Kutwula 13

1Na Yahova ya volera Musa, na a vola, 2Mu ntakasire vosi avatanga kwivulwa, ku vyosi ki tanga kukunula inda, hagati ha vana va Israeli, ku vandu noku mitugu; vi veye vyange.

3Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera. 4Lidiku yili mu twulanga mu mweli gwa Abibu. 5Kandi ga la va, lwa Yahova a la kwingiridza mu kivala kyo Mukanani, na Muhiti, na Muamori, na Muhivi, na Mujebusi, kya yesuhira avaguga vovo kukuha, kivala ki gangalukanga amaveere no bwuki, u la lombera Yahova ubutumiki yibu mu mweli yigu. 6Madiku gatano na gaviri u la lagira ubukima bu ta li na mamera, nomu lidiku li kola gatano na gaviri li la va lilia lya Yahova. 7Mu la lagira ubukima bu ta li na mamera madiku gosi gatano na gaviri; na ubukima bwamamera bu ta lolwa ku ive, kandi mamera gu ta lolwa ku ive, mu tsinzako tsitsyo tsyosi. 8Kandi u la volera mwana wowo mu lidiku zana nu u vola, Ni kigira yaga ga Yahova ya nkolera lwa nda twula mu Egepeti. 9Kandi li la va lilolekidza ku ive ku mukono gugwo, na kyokwidzulitsa hagati hetsimoni tsitsyo, lilaga lya Yahova li duke kuva mu munwa gugwo: kigira Yahova u ku twulidzi mu kivala kya Egepeti nomukono gwteingulu. 10Kigira yaga u la kola inkuva yiyi inyiga yeyo muhiga nomuhiga.

11Kunangwa, lwa Yahova a li ku leta mu kivala kyo Mukanani, kuli yisuhira ive na avaguga vovo, na a la ku ha, 12u vi haana ku Yahova, vosi ava kunula inda, na vyosi vi tanga kwivulwa ku mitugu; vyosi vyekisatsa vi la va vya Yahova. 13Na yokutanga kwivulwa yesukiri, u la gi nanula nomwana weligondi; nu u va nu u sula kuginanula, u lononya ligoti lyayo: na avatanga kwivulwa hagati ha avana vovo, u la va nanula. 14Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa. 15Na ga duka, lwa Farao ya lola budinyu kukuha munwa kutsia, Yahova yiita avatanga kwivulwa vosi mu kivala kya Egepeti, avatanga kwivulwa va avandu, na vyatanga kwivulwa vyemitugu: kigira yaga mbaana isadaka ku Yahova ku vyosi vyekisatsa vi kunula inda; navutswa avatanga kwivulwa ku avana vange mba nanula. 16Inkuva yiyi i la va lilolekidza ku mukono gugwo, na kyokuvikwa hagati hetsimoni tsitsyo; kigira Yahova ya ku twulidza mu kivala kya Egepeti netsingulu tsyomukono gwigwe. 17Kunangwa, lwa Farao ya mala kuhaana munwa avandu va tsie, Nyasaye si ya vimirira ku inzira yekivala kya Avafilisiti mba, kali ni ya li himbi: kigira Nyasaye ya vola, Gase mbula avandu va leganira lwa va lola ubulwani, na virane Egepeti: 18navutswa Nyasaye yimirira avandu ulugendo lundi, ku inzira yo mwigendanyama ku luvanda lwa Inyanza Inzakayu: na avana va Israeli vanegira nevyuma vyelihe kutwula mu kivala kya Egepeti. 19Na Musa ya hila vigumba vya Yosefa halala naye: kigira uyu yisuhidza avana va Israeli, na a vola, Ligali Nyasaye a ladza ku mwinye; na mu la hila vigumba vyange kutwula hano halala na mwinye. 20Navo va tsia ulugendo lwavo kutwula Sukothu, na va sosa ha Etham, ku lwako lweligendinyama. 21Na Yahova ya tsia imbiri wavo inyinga yombasu mu munara gwelilesi, kuvimirira ku inzira, na mu budiku mu munara gwomuliru, kuvaha ubulavu; va duke kugenda mu mbasu nomu budiku: 22na mnara gwelilesi mu mbasu, na munara gwomuliru mu budiku, si gwa twula imbiri wa vandu.

Currently Selected:

Kutwula 13: MBE

Highlight

Copy