Kutwula 4

1Na Musa ya tivula na a vola, Navutswa, henza, si va la nsuuvira, kandi si va la hulira mwoyo gwange; kigira va la vola, Yahova si a loleki ku ive mba. 2Na Yahova ya mu teva, Ni kindu ki kya u veye nakyo mu mukono gugwo? Naye ya vola, Ni impimbo. 3Naye ya vola, U gi lakule hasi ku marova. Naye ya gi lakula hasi ku marova, nayo ya girunkana ni i gwa inzoka; na Musa yiruka imbiri wayo. 4Na Yahova ya volera Musa, Nyira mukono gugwo, u gi gimire ku mukira: (naye ya nyira mukono gwigwe, na a gi gimira, na ya girunkana ni i gwa impimbo mu mukono gwigwe:) 5va duke kusuuvira ni Yahova, Nyasaye wa vaguga vavo, Nyasaye wa Abrahamu, Nyasaye wa Isaka, na Nyasaye wa Yakobo, u loleki ku ive. 6Na Yahova ya mu volera kandi, U vike mukono gugwo mu ingubo yomkiritu kikyo. Na ya vika mukono gwagwe mu kiritu: na lwa ya gu twulidza, henza, mukono gwigwe gwa li nobugere, mulavu kuli likonza. 7Ma ya mu volera, U vike mukono gugwo mu ingubo yekiritu kandi. (Naye ya vika mukono mu kiritu kikye kandi: na lwa ya gu twulidza mu kiritu, henza, gwa girukana kandi kuva kuli gundi.) 8Kunangwa ni i va va vula kukusuuvira, kinga kuhulira mwoyo gwekilolekidzu kvokutanga, va la hulira mwoyo gwekilolekidzu kyenyima. 9Kunangwa ni i va va vula kusuuvira vilolekidzu yivi viviri, nokuhulira mwoyo gugwo, hene yaho u la daha amadzi mu mugera, nokugatsuka ku lirova liumu: na amadzi ga u dahanga mu mugera ga la girunkana kugwa masahi ku lirova liumu.

10Na Musa ya volera Yahova, Mwami, inze si mbeye mundu wa makuva, kutwula kale, kinga kuduka kalunu lwa u volerana na mutumekiri wowo; kigira mbeye welivola lya galaha, na lulimi lwange lu veye lwekivoyo. 11Na Yahova ya mu volera, Ibwaha wa lomba munwa gwomundu? Kinga ibwaha wa lomba mudimbidi kinga wa hana amatu, kinga u loianga, kinga mboku? Si a li inze, Yahova? 12Kalunu, kigira yaga, u tsie, na nda va halala nomunwa gugwo, na nda kwegidza aga u li vola. 13Naye ya vola, O Mwami, mwadza, u tume ku mukono gwa uyu wa u tovola. 14Na ubutima bwa Yahova bwaaka ku Musa, na a vola, Haruni amwavo wowo, Mulevi, si a veye ho? Mmanya uyu a nyala kuvola bulahi. Na kandi, henza, yadzanga kuvugana na ive: na lwa a ku lola a la yanza mu mwoyo gwigwe. 15Na ive u la mu volera, nokuvika makuva mu munwa gwigwe: ninze nda va halala na rnunwa gugwo, kandi halala na munwa gwigwe, na nda mwegidza aga mu li kola. 16Na uyu a la va umolomi wowo ku avandu; kunangwa, uyu a la va ku ive kuli munwa, na ive u la va kuye kuli Nyasaye. 17Na u la va nempimbo yiyi mu mukono gugwo, na i la va ya u li kolera vilolekidzu.

18Na Musa ya tsia ni yirana ku Jethro navizala wewe, na a mu volera, Mwadza, mpe munwa ntsie kwirana ku avamitu vange ava veye mu Egepeti, nduke kulola ni va va ni va veye mwoyo lero. Na Jethro ya volera Musa, U tsie nemirembe. 19Na Yahova ya volera Musa mu Midiani, U tsie wirane Egepeti; kigira avandu vosi avenyanga livamwoyo lilyo va mali kukudza. 20Na Musa ya vugula mukali wewe na avayai veve, na a va nyinnya ku isukiri, ni yirana ku kivala kya Egepeti: na Musa ya ginga imphnbo ya Nyasaye mu mukono gwigwe. 21Na Yahova ya volera Musa, Lwa wirana Egepeti, henza bulahi kukola vyokugennya vyosi imbiri wa Farao, vya mbiki mu makono gugwo: navutswa nda kola mwoyo gwigwe mudinyu, naye a la vula kuha avandu mur wa kutsia. 22Na ive u la volera Farao, Yahova a volanga ndi, Israeli a veye mwana wange, munene wange. 23Kandi nku voleye, U he mwana wange munwa a tsie, a duke kuntumekira; na ive nu u suye kumuha munwa a tsie, henza, ndiita mwana wowo, munene wowo. 24Kunangwa lwa ya li ku inzira ha ya gona, Yahova ya vugana naye ni yenya kumwiita. 25Hene yaho Zipora ya vugula ligina lidinyu, na a keva mwana wewe, na a ta ha virenge vivye; na a vola, Ligali ive u veye musatsa wa masahi ku inze. 26Kunangwa ya mu leka. Hene yaho mukali ya vola, U veye musatsa wa masahi, kigira likevwa.

27Na Yahova ya volera Haruni, U tsie mwigendinyama kulola Musa. Naye ya tsia, na a mu nyola mu kigulu kya Nyasaye, na a mu busa. 28Na Musa ya volera Haruni makuva gosi ga Yahova ya mu tuma nago, na vilolekidzu vyosi vya ya mu laga. 29Na Musa na Haruni va tsia nokuvugannya avakulundu vosi va avana va Israeli: 30na Haruni ya vola amakuva gosi aga Nyasaye ya volera Musa, na a kola vilolekidzu imbiri wa avandu. 31Na avandu va suuvira: lwa va hulira Yahova yadza ku avana va Israeli, kandi ya lola ubusaliri bwavo, hene yaho vinaminya mitwe gyavo nokusigamira.

Currently Selected:

Kutwula 4: MBE

Highlight

Copy