Kyavalevi 12

1Na Yahova ya volera Musa, na a vola, 2U volere avana va Israeli, nokuvola, Mukali na a vereka, ni yivula mwana muyai, a la va mudamano madiku gatano na gaviri; kuli mu madiku gege ga ya vikwa haluvega kigira ubulala, na ndiyo a la va mudamano. 3Na lidiku lya gatano na gavaka mwana a la kebwa ligodo lyombiri gwigwe. 4Na mukali a la menya mu masahi gelitakaswa lilye madiku makumi gavaka na madiku gavaka; a vule kudira kindu kitakatifu, kandi a vule kwingira hatakatifu, kuduka madiku gelitakaswa lilye ga duka. 5Navutswa na a va ni yivula mwana mukana, a la va mudamano masidza gaviri, kuli madiku gobulala bwibwe; naye a la menya mu masahi gelitakaswa lilye madiku makumi gatano na lilala na madiku gatano na lilala.

6Na lwa madiku gelitakaswa lilye ga duka kigira mwana muyai, kinga mwana mukana, a la leta mwana weligondi womuhiga mulala kuva kihaanwa kyokusambwa, na likulu lituge, kinga lyombulimu kuva kihaanwa kyobwoni, a vi haane ha kiliango kyelihema lyokuvuganira mu, nokuha musalisi: 7naye a la vi haana imbiri wa Yahova, nokulombera mukali kyokukunika ubwoni; naye a la takaswa ku litadza lyamasahi gege. Yili ni lilaga li veye ku uyu wivuye, na a va mwana muyai kinga mwana mukana. 8Ni i va miyandu gyigye gyi vula kuduka ku mwana weligondi, ma a la vugula makulu gaviri gombulimu, kinga makulu matuge gaviri; lilala kuva kihaanwa kyokusambwa, na lindi kuva kihaanwa kyobwoni: na musalisi a la mu lombera kyokukunika ubwoni, naye a la va mulahi.

Currently Selected:

Kyavalevi 12: MBE

Highlight

Copy