Kutwula 28

1Kandi u la leta amwavo wowo Haruni ku ive, na avana veve vadze halala naye, kutwula mu avana va Israeli, ya ntumekire mu miyinzi gyomusalisi, navo ni Haruni, na Nadabu na Abihu, na Eleazaru na Ithamaru, avana va Haruni. 2Na u la lombera amwavo wowo Haruni tsingubo tsintakatifu, tsyobukumi nobulahi. 3Na ive u la volera vosi avemyoyo gyelimanya, yava ava nda vika mu roho gwobugeeri, va lombe tsingubo tsya Haruni kumutakasa, a duke kuntumekira mu miyinzi gyomusalisi. 4Na tsingubo tsya va la lomba ni yitsi; isalamba yomkiritu, na kisibao, na joho, na likoti li lombwa ku busalago, na igudwa, na musipi: navo va la lombera Haruni amwavo wowo na avana veve, tsingubo tsintakatifu, a ntumekire mu miyinzi gyomusalisi. 5Navo va la vugula ithahabu, na iblue, na kiforosadi, na inzakanyu, na ikatani indahi.

6Na va la lomba kisibao, ne ithahabu, na iblue, na kiforosadi, na inzakanyu, na ikatani indahi, miyinzi gyomusidza weligali. 7Na kisibao ki la va kyevidonye viviri vya mavega vi hambannywe nemikanda gyavo gyiviri, ki duke kuhambannywa. 8Na ingubo i sitwa na avageeri i la va kukyo kukiboha, i la va yemiyinzi milala, na yekindu kilala; yethahabu, na yeblue, na yekiforosadi, na yenzakanyu, na yekatani indahi. 9Na u la vugula magina gaviri malahi geberulo, na n la ngoda kugo ameta ga vana va Israeli: 10ameta gatano na lilala ku ligina lilala, na ameta gatano na lilala aga tigala, ku ligina lindi, kuli livulwa lyavo. 11Nemiyinzi gyomusidza wokuvadza magina, u la vadza magina yaga gaviri, kuli livadzwa lyomuhuri, u la vadza ndiyo ameta ga vana va Israeli: u la ga lomba kuvikwa mu viduku vyethahabu. 12Na magina zana gaviri u la ga vika ku mikanda gyamavega gyekisibao, ga ve magina gokwidzulitsa ga avana va Israeli: na Haruni a la ginga ameta gavo imbiri wa Yahova ku mavega gege gaviri, ga ve kyokwidzulitsa. 13Na u la lomba viduku vyethahabu, 14na minyororo gyiviri gyethabu indahi; u la gyi lomba kufwanana ne migoye gyemiyinzi gyokusita: na la vika minyoro zana ku viduku.

15Na u la lomba isalamba yomukiritu yelikalaga, i ve miyinzi gyomusidza weligali; kuli miyinzi gyekisibao u la gi lomba; yethahabu, yeblue, yekiforosadi, yenzakanyu, na yekatani indahi, u la gi lomba. 16I la va yetsimbega tsine kandi yokulingwa; ligera li la va lyokutwula ku kidete kinene kuduka ku kyenyasi, ubutambi nohugalamu bu la leng'ana. 17Na u la vika ku viduku vya magina, tsimbaso tsine tsya magina: Iuvaso lulala lu la va neligina lya kanyu, na itopazi, na lisembe, yaga ga la va rnu luvaso lwokutanga; 18na luvaso lwa kaviri iu la va nezumaradi, na isafiro, na limasi; 19na luvaso lwakavaka lu la va nekuakinso, na lisalago, na amesusito; 20na luvaso lwa kane lu la va neberulo, na ijazaa, na ijasipi: ga la handidzwa mu ithahabu mu viduku vyago. 21Na magina ga la va kuli ameta ga avana va Israeli, likumi na gaviri kuli ameta gavo; ga la vadzwa kuli livadza lyomuhuri, sa mulala kuli lieta lilye, ga la va getsihir; likumi na tsiviri. 22Kandi u la lomba ku isalamba yomukiritu minyoro kuli lisitwa lyomugoye gwethahabu indahi. 23Kandi u la lomba ku isalamba yomukiritu tsimingiri tsyethahabu tsiviri, nokuvika tsimingiri zana ku mikanda gyesalamba. 24Na u la vika minyoro gyiviri gyethahabu mu tsimingiri tsiviri tsi veye ku mikanda gyesalamba yomukiritu. 25Na tsisonga tsindi tsyeminyoro gyi sitwa gyiviri, u la tsi vika mu viduku viviri, na u la vi vika mikanda gyekisibao ku mavega imbiri. 26Kandi u la lomba tsimingiri tsiviri tsyethahabu, na u la tsi vika ku mikanda gyesalamba yomukiritu kuntulu kwayo, ku luvega lwa isi ku kisibao. 27Na u la lomba tsimingiri tsiviri tsyethahabu, nokutsivika ku mikanda gyekisibao gyoku mavega gyombi, isi wakyo ku luvega lwembiri, himbi nobuhambaniru bwakyo igulu womusipi gwekisibao gwa sitwa nobusidza. 28Navo va la boha isalamba yomukiritu netsimingiri tsyayo ku tsimingiri tsyekisibao nomugoye gwoluvusi lweblue, i ve ku musipi gwelisitwa lilahi gwekisibao, i vule kwavukannywa nekisibao. 29Na Haruni a la ginga ameta ga avana va Israeli ku isalamba yomukiritu yelikalaga ku mwoyo gwigwe lwa yingira hatakatifu, kuva lidzulitsa imbiri wa Yahova kazozo. 30Na u la vika Urim na Thumim ku isalamba yomukiritu lyelikalaga: na vi la va ku mwoyo gwa Haruni, lwa yingira imbiri wa Yahova: na Haruni a la ginga likalagirwa lya avana va Israeli ku mwoyo gwigwe imbiri wa Yahova kazozo. 31Kandi u la lomba ijoho yekisibao yosi yeblue. 32Na i la va nobwiyangu hagati hayo kuvitidzira mutwe: na i la va noluliga lwa sitwa kuvodonkana ubwiyangu bwayo, kuli ubwiyangu bwelikoti lyekivya, i vule kutanduka. 33Noku lukigiti lwayo lwa hasi u la vika makomamanga geblue na kiforosadi, na malsanyu, kukumbiridza hosi lukigiti; na vikuli vyethahabu vi la va hagati hago tsimbega tsyosi; 34kikuli kyethahabu, na likomamanga, kikuli kyethahabu, na likomamanga ku lukigiti lwejoho kugikumbiridza tsimbega tsyosi. 35Nayo i la va ku Haruni kutumekira: na mwoyo gwavyo gu la hulirwa lwa yingira mu hatakatifu imbiri wa Yahova, na lwa a twula, a vule kukudza.

36Kandi u la Imnba kibale kyethahabu indahi, na u la vadza ku kuli muhuri, makuva yaga, MUTAKATIFU KU YAHOVA. 37Na u la vika kibale zana ku mugoye gwengubo yeblue, nakyo ki la va ku igudwa; ki la v a ku luvega lwembiri wegudwa. 38Na ki la va mbweni bwa Haruni, na Haruni a la ginga ubudamano bwevindu vitakatifu, vya avana va Israeli va takasa mu vihaanwa vyavo; nakyo ki la va ku bweni bwibwe kazozo, va duke kubugirirwa imbiri wa Yahova. 39Kandi u la sita likoti lyekatani, li lombwe nobusalago, na u la lomba igudwa yengubo yekatani indahi, na u la lomba musipi miyinzi gyomusidza welinava.

40Kandi u la lombera avana va Haruni makoti, kandi u la va lombera misipi, na vigudu u la va lombera, gyi ve gyobukumi na gyelidzominywa. 41Na u la vi vika ku Haruni amwavo wowo, noku avana veve halala naye; na u la va vaka maguta nokuvavika ku miyinzi mitakatifu, nokuvatakasa, va duke kuntumekira mu miyinzi gyobusalisi. 42Na u la va lombera tsisiruali tsyengubo yekatani kukunika kyahonyo kyavo; tsi la duka kutwula mu kikenge kuduka ku matango: 43na tsi la va ku Haruni, noku avana veve, lwa vingira mu lihema lyokuvuganira mu, kinga lwa visunda himbi ku bwali kutumika mu hatakitifu; va vule kuginga ubudamano, na va kudza: yaga ga la va lilaga kuye noku visukululwi vivye inyima wewe mihiga na mihiga.

Currently Selected:

Kutwula 28: MBE

Highlight

Copy