WUWÖT 1
1
Kakighchï pipö Israel nyo gha ompö Misri
1 #
Tow 46:8-27. Chï kï kaynötut pö pipö Israel cho kipa koro Misri nko Yakopo, chi nko monechi: 2Rupen nko Simion nko Lawi nko Yuda 3nko Isakar nko Saplon nko Penchamen 4nko Dan nko Naptali nko Kad nko Asyer. 5Yiyo Yakopo lapay kï 70. Akökiwö Yosep Misri. 6Kïrapas Yosep nko werkökwa löwïr nko pïnoni lömïs. 7#Ist 7:17. Kïtösisyö pipö Israel ntökïghömï koronay akwowesöchitu.
8Kïpusï pöytoghintö anka ompö koro Misri nyo kimenkïtnye Yosep. 9Kïlenchï pikachi, “Arose lö kichangit pïchï pö Israel akïtïng owesyö kïtïlecha. 10#Ist 7:19. Apkana kechïrerchinö chane atömötösisyö ngat, tömötöp ntökïnomnyö nko pungköcho tongwïn poryot akïporyeghenech akïwï.” 11Kïlenyona kutö chane kighyongteghï parakungwa kuchop kong ompö ighisyeghut cho nïkisöch akïtekyï Parao töpoton ompö kanastina Pitom nko Rameses. 12Wölo otini kitas tagh kuchop kong chane, kïtösisyö kïyiyö akïyasta. Kulilisyö tya pipö Misri ompö pipö Israel. 13Kutö pipö Misri pipö Israel kwigh ighisyö le sekey. 14Akwigh otöptöngwa kïngwanit ompö ighisyö nyo awes nyo pö teksyö nko ighisyö anka tïkwïl nyo kimi paren. Melö kisyonchï chi chane.
15Kïlenyona kïngalan pöytoghinto Misri nko kamatïna echeni pipö Eprania, kikïkuro anka Syipra kekurö anka Pua. 16Kïlenchï, “Otini olusyokwa koru Eprania, asïwekwa lö köyï nyo le weri otïgh, wölo ato yï cheptö opïstö.” 17Wölo kikonyït kamatichay pö echen Tororöt, akimökwighcha lenyini kimwochï pöytoghinto Misri chane, wölo kïpïstö monïng cho le wor kïsöpchö. 18Kïkur pöytoghinto Misri kamatichay pö echen akïlenchï, “Ompö ne taghakwa le nyï, otï topïstenökwa monïng cho le wor kïsöpchö?” 19Kuyokyï kamatichay pö echen Parao lö, “Ompöwölo melö lata koru Eprania cho pö Misri, owesöch akïlusyïyi kïtomö kwit kama echö wölo mi chane.” 20Kwighchï Tororöt kamatichay pö echen nyo karam. Kïchangit pïchay akïtasa owesyengwa. 21Ompöwölo kikonyït kamatichay pö echen Tororöt kusoyön nyinte chane kïsïch monïng. 22#Ist 7:19. Kïlenchï Parao pikachi, “Monïng anka tïkwïl nyo le weri nyo kökïyï ompö pipö Eprania owirchï lalwa Nile, wölo opïstokwa tipïn löwïr kïsöpchö.”
Yiyo Musa
Currently Selected:
WUWÖT 1: PIPÏLIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
