LUKAS 2
2
Yesus Beibok Yuba
(Mat. 1:18-25)
1Wera Kaisar Agustus dubnya, alda Roma mok soko dubnya ulumok salek, nimi mok soko nidyaĘľ sik nonga einiwanasak aboka orugosuk. 2Wera Kirenius bera Siria mok sokok emba dubnya ulumok salek, ban nim einisinaĘľ ara, men youboka si momnya dob einiweisiknya nera ban. 3Dara, nimi nidyaĘľ yok-yok beiyisikaĘľ heik elaĘľ gigiro si momnya doboka einiwosunukaĘľ aboka, si doronggol dal bilimek.
4Dara Yusuf beneba, Nazaret heikek Galilea sokok abaĘľ ara, Yudea sokok bilimok. Nera albabya Daud nang yilaĘľ ulumokaĘľ anasa, Daud dubnya be beiyimek heikek Betlehem aboka silimek heikek bilimok. 5Wera anedya, alja molob lomokaĘľ me bomok gel, Maria geblaboka, si momnya neikaĘľ dobsinokaĘľ aboka, bobdanga bilirek.
6Wera sikda heik enyek an lanel birik sum enyek, Maria gera me beilin salek oka dok. 7Sikja man e nera gloĘľ orok anasa, Maria gera alja yando me nengma ak beibuk. Wera me nera seleb beiyiboka boksom adya waabok dara, pam amba denaĘľ eleklemekaĘľ ak sam meiyimok.
Pama Beillilimek Nang Yuba
8Dara an inimnek era, mok enyek anara salyaʾ mab lorobaʾ ak, domba pama beiyiboka yakna nanga hnon, sikja pama bo ulumek. 9Dara al wene sab-sab, Wenelesilnya bedya lero, sikenek yookanya, Wenelesilnya bedya hyak senenggom dilinaʾ era sikenek yeb goluwosuk dara, sikda hyak loka dabsuk. 10Bok lero era sikenek, ”Nara nimi soko nimi nidyaʾ amba ganya hekoka eiya dabnesil yub ek ugunuk wenyhenesinaʾ anasa, ugunda lok ganya bonggom mem. 11Sumen era ugunsamba, nimi blebsinaʾ dubnya, Wenelesilnya Kristus benyek, Daud bedya heikek beibla. 12Dara ugunsamba beknaʾ dibaʾ ara, anam wenyek ok beiyimeija me nenyek, wamenaʾ adya waaboka pam amba denaʾ elekna golongaʾ ak mamlyaʾ ak eibnelum,” hyok.
13Dara onoĘľ al wene sab-sab enyek, lero enyeb, yok imik heik yin bonaĘľ nang lero gong-gong eb yingginiboka, neikaĘľ Imik Neyung ak ban wenyaro giblemekaĘľ ara,
14”Senenggomaʾ perobaʾ ara, Imik Neyung hyak imik ululanya bembakanya, ganya hekoka namenaʾ pe unaʾ ara, sik sokok an alak urumuk dangalamlya nim emba ulumnamla,”
wenyaro giblemek.
15Wera lero gong dara sikenek loboka imik heikek saaboka byik dara, pam beilin nang era sik moumen, ”Wenelesilnya bedya Betlehem heikek hekaʾ humlaʾ anyek, nuk wenyasilaʾ anyek kemel binimab,” wenyabdek. 16Dara sikda Betlehem heikek berra aboka biniboka, Maria geb, Yusuf beb, beiyimok me nera golongaʾ lomok mamokaʾ ak eibek. 17Wera pama beilinaʾ nang era, me nen seleb eibek dara, me nenesa leboka, sikenek lero adya wenyaboka nekesukaʾ anyek, wenyaro yibik. 18Dara nimi nidyaʾ ara, pam beilinaʾ nang edya sikenek wenyaro yabalamekaʾ anyek kemek dara, hyak salyek nang senemek. 19Bok Maria gek dara, ban nidyaʾ wenyamekaʾ anyek, ganya lomok boboka, seiniro ulumok. 20Dara pam beilinaʾ nang era, o keboka, heng eibekaʾ nidyaʾ ara, lero adya sikenek lesuk sok, dib beknaʾ nong anasa, perob aboka giboka, bera seboka Imik Neyung gigibgiga, sik ulumekaʾ ak sam saaboka byik.
BolaĘľ Garawoka Simeon Hana Adya Imik Neyung Ak Elegarek Yuba
21 #
Im. 12:3; Luk. 1:31 Wera seleb li linbadya maboka dara, me nera bolaĘľ garawareekanya, onoĘľ me nen mon lomok anam bobnenggom enyek, lero adya si nenyek sibnelum amok si, Yesus aboka sibdek.
22 #
Im. 12:6-8
Dara, oruksin yuba Musa bedya momnya domok sok, me galasaʾ don salek oka dok dara, alda sikja Imik Neyung ak Yerusalem heikek bo elegel bilirek. 23#Kel. 13:2, 12Wera Imik Neyung adya unuwanalum an yuba momnya dobok sok, ”Ugunda yando me beibmunaʾ ara, Imik Neyung amba munaʾ eleklelulum,” wenyaboka momnya dobokaʾ anasa, unuwanomaʾ aboka bilirek. 24Anya onoʾ, Wenelesilnya bedya unuwanalum an yuba momnya dobok sokaʾ ara, yalma wining moumenaʾ gom, makwa wining gakma penya gom giboka elegolulum, wenyamokaʾ sunuwoka, ban gibnomaʾ aboka bilirek.
25Dara Yerusalem heikek ara, nimi ben hnon Simeon alameknya bek ulumok. Dara alda Imik Neyung hogung ak ara peboka, geisa ganya boboka ulumookanya, Israeli nim emba ganya gwelelek anaĘľ anyek eibnunaĘľ aboka, diri ulumok. Anya Imik Neyung Geisinya ara alak arawoka bo ulumok. 26Dara alda Imik Neyung Geisinya adya orowek alak men, anda Imik Neyung adya nimi blebsinaĘľ dubnya, Wenelesilnya bedya sekiyiwoknya Mesias benyek, anam eibnenggumem bok dara, anda men somoganggunulam. 27Dara alda Geisinya be pik uboka, Imik Neyung e eremek sam yeilimok. Dara me nen Yesus ara, alja nauba nim edya, unuwanalum an yub adya unuwanamak aboka momnya domokaĘľ sunuwoka unu meewanokaĘľ aboka, Imik Neyung ek bo yeilirek. 28Dara, me nera Simeon bedya doboka gwelib salawoka, alda Imik Neyung ak giboka lebnemokaĘľ ara,
29”Anasa wera Wenelesilimnya Imik Neyung o, anja wa wenanya bera, anja yuba lelemlaʾ sunuwoka, or pe ganya senenya loboka bindiwoululaʾ aboka or senewanalam.
30Dara nimi blebsinaĘľ anak abaĘľ ara, nadya heng yokaĘľ edya bekoka seleb eibnaĘľ anasa,
31an blebsinaĘľ damok ara, nimi yok-yok soko nimi nidyaĘľ sik hogung ak seleb anja memewolumaĘľ ara,
32 #
Yes. 42:6, 49:6, 52:10 wera, yok-yok mok soko nim emba dara, laga aamanaʾ geknenaʾ danamla dilinaʾ era yalakanya, anja nim Israeli nim emba dara, imik giginaʾ damok danamla,”
hyok.
33Wenyek Simeon bedya alsamba wenyaboka nidyaʾ geklewoka lebokaʾ anyek, alja neyung beb, genong geb dara, hyak salya lebla senewoka ganya loka dabsuk. 34Dara Simeon bera sikenek perobaʾ leb elegousuukanya, dara me nen aljaʾ genong Maria gek wenhyokaʾ ara, ”Hyak dib nong ara ban me nera, nimi gong Israel sam ara hnon golugiyiwoka, hnon sekiyiwoka ubsululaʾ aboka orowek memewookanya, nimi nauba ara alak malya aboka walamnemak aboka, alda yokaʾ nong lok so beknaʾ danamla. 35Dara nimi nauba ganya lomok laga doululaʾ aboka, onoʾ anak dara, yok mal edya anja ganya nong ak doluganenggel,” hyok.
36Dara onoĘľ al anyeganera, Asyer nang yilaĘľ Fanuel manggel, alja si nera Hana, ununumnaĘľ lelemok gel gek hnon ulumok. Alda neboka, seleb yamen dangamok. Anasa nenya dobok salek era, gibnaĘľ sekbadyok alaĘľ nenya ab neikaĘľ ubdek. 37Anya, alda danera seleb you gel ulumookanya, wene salek era gibnaĘľ denga winilya ebdobnya winilya lemok. Dara Wenelesilnya Imik Neyung bedya ek ara, inimnek yubyek pik moruwoka, Imik Neyung amba gwanenga meka denaĘľ loboka molobsiniwoka ulumok. 38Dara neik salek enyek, albabya anyegan yeiniboka, Imik Neyung ak perob aboka gibookanya, me nenyek geklewoka, Yerusalem heik henga lobnaĘľ amba bo yanamok sum amba diri ulumek nim ek, nauba wenyhusuk.
39 #
Mat. 2:23
Wera Yusuf Maria ara, Wenelesilnya bedya unuwanalum aboka unuwanalum an yub ak sam lemoknya nera sunuwoka seleb unubgogowarek dara, sik ulumekaĘľ ak, Nazaret heikek Galilea sokok sam birik. 40Dara ban me nera nonga nauba neboka hyak migibaĘľ kabgiga balamookanya, anya onoĘľ geremseng nongaĘľ anyek ubgiga balamookanya, Imik Neyung adyaĘľ wanaĘľ uboka eleksinaĘľ ara, alak ulumok.
Yesus Ara GibnaĘľ O Badya Ubuk Yuba
41 #
Kel. 12:1-27; Ul. 16:1-8 Wera gibnaĘľ lelemna ellaĘľ gigiro Yesus alja nauba nim era Paskah perob sum era Yerusalem heikek balamek. 42Anedya Yesus ara alda gibnaĘľ o badya lebok dara, sikda ban perob nauba sum amba sobaĘľ unu balamek sok, sikda bilimek. 43Wera perob nauba sum emba seleb longobgogowoka binobaĘľ aboka lanelemek dara, Yesus ara alja neyung beb, genong geb, ella danggonggom, alda Yerusalem heikek loboka ulumok. 44Dara alja nauba nim edya dara, yok balamak nim eblaboka, nimi hnoum salyaĘľ hiboka balamla senerek. Bok seleb liga hnon pikek maboka gwelegok ab danyek eibnenggurek dara, sikja ella uldalamek nimi pik hnon, nim ebun pik heibdangoka ero yibirek. 45Bok sikda eibnenggubdek dara, onoĘľ losaaboka Yerusalem heikek, on pik ebgiga birik.
46Wera elerek salek era liga winilya seleb maboka gwelegok danyek, alda Yahudi nim edya Imik Neyung yuba neklesik nang eb, yuba wa gak nang eb, sik gangganek sam sikenek heiboka, alja onoʾ saaboka leboka, Wenelesilnya Imik Neyung bedya ek sam bulumok ak eiyirek. 47Dara, nidyaʾ alak kelemek nim edya dara, alja yuba dam nang heiboka lelemok ab, alak heibnanya neneba pe lelemok geremseng enesa, salya lelemla me senewoka hyak loka dasuk. 48Wera aljaʾ neyung genong ara, Yesus adya ban unulumok anyek eiyirek dara, hyak ganya lok dasuk. Dara alja genong gedya Yesus ak, ”Anda hekasa nuk ara anaso unulusilim do? Anja neyung beb, nab dara, nunda anak ilil ganya boboka elenggenem bar,” hyok. 49Yesus adya sikenek lebsukaʾ ara, ”Ugunda hekasa nak elenurum do? Nara nadyaʾ neyung bedyaʾ e lomok sam ulumnesinya ara, ugunda elgom ulurum de?” hyok. 50Bok sikda alja wenhyok yub era, damok ara anasa leblaʾ senewoka pe ella danggurek.
51Wera alda, alja neyung genong ab neikaĘľ Nazaret heikek byik. Dara Yesus ara sikjaĘľ gangganek ab pe ulumok. Bok ban nidyaĘľ unulumoknya nera, alja genong gera ganya lomok sam pe seiniwoka bo ulumok. 52#1Sam. 2:26; Ams. 3:4Dara Yesus ara, nauba dangoka nebgiga balamookanya, onoĘľ nauba ella danggiga ulumookanya, nim ab, onoĘľ Imik Neyung adyaĘľ anababya alak perob senelemek.
Currently Selected:
LUKAS 2: LAINLC
Highlight
Share
Copy
Want to have your highlights saved across all your devices? Sign up or sign in
