WUWÖT 11

1Kïlenchï ECHOTYON Musa, “Köngötï kïgh akong nyo otyorchinan Parao nko koro Misri, nyo atomuchö kïpïstokwa nyu ape. Tulekwa apeghena korenyi otini köpïstokwa. 2Ngalana ye kïlïm pïchï lö, nya kïsom chi anka tïkwïl nyo le mïrön nko korka pöröryenyi kari silpa nko kari koltin.” 3Kitö ECHOTYON pipö Israel chamat ompö tawu pipö Misri nyo tïlate. Ki wow Musa ompö tawu mötwori Parao nko pikachi.

4Kïlenchï Musa Parao, “Kölö ECHOTYON, oweran oghonete ato muryö oghö koro Misri, 5akïmeghsot poretay löwïr cho mi koro Misri, kïngeta poretye nyo pö Parao nyo mïlöy ngacharu paytagh, ntökwit poretye nyo pö chepö monïng nyo ngoghöy pagh nko twatan löwïr cho pö tïch. 6Lïku nyu rira nyo wow nyoman ompö koro Misri kïmïkul, nyo kitomönye kïmito nyo lata nyoni, amökïminye ngat. 7Wölo möminye kïgh nyo omöy pipö Israel anta kyakikwa, tonkïtunö lö pesyot ECHOTYON pipö Misri nko pipö Israel. 8Akï pkonchinanïn sekeyiku lapay akïkïtïngchanïn akïlö, ‘Wïyö nko piköku löwïr.’ ” Atowonyö ngalechoni owan nyu. Atolapay kïweghö Musa tawu Parao nko mïrmïryö.

9Kïlenchï ECHOTYON Musa, “Möterunyinye Parao, atökïtösisyö töngönchintinechan ompö koro Misri.” 10Kwigh Musa nko Aron töngönchintinechï löwïr ompö tawu Parao, wölo kwigh ECHOTYON möt pö Parao kwaghïghit, amöchömchïnye pipö Israel kïwuwö korenyi.

Pasaka*

Currently Selected:

WUWÖT 11: PIPÏLIA

Highlight

Copy