Litanga 49

1Kandi Yakobo ya langa avana veve, na a vola: Mu vugane halala nduke kumuvolera aga li mu gwira mu madiku gadzanga.

2Mvevungidze avene, mu hulire mwinye avana va Yakobo;

Mu hulire Israeli dada wenyu.

3Rubeni, ive u veye wokutanga kwivulwa wange, tsingulu tsyange, na wokutanga wobunyali bwange

Ubunene bwelikuminnywa, na ubunene bwelinyala.

4Usenukanga kuli amadzi, si u nyala kuva nobunene;

Kigira wanegira kutsia ku kitali kya dada wowo;

Hene yaho wa kyononnya: ya nina ku bugono bwange.

5Simeoni na Levi va veye amwavo namwavo:

Vivavi vyavo vi veye vyuma vyekirage.

6O mwoyo gwange, u tingira mu makuva gavo;

Ubukumi bwange, u ta sanga mu livugana lyavo;

Kigira mu butima bwavo viita mundu,

Kandi mu budinyu bwemyoyo gyavo va tegula lugaga.

7Ubutima bwavo bu laamwe, kigira bwa li bululu;

Na livihirirwa lyavo, kigira lya ii lyekirage:

Nda va gavulira mu Yakobo,

Nokuvasalannya mu Israeli.

8Yuda, ive, avamwavo vovo va la kwidzominya:

Mukono gwugwo gu la va ku magoti gavasigu vovo;

Avana va dada wowo va la kwinamira.

9Yuda a veye mwana weking'ang'a;

Mwana wange u diguluki kutwula ku kilanye:

Ya kukuna, ya seta kuli king'ang'a,

Kandi kuli king'ang'a kikali; ibwaha u li mu vukidza?

10Impimbo yobwami si i la twula ku Yuda,

Kandi impimbo yokwameha si i la twula hagati hevirenge vivye,

Kuduka inyinga Shilo yadza; Na lihulira lyavandu li la va kuye.

11A bohanga kimoli kyesukiri kikye ku muzabibu,

Na kimoli kyesukiri kikye ku muzabiibu mutovole;

Yogidzi tsingubo tsitsye newaini,

Kandi tsingubo tsitsye mu masahi gamezabibu:

12Tsimoni tsi kupa tsimbeve ne lwaini,

Na amino gege ga la va malavu na amaveere.

13Zebuloni a la menya himbi nenyabuka yenyanza;

Kandi a la va inyabuku ya amatu; Tsinzako tsitsye tsi la va himbi Sidone.

14Isakaru a veye isukiri yetsingulu,

Yinamanga hagati hetsingaga tsyamagondi:

15Naye ya loln hokwelemeridza ha veye hnlahi,

Na ya lola kivala ki veye kyayanzidza;

Na yinaminya livega lilye kuginga, Na a gwa mutumekiri mu miyinzi gya gerwa.

16Dan a la kalagira avandu veve,

Kuli mulala ku tsihiri tsya Israeli.

17Dan a la va inzoka ku inzira,

Kandi kihirigoma ku muhanda,

Ki lumanga virenge vyeparasi,

Kuduka u ninanga a gwe hasi inyima.

18Inze nindiriye ubuhonyi bwubwo, O Yahova.

19Gad, lihe li la mu mina:

Navutsu a la mina liki lyavo.

20Asheri, vyokulia vivye vi la va vinolu,

Na a la haana vyokulia vilahi vyobwami.

21Nafitali a veye imbongo i bohololwa:

A letanga makuva malahi.

22Yosefa a veye lusya lwelyama,

Lusya lwelyama lu veye himbi nekisenukiru;

Tsisya tsitsye tsi landa ku lidigi.

23Ava lasa mibano va mu saliridzi ligali,

Nokulasa mibano kuye, nokumudambidza:

24Navutswa buta bwibwe bwa menya netsingulu,

Na tsimbamba tsyamakono gege tsya vikwa tsingulu,

Namakono ga Wetsingulu wa Yakobo,

(Mwayi ya twula yo, u veye a Lwanda lwa Israeli,)

25Kali Nyasaye wa dada wowo, u li ku konya,

Noku Wanyala Vyosi u li ku gasidza,

Nobugasu bwomigulu igulu,

Nobugasu bwenyanza ya hasi,

Nobugasu bwetsimbeere nobwa inda.

26Ubugasu bwa dada wowo

Bu veye netsingulu kuvita bwa vaguga vange

Kuduka ku tsinzaka tsyekiheri kyevigulu vi ta hera mba:

Ubugasu yibu bu la va ku mutwe gwa Yosefa,

Noku itaji yomutwe gwa uyu wa hulanywa ku avamwavo veve.

27Benjamini a veye kisalang'ongo ki tandulanga:

Mugamba a la lia vyoluhidzi

Na mgolova a la gavula vilanye.

28Yava vosi va veye tsihiri likumi na tsiviri tsya Israeli: na makuva yaga nigo ga dada wavo ya va volera, nokuvagasidza; sa mulala kuli ubugasu bwibwe, ya va gasidza. 29Naye ya va laga, na a va volera, Inze, ga ndukira kuvungidzwa nduke halala na avandu vange: mu nte halala navaguga vange mu luhangaywa lu veye mu mulimi gwa Efroni Muhiti, 30mu luhangaywa lu veye mu mulimi gwa Makipela, gu veye imbiri wa Mamre, mu kivala kya Kanani, lwa Abrahamu ya gula halala na mulimi gwa Efroni kuva miyandu gyekilindwa: 31ha zana va ta ho Abrahamu na mukali wewe Sara; va ta ho Isaka na Rabeka mukali wewe; na inze nda ta ho Leah: 32mulimi na luhangaywa, lu veye mugwo, gwa gulwa ku avana va Hethu. 33Na lwa Yakobo ya mala kulaga avana veve, ya ginga virenge vivye na a vi vika mu kitali, na mwoyo gwigwe gwa twula kuye, na a vungidzwa kuva halala na avandu veve.

Currently Selected:

Litanga 49: MBE

Highlight

Copy