Litanga 23

1Na lihindira lya Sara lya duka mihiga mia na makumi gaviri na gyitano na gyiviri: yigyi ni mihiga gyelihindira lya Sara. 2Na Sara ya kudzira mu Kiriathu-arba (livola li veye Hebironi), mu kivala kya Kanani: na Abrahamu yadza kusyomera Sara, nokumulira. 3Na Abrahamu ya singira na a twula imbiri womukudzu wewe, na a volera avana va Hethu, na a vola, 4Inze mbeye mugeni nommenya halala na mwinye: mu mbe hokuta ha ve kilindwa, nduke kuta ho mukudzu wange a twule imbiri wange. 5Na avana va Hethu va tivulira Abrahamu, na va vola, 6U ku hulire, mwami wange; ive u veye munene wa Nyasaye hagati hetu: mu vilindwa vyetu ki veye kitovole u te mu mukudzu wowo; si ha veye nomundu ku kwinye u nyala kukugaya ku kilindwa kikye, u duke kuta mu mukudzu wowo. 7Na Abrahamu ya singira, nokwinamira avandu vekivala, avana va Hethu. 8Kandi ya volerana navo, na a vola, Ni bu va ni bu veye ubulaliri bwenyu inze nte mukudzu wange, a twule imbiri wange, mu mbulire, na mwinye mu ng'oonyere Efroni mwana wa Zoharu, 9ya mbe luhangaywa lwa Makipela, lwa a veye nalwo, lu veye himbi ku lwako lwomulimi gwigwe; ya mbe nobuguli bwalwo bwosi ha ve hange, ha ve hokuta vakudzu. 10Na Efroni ya li ni yikaye hagati ha vana va Hethu: na Efroni Muhiti ya tivulira Abrahamu imbiri welivugana lya avana va Hethu, kali lya vosi avingira mu kiribwa kyelidala lilye, na a vola, 11Auwa, mwami wange, u mbulire: mulimi yigwo nku ha, kandi luhangaywa lu veye mu nku ha; imbiri wa avana va vandu vange nku ha: u te mukudzu wowo. 12Na Abrahamu yinama hasi imbiri wa vandu vekivala. 13Na ya volera Efroni imbiri wa vandu vekivala, na a vola, Navutswa nu u lalira, nku goonya, u mbulire: nda ku ha ubuguli bwomulimi zana; u bu vugule ku inze, na inze nda ta ho mukudzu wange. 14Na Efroni ya tivulira Abrahamu, na a mbolera, 15Mwami wange, u mbulire, mulimi gu duka ubuguli bwetsishekeli tsimia tsine tsyefetha, yibu bu veye ikindu ki hagati hange na ive? Kunangwa u te mukudzu wowo. 16Na Abrahamu ya hulira Efroni; na Abrahamu ya gerera Efroni ifetha ya ya tala imbiri wa vana va Hethu, tsishekeli tsimia tsine tsyefetha, ifetha i tumekirangwa navakiranyi.

17Kunangwa mulimi gwa Efroni, gwa li mu Makipela, gwa li ku luvega lwa Mamre, mulimi, na luhangaywa lwa li mugwo, na misala gyosi gya li mu mulimi, na gya li mu tsinzako tsyagwo tsimbega tsyosi, gwa dinyeridzwa kuva gwa Abrahamu 18kuva ahehe imbiri wa vana va Hethu, imbiri wa vosi avingira kiribwa kye lidala lilye. 19Na inyima wa yaga, Abrahamu ya ta Sara mukali wewe mu luhangaywa lwomulimi gwa Makipela ku luvega lwa Mamre (ha zana ha veye Hebironi), mu kivala kya Kanani. 20Na mulim, na luhangaywa lu veye mugwo, gwa dinyiridzwa na vana va Hethu kuva gwa Abrahamu mwene hokuta vakudzu.

Currently Selected:

Litanga 23: MBE

Highlight

Copy