WUWÖT Kitoröt
Kitoröt
Kitapu Wuwöt kï kitapï nyo pö odeny ompö kitapuna Kisilat nyo pö Köny, nyo pö tagh kï, “Towunöt.” Ngalechï lentöy, “Ochan ECHOTYON Tororötïnkwa, nyo kyamïtunekwa koro Misri wölo kyochikwa sekey,” (20:2) kïswongöy ngölyontonï wow nyo pö kitapunï nyo lentöy: Tororöt nyo le söruninteto pikachi.
Kayna kitapunï, “Wuwöt,” kï kingwïna kuti pipö Krik nyo lentöy, “Eksodos,” nyo ngölono kïgh nyo wow nyo kigh ompö istoria nyo pö pipö Israel. Akï kïyoni kï, kemïtuna chane sekeynön ompö koro Misri akwoghyö Nanam nyo Pïrir nko rutoghtöngwa kuwerata surkwen ntökwit kutïng pö Sinay.
Kiporchï kegh Tororöt chane ompö kutïng pö Sinay akukïniniö tïlyantanenyi nko chane akutö chane kiyomisötenyi nko kintaghoghatenyi nyo chïchimöy tïlyantananoni ompö kitötogh pö kirurut taman nko kinetutkö walaka cho pö wölo kïmöngtoy. Chi nyo rumu tya ompö kitapunï kï Musa, nyo kikur Tororöt kuntöghoghchï pipö Israel kïngetunö Misri. Rumuno nyinte kitapunete le ngöloninto Tororöt ompö pipö Israel. Kintöghoghchï Musa pipö Israel ompö rutogh le lïpö Tororöt akuporchï chane machata Tororöt.
Kïgh nyo wow nyo porwecha kitapunï kï, ngala kityakata man nyo töni Tororöt pikachi tökïnyorï linyogh nyo karam nko nyinte nko ompö kwenungwa kegh.
Ngal cho mi ori
Kakityokunö Israel koro Misri 1:1–15:21
a. Sekeynön ompö Misri 1:1-22
c. Yiyöto Musa nko möngenyi nyo pö tagh 2:1–4:31
d. Musa nko Aron tawu pöytoghinto Misri 5:1–11:10
e. Pasaka nko wuwöto Israel kïngetunö Misri 12:1–15:21
Kingeta Nanam nyo Pïrir ntökwit kutïng pö Sinay 15:22–18:27
Kirurut nko muma 19:1–24:18
Ema Tororöt nko kiruröt nyo pö saghat 25:1–40:38
Currently Selected:
WUWÖT Kitoröt: PIPÏLIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019