama kyomukono mulungi Haruni ya hungudza kuva kihaanwa kyokuhungudzwa imbiri wa Yahova; kuli Musa ya laga.

22Na Haruni ya ginga makono gege na a ga henzidza ku luvega lwa avandu, na a va gasidza; naye yika kutwula ku lihaana kihaanwa kyobwoni, na kihaanwa kyokusambwa, na vihaanwa vyemirembe. 23Na Musa na Haruni vingira mu lihema lyokuvuganira mu, na va twula, ni va gasidza avzndu: na ubukumi bwa Yahova bwa loleka ku avandu vosi. 24Na muliru gwa twuia imbiri wa Yahova, ni gu samba kihaanwa kyokusambwa ku bwali, na vivana: na lwa avandu vosi va gu lola, va kupa lwanga, na va gwa mammama.

Currently Selected:

Kyavalevi 9: MBE

Highlight

Copy