LUKA 17
17
1Atolapay kïlenchï Yeso kinetankachi, “Pkonchini pich tïkwïn cho ighöy chane kwigh ngokï nyo mötïny. Wölo ochech chichona weru tïkuchoni. 2Mïchini chi nyo lenyoni kerötyï kat koghpa pagh nyo wow akewirchï nanam kwen, kïtïl kwigh akonga ompö cho mïnkech kwigh ngokï. 3#Mat 18:15. Orip kegh le! Ato lelunyi werïngwo isyölchï, akwato kötö ilöstoghchï nyinte. 4Ato lelunyi nyinte kïnyïl mut nko odeny ompö asisini akonga akïmïla wölo imitenyi kïnyïl mut nko odeny akïlö, ‘Kokötan,’ kïmïchini löstoghchinönyi nyinte.”
Kighanat
5Kïlenchï asistanka kiyoktoghï Echotyon, “Töswecha kighanat.” 6Kïlenchï Echotyon chane, “Ntökotïngetekwa kighanat nyo mïnïng nyo tenö kösïghyonto ket nyo kïkuro aradali, omukekwa omwochï ketï lö, ‘Ngeta nko ighinköku lö ikötkötyï kegh nanam,’ kïterwokwa.”
Ighisyo mötworin
7Kitas tagh Yeso, kunetisyö lö, “Ato itïngönyi mötworin nyo ngoröy par anta nyo yokuyöy kyak, akwotini körotï kaw, melö ilenchinenyi töpenö ngwïny lawel aiyomisyö. 8Wölo ilenchinenyi, ‘Ighe omisyenyan aipkanïn aiköngisyö ntomisyan agheghsyö. Atomuchö iomisyö aigheghsyö nyinte.’ 9Ayo, kiyokyini mötworin sörö lö, ompöwölo kegh kïgh nyo kikïmwochï kwigh? 10Kïlenyoni ompö akwa tïkwïl, akanya otini kaghakwa tïkwïn löwïr cho kökïlenchokwa agha, amwagh lö, ‘Kïchicha mötworköku cho mökïmöro kïgh kikusat. Kakighacha pat tïkuchini kökïmwowecha kegha kïpoto.’ ”
Kesop Yeso pich taman
11Otini kimi Yeso pantanyi kutöngöy Yerusalem, kuwerata rotyo Samaria nko Kalilaya. 12Kïkany kilït kanasyan akonga ompö wöloni, kïtuyeghö pich taman cho kyamate psenkwet. Kighyongö chane wölo low kite, 13atolapay kuteghyö kïlentöy, “Yeso, Echotyon, syonchecha.” 14#Law 14:1-32. Otini kisïwa Yeso chane, kïlenchï, “Ape ye oporchinö kegh tïsï.” Otini kimi pan, kïweghö chane. 15Kïnget akong ompö chane nyo otini kisïwa lö kyosöp, kïmïla kïsölonu Tororöt ompö kut nyo wow. 16Kupïtyï kelyo Yeso akuyokyï sörö. Ki chi pö Samaria nyinte, pïchay sösöy pipö Yaudi. 17Atoni nyu kïlö Yeso, “Ayo nki pich taman cho kökisop, pich taman, kunko chay le mut nko angwan? 18Kölö ne tökïlïkwï chichï le ton onkït nyo kamïla kuyokyï Tororöt sörö?” 19Atolapay kïlenchï Yeso chichay, “Ngeta aiwechï kegh, kesopinyi kighanatengu.”
Kingwïnata Pöyunöto Tororöt
(Mat 24:23-28,37-41)
20Kïtep Parisaytin* walaka Yeso lö, “Ekwoyï ato itu Pöyunöto Tororöt?” Kïlenchï, “Molenchï kegh itu Pöyunöto Tororöt ompö or nyo kesïwïyi. 21Möminye chi nyo muköy kimwa lö, ‘Arosa anyï,’ anta, ‘Onyinö,’ ompöwölo mi Pöyunöto Tororöt kwenunkwa.”
22Atolapay kïlenchï kinetankachi, “Itu osiswö cho opïrchinekwa lö, tökïsïwa asis nyo le ompö akonga nyo pö Wero Chi, wölo mosïwïyekwanye. 23Pkonöy pich cho lenchinokwa, ‘Arosa, anyinö,’ anta, ‘Arosa anyï mi yi,’ wölo mapa lö sarpap, amarïp chane. 24Ompöwölo kïle wölo wöchtoy kiryol kuwongwongö ompö yïm, kïlïku nyoni Wero Chi ompö asistanyi. 25Wölo nyo pö tagh kuwongu nyinte nyoman akïtagh pïnete. 26#Tow 6:5-8. Kïle wölo kilata ngala ompö osiswo Noa, kïlïku choni tïkwïl ompö osiswo Wero Chi. 27#Tow 7:6-24. Kyomisïyi pich akïgheghsyö, kensïyi chane akuyiltoy monekwa, ntökwïtïta asisini kilït Noa meli. Atoni nyu ato kitï museryonta nyo kïtïgh chane lömïs. 28#Tow 18:20–19:25. Kilata nyoni tïkwïl ompö osiswo Lot. Kimi pich kwomisïyi akïgheghsïyi akyolsïyi akwoltoy tïkwïn akikötkötisïyi akïteksïyi. 29Wölo otini kingeta Lot Sodoma, kïchïnuna yïm ma nyo kiwany chane lömïs. 30Lata nyoni wölo lïku asisoni chumu Wero Chi.
31 #
Mat 24:17-18; Mrk 13:15-16. “Mörökunye chi nyo mi pörkö asisoni tökïcheng tïkuchi cho mi kö. Kïlenyoni tïkwïl ompö chi nyo mi par, mökïmïlonye kuros lö mi ne löt. 32#Tow 19:26. Anan ya cho kinyorï koko Lot. 33#Mat 10:39; 16:25; Mrk 8:35; Luk 9:24; Yna 12:25. Anka tïkwïl nyo riröy söpontanyi, kïwirtoy, wölo anka tïkwïl nyo wirtoy söpontanyi ompani, kïsöru. 34Nyomwowok lö, ompö osiswechoni, mito pich odeny cho rusot pöröy akonga, kïchengöy anka, kepïstö anka. 35Mi tïkwïl korï odeny cho ngoghöy pagh akonga, kimïtoy anka kepïstö anka.” [ 36Mi tïkwïl pich odeny par, kimïtöy anka kepïstö anka.]
37Kïtep kinetankachi lö, “Ighisyot choni ompö onö nya Echotyon?” Kuyokyï chane ompö ngötïnyö lö, “Ghömechini chesampunoy wölo mi kïgh nyo kama.”
Körkeyïn pö mïsïk nko mutinto ngal
Currently Selected:
LUKA 17: PIPÏLIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
