Kyavalevi 6

1Na Yahova ya volera Musa, nokuvola, 2Mulala ku vosi na a kola ubwoni, nokuhyola ku Yahova nokuvehera wakye ku kindu kyokuiindwa, kinga agelilagana, kinga agelinuula, kinga kutindira wakye, 3kinga na a dola kya gota, na a veha kukyo, nokwisuha ku bubehi; mu vindu yivi vyosi, kilala kuvyo vya mundu a kola nokwona ku; 4hene yaho ga la va, na a kola ubwoni nokunyola lihyolo, a lirannya lya ya nyola ku linuula kinga kindu kya ya nyaga netsingulu kinga kyokulindwa kya vikwa kuye, kinga kya gota kya ya dola, 5kinga ku vyosi kya yesu ha ku nobubehi; a la virannya kuduka ku budukiru bwakyo, nokumeda ku kidieli kyevitano: a la haana ku uyu wa ki veye kikye, ku lidiku yilyo lyelikalagirwa lilye kuva welihyolo. 6Naye a la leta kihaanwa kyelihyolo kikye ku Yahova, ligondi likole lyekyayo lidukanu, kuli livalidza lilyo, kuva kihaanwa kyelihyolo, a la li leta ku musalisi: 7na musalisi a la lombera uyu kyokukunika ubwoni imbiri wa Yahova; naye a la samefwa ku vyosi vya ya kola, kuduka kuva welihyolo.

8Na Yahova ya volera Musa, nokuvola, 9U lage Haruni na avana veve, u va volere, Yili ni lilaga lyekihaanwa kyokusambwa: kihaanwa kyokusambwa ki la va ku muliru ku bwali ubudiku bwosi kuduka mugamba; na muliru gwobwali gwaduke gu vule kusima kubwo 10Na musalisi a livika ingubo yeye yekatani, na isiruhali yekatani a livika ku mbiri gwigwe; a la ng'uula ligoke lyomuliru gwa samba kihaanwa kyokusambwa ku bwali, na a la li vika haluvega lwobwali. 11Naye a la twulidza tsingubo tsitsye nokwiv; ka tsingubo tsindi, na a la ginga ligoke kutsia nalyo kyova wahokusosa kuduka halahi. 12Na muliru gu veye ku bwali gu la lindwa gwa duke madiku gosi kubwo, gu ta sima mba; na musalisi a la samba tsinku kugwo mugamba na mugamba: na a la vika ku kihaanwa kyokusambwa, a la ki lohidza kugwo, na a la samba kugwo tsitinya tsyekihaanwa kyemirembe. 13Muliru gu ligereridzwa ku bwali kazozo; gu vule kusima.

14Na yili ni lilaga lyekihaanwa kyobusie: avana va Haruni va la ki haana imbiri wa Yahova imbiri wobwali. 15Naye a la vugula kubwo ku luhe lwilwe lwobusie bunyuki bwekihaanwa kyobusie, noku maguta gakyo, na kimuli kyosi ki veye ku kihaanwa kyobusie, na a la ki samba ku bwali kuva mwayu, ki ve kyokwidzulitsa ku Yahova. 16Nabwo bu tigala kubwo, Haruni na avana veve va la lia: bu la libwa bugira mamera mu hatakatifu, hamugidzi helihema lyokuvuganira mu va la bu lia. 17Butuminywa halala na mamera. Mmali kuvaha kuva kidieli kyavo ku vindu vi haanangwa ku inze nomuliru; ki veye kitakatifu ligali, kuli kihaanwa kyobwoni, na kuli kihaanwa kyelihyolo. 18Avasatsa vosi ku avana va Haruni va la bu lia, kuva kidieli kikye kyemihiga gyosi mu visukululwi vyenyu vyosi, ku vindu vi haanangwa nomuliruku vosi a dira ku a la va mutakatifu.

19Kandi Yahova ya volera Musa, nokuvola, 20Yiki ni kihaanwa kya Haruni na avana veve, kya va la haana ku Yahova ku lidiku lya a vakwa maguta: kidieli kyelikumi kya efa yobusie bunyuki kuva kihaanwa kyobusie kazozo, inusu yabwo mugamba, na inusu yabwo mgolova. 21Bu la lomberwa ku kyokukalanga halala na maguta; na lwa bu kalangwa, u la bu leta: mu vidonye vyuminywa u la haana kihaanwa kyobusie kuva mwayu imbiri wa Yahova. 22Na musalisi wa vakwa maguta ku avana veve u veye mu bugono bwibwe, a la bu haana: ku lilaga lyemihiga gyosi, bu la sambwa kuhaanwa ku Yahova. 23Vihaanwa vyosi vyobusie vyomusalisi vi la sambwa ligali: si vi la libwa mba.

24Na Yahova ya volera Musa, nokuvola, 25U volere Haruni na avana veve, u vole, Yili ni lilaga lyekihaanwa kyobwoni: ha kihaanwa kyokusambwa yiitirangwa, niho ha kihaanwa kyobwoni ki liitirwa imbiri wa Yahova: ki veye kitakatifu ligali. 26Musalisi u ki haanira ubwoni a la ki lia: ki la libwa mu hatakatifu, ha mugidzi gwelihema lyokuvuganira mu. 27Ku vyosi ki dira inyama yakyo ki la va kitakatifu; na lwa masahi gakyo ga salika ku ingubo ku tsyosi, u logidza ingubo zana mu hatakatifu. 28Navutswa luvindi lwobudohi lwenyama yakyo ya dekerwa mu lu latanywa; ni i va ya dekerwa mu luvindi lwomugasa, lu la kulwa, nokwogidzwa mu amadzi. 29Avasatsa vosi ku vasalisi va la lia ku: i veye intakatifu ligali. 30Kihaanwa kyobwoni, ku vihaanwa vyobwoni vyosi kya masahi gakyo ga letwa mu lihema lyokuvuganira mu, kulomba kyokukunika ubwoni mu hatakatifu, si ki nyala kulibwa mba: ki la sambwa nomuliru.

Currently Selected:

Kyavalevi 6: MBE

Highlight

Copy