TOWUNÖT 23

1Kitöpö Sara könyis 127. 2Kïröpösyï Sara Kiryatarpa, nyoni kï Epron nyo mi koro Kanan. Kungwïn Apraam kïloch kïrirchï Sara.

3Kïweghö Apraam atoni kimegha korkenyi akïwö kïlenchï pipö Ititi, 4“#Ist 7:16; Epr 11:9,13. Ochan rutoghin nyo owestegho kwenunkwa. Oltewante par kite ompö korenkwa otïpchan korkenyu.”

5Kuyokyï pïchay pö Ititi Apraam lö, 6“Terwecha, we echotyon ichinyi wow nyoman ompö kwenuncha. Tïpchinö mïntïrïchengu pïrïm nyo kekïlanyi ompö pïrïmpoticha, möminye chi ompö acha nyo muköy kïgheteninyi pïrïmpenyi tömetïpchï mïntïrïchengu.”

7Kïnget Apraam akungïrukyï pipö Ititi ompö konyït, 8akïlenchï, “Ato kochömwanïkwa otïpön mïntïrïchenyu, kïkaram osomwante Epron wero Soar, 9kwoltewanïn köpönenyi nyo mi Makpela sörömuto parenyi, aghan kïlïkwï parsïkontönyan, otöninan nyinte ye ropïyeni cho mïchini.”

10Kitöpö Epron tïkwïl kwenuto pikökwa pipö Ititi. Kïlenchï Epron Apraam kïlïmöy pipö Ititi, cho kituyeghö kukanay pö kanasyan, 11“Ewo, echotyontenyu, terwante. Okoninyi pare kïmïkul nko köpöne nyo mi orinyi. Kokonwan kïsïwïyi piköchan. Tïpchinö mïntïrïchengu wöloni.”

12Kungïrukö Apraam ngat ompö konyït ompö tawuto pïchay pö koronay, 13akïlenchï Epron kïlïmöy pïchay pö koronay, “Terwante, ato ichömenyi. Okoninyi olyeto parengu kïmïchï, nyo osoghinyi ye lö tacha ropïyenichï atowan otïpchï mïntïrïchenyu wölini.”

14Kuyokyï Epron Apraam lö, 15“Echotyontenyu, tere köny, kikongityot nko ne ompö nyi nko ani par nyo kyolo ropïyeni silpa cho le 400? Tïpö mïntïrïchengu.” 16Kïcham Apraam ngalechoni pö Epron, kupimchï ropïyenichay le 400 kökimwa nyinte ompö tawu pipö Ititi, le nyo kipöghisyegho mïnchïrïs osiswechoni.

17Lata nyoni wölo kisïktö Apraam para Epron nyo kimi Makpela okumpö kongasis pö Mamre. Kïlïkwï nyenyi pare kïmi nko köpöne nyo kimi orinyi nko keti tïkwïl cho kiwit paranoni, 18kikitö Apraam choni löwïr kïlïkwï tïkuchi ompö tawu pipö Ititi nko ompö tawu pich lapay cho kilïtöy tawu kuketo kanasyantenyi.

19Kïkany kuwonyö, kïtïpchï Apraam Sara korkenyi köpöno para Makpela kïparta wölnö le Mamre (nyoni kï Epron) nyo mi koro Kanan. 20Kïlenyona, kikyolchï Apraam paranay kipö pipö Ititi, kïmi nko köpöne kïlïkwï nyenyi nyo tïpchini pich.

Kakïkensyechï Isak

Currently Selected:

TOWUNÖT 23: PIPÏLIA

Highlight

Copy