LUKA 18
18
1Kïmwochï Yeso asistanka kinetankachi körkeyïn nyo kinetöy lö, mïchini kïsagh osis löwïr, amömeghö mutïnö. 2Kïlö, “Kimi mutinto ngal ompö kanasyan akonga nyo kimewöghönye Tororöt anta konyït pich. 3Kingwïnchini nyinte kïnomnyö korka nyo kile mïsïk kingwïnöy nyo kimöngöy kanasyantanoni kïlenchini, ‘Pesyencha nko chichï wökanïn.’ 4Ompö osis cho te kimöterchïnye kokonay. Wölo ato mi löt kunonchï kegh lö, ‘Kïrkegh kömowöghanye Tororöt amoyonganye pich, 5wölo ompö kisusöt nyo kesusön kokonï kïtenö osis, oghchinan mantanyi. Kyopïrönan kingwïnatenyi nyo pö kïteno osis.’ ”
6Atoni nyu kïlö Echotyon, “Atere nyu ngal cho kimwa mutintononi pö ngal nyo kimörïpönye man. 7Aki yeo, olontekwa möporyechininye Tororöt kïlankachi cho rirchini nyinte pöghet nko nangat kïnyorï man? Alentekwa meghönye lawel? 8Omwowokwa lö, yörchini chane man lawel. Wölo ato itï asïyech Wero Chi ekïnyoru pich cho ghönöy nyinte ompö ngwïny nya?”
Körkeyïn pö Parisayon* nko kwöghinto surï
9Atolapay kïmwochï Yeso chane körkeyïn anka nyo ngölono pich cho kilenchini kegh kïchï tenote akïsas pikö walaka. 10“Kimi ato kipa pich odeny Kö pö Tororöt* kïsagh. Ki Parisayon nko kwöghinto surï. 11Kughyongö Parisayontonay ato le tagh akïsagh lö, ‘Oyokunyi sörö, Tororöt, ompöwölo moköranye kegh nko pikö walaka cho le chelölos, cho ghach anta cheporestin. Malatanye ompö kwöghintoninö pö surï. 12Okïruran kïnyïl odeny ompö wïki, akoninyi kareranpa taman cho pö tïkuchan löwïr cho onyoru.’ 13Wölo kughyongö kwöghintonay pö surï otinöna, akimemïnye ntökïsyol tokochunyi kuros yïm. Atolapay kïwira morichi takat kosyochï kegh akïlö, ‘Syonchante Tororöt, ochan mwokïyon.’ ” 14#Mat 23:12; Luk 14:11. Kïlenchï Yeso pïchay, “Omwowokwa lö, kirot kaw kwöghinto surï, chi nyo kikelöstoghchi wölo melö Parisayontonay. Ompöwölo anka tïkwïl nyo syolöy kegh, kerekuno, akwanka tïkwïl nyo rekuno kegh kesyolöy.”
Soyönöy Yeso monïng
(Mat 19:13-15; Mrk 10:13-16)
15Kimi kimïtyï pich cho Yeso monekwa, tökukana morichi. Wölo otini kisïwa kinetankachi pïchini kimïtu monekwa. 16Wölo kïkur Yeso kïpkonchï nyinte kuteghchï atolapay kïlenchï kinetankachi, “Akanya kïpka monïnge wölo omitan. Motögho chane ompöwölo pö Pöyunöto Tororöt cho lata chete. 17Omwowokwa nyoman lö, chi anka tïkwïl nyo mötochönye Pöyunöto Tororöt le monïng nyo mïnïng, kïmölïtönye wölini.”
Chi nyo le sïkön
(Mat 19:16-30; Mrk 10:17-31)
18Kïtep asistanka kintöghoghinto pipö Yaudi Yeso lö, “We konetin nyo karam, oghan ne tosïch söpon pö kokay?”
19Kuyokyï lö, “Ompö ne temwaghanyi lö chan karam? Möminye chi nyo karam kïpoto Tororöt onkït. 20#Wuw 20:12-16; Krt 5:16-20. Inkïtönyi kirurut ompö chay lentöy, ‘Megh cheporesnan, mepar chi, mechorsyö, mesöwintön ompö putintön, itech kon nko komötï?’ ”
21Kuyokyï chichay lö, “Kyarïpan choni löwïr kïngeta otini kyochan mïnïng.”
22Kïkany kïlïm Yeso lenyoni, kïlenchï, “Mi kïgh akong nyo mïchini ighanyi. Wïyö altena tïkwïn löwïr cho itïngetö aitö ropïyeni mey, telïkuna sïkön ompö yïm. Atolapay ingwïn irïpanïn.” 23Wölo otini kilïm chichay ngalenchoni, kïwurön nyoman ompöwölo ki sïkön nyinte.
24Kïkany kïsïwa Yeso lö kiwurön chichay kïlö, “Aghïgh kïtya kïlït sïkön pöyunöto Tororöt! 25Kwïskwïs kïlït tamas kompa södök kïtïl kïlït sïkön Pöyunöto Tororöt.”
26Kïtep pich cho kilïm ngalechoni lö, “Akï ngo nyu köny nyo nyoru sörunöt?”
27Kuyokyï Yeso lö, “Nyo memukonye ompö ptangengmöt, kumuko ompö Tororöt.”
28Atolapay kïlö Petro, “Rose acha! Kökïpïstecha kestonicho akerïpinyi.”
29Kuyokyï Yeso lö, “Nyoman omwowokwa lö, chi anka tïkwïl nyo pïstoy katanyi anta korkenyi anta werkökwa anta yiyichi anta monechi ompö Pöyunöto Tororöt, 30kïnyoru kïnyïl cho chang ompö möngonete nko nyu söpon pö kokay ompö osis cho pkonöy.”
Kingalana Yeso meghenyi panto sömök
(Mat 20:17-19; Mrk 10:32-34)
31Kimït Yeso kinetankachi chay le taman nko odeny ato le yona akïlenchï, “Ato le nyete kïpetecha ketöngöy Yerusalem wölini pïntegho ngala lapay cho kikir werkoy ompö Wero Chi. 32Kitöni mori punton cho mïnöy akumwa akïngwïtï nyinte. 33Ngetöy ngat kïmungöy akïpar nyinte. Wölo tutu nyinte asisto sömök.” 34Wölo kimöpköchïcha kinetankachi ngalechoni nyonikïny. Kimanamnye ngale chane möt nyo kimenkïtïnye lö ne nyo kimwoghöy Yeso.
Sopöy Yeso somin nyo karote
(Mat 20:29-34; Mrk 10:46-52)
35Kïkany otini kirich Yeso Yeriko, kimi atoni chepkarot nyo kitöpo arawet kamas, kïsomsïyi. 36Otini kilïm chichay söpïch kuweröy, kïtep pich cho kilekïto nyinte lö, “Kïgh nyo mi kwigho nya?” 37Kïlenchï pïchay, “Yeso nyo pö Nasaret nyete weröy yi.” 38Atoni nyu kutegh chichay tya lö, “Yeso Wero Daudi, syonchante!” 39Kuteghchï pich cho kimi tawunyi kïsï, wölo kuta ngat tya lö, “Wero Daudi syonchante!” 40Kughyö Yeso ochï pïchay kumïtï chepkarotnay wölo mi nyinte. Otini kilekïtyï kïtep Yeso nyinte lö, 41“Imökenyi awunyi ne?”
Kïlö, “Echotyon omökan arosïta.” 42Kïlenchï Yeso, “Rosïtena ye. Kesopinyi kighanatengu.” 43Panini lawel kurosïta chichay. Atolapay kïrïp Yeso kïmï kïsölöy Tororöt. Otini kisïwa tuyonay, kïsal löwïr Tororöt.
Yeso nko Sakayo
Currently Selected:
LUKA 18: PIPÏLIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
