YOHANES 2
2
Mek DibaĘľ Anyek Anggur Meka Dangiyiwok Yuba
1Liga penya seleb yenemok dara, Galilea sokok Kanaan heikek ara, gela dobdangoka masa youmek dara, Yesus eiling geneba onoʾ neikaʾ unumekaʾ ak ulumok. 2Dara, Yesus ab, alja diriga ban nang ab, gel sabokaʾ youmekaʾ ak del yanalum aboka sikbabya youbosik. 3Wera delemeekanya, anggur meka seleb dengamok dara, Yesus eiling gedya Yesus ak, ”Anggur mek ara seleb dengamla,” hyok. 4Dara, Yesus adya aljaʾ genong gek, ”Genong o, hekasa nak ban lelenelem do? Nak laga nenewanenel salek era, anam ulumla bar,” hyok. 5Yesus eiling gera ek wa nim ek, ”Alja hekaʾ ak oruganesil ara, ugunja ganya doboka unulululum,” hyok.
6Dara, anyagan ara, sik Yahudi nang ugumaʾ mek eleknaʾ amba, girik mek hmeiya hnabbadya ulumok. Ban mek hmeiya hnonok dara, gouba denga hnonok danyek or deknewaneseng. 7Dara, Yesus adya ek wa nim ek, ”Ban mek hmei enera, mek sirikaʾ ok dekneb loblulum,” hyok. Dara, sikja nidyaʾ mek hmeiya gweboka hyak deknemek. 8Wera onoʾ, Yesus adya ek wa nim ek, ”Wenera mek enyek, mekaʾ gweb bobmunukanya, masa youmakaʾ dubnya bek mekaʾ debyamadululaʾ aboka bo bululum,” wenyhusuk dara, gweboka alak bo byik. 9Dara, masa youmekaʾ dubnya bera, ban mek sirikaʾ bok anggur mek dangamokaʾ ak debyamamok. Alda ban mek enera hanyagarab sam senewoka elgom ubok bok, alja ek wa nimi ban mek gweboka yekemek nim ok ella ubek. Dara, ban masa youmek dubnya bera, gela domoknya bek, ”Yalom,” hyok. 10Dara, gela domoknya bek, ”Nimi gela domnaʾ nidyaʾ ara, gela donanya bedya dara, pero-pero meemna anggur mek enyek men beibnekanya, nimi yeilimna nimi nauba den dara, wera mek so memenanya nera, eimik beil yalamak. Bok, anak dara, perob anggur era beiblolamaʾ ara, wenyok ok seleb onoʾ beiblam,” hyok.
11Yesus adya, alja senenggom migibaĘľ beknaĘľ sokok unura yabalamokaĘľ hyak men youbuka unumoknya nera, Kanaan heikek ab unumok. Ban unumokaĘľ adya, alja senenggom migibaĘľ unaĘľ era laga dangamok. Dara, alja diriga ban nang era, alak dib senemek.
Yesus Ara Kapernaum Heikek Ulumok Yuba
12 #
Mat. 4:13
Ban seleb unubgogomok dara, Yesus ab, alja genong geb, al kabo nang ab, alja diriga ban nang eb, Kapernaum heikek bilimeekanya, liga wen ono sam ulumek.
Yesus Adya Nimi Yakasuk Yuba
(Mat. 21:12-13; Mrk. 11:15-17; Luk. 19:45-46)
13 #
Kel. 12:1-27
Yahudi nang sikja perob sum oka dangamok dara, Yesus ara Yerusalem heikek bilimok. 14Yesus ara Yerusalem heikek seleb byuk dara, hnon nim era, Imik Neyung eremek sam domba pam ab, sapi pam ab, yalma wining eb, deklemek dara, yok nimi hnon sikja yanganaʾ gal ak bukoka, rupiah amomaʾ ubdangdo balamekaʾ ak eiyisuk. 15Ban unulumekaʾ eiyimookanya, Yesus adya henga doboka legebnaʾ meewoka, domba pam ab, sapi pam ab, yokaʾ-yokaʾ nidyaʾ deklemekaʾ ara, e weilik ab hyak nidyaʾ doluwoka yaksuk. Dara, rupiah amomaʾ ubdangdo unulumek nang era, sikja rupiah nidyaʾ dolub menegoka, yanganaʾ gala yaawoka sen-senem ab menegemok. 16Dara, Yesus adya yalma wining deklemek nim ek wenyhusuk, ”Ugunda ban doboka bo bululum. Ugunda nadyaʾ neyung bedya e nera, salyaʾ dekna e nenenggom mem,” hyok. 17#Mzm. 69:10Dara, Yesus ak diriga ban nang era, yuba Imik Neyung bukuk momnya dobokaʾ ak seinimek. ”Anja e nek wanaʾ kwelemnaʾ amba nak uka lolok ganagananel,” amokaʾ ak seinimek.
18Yesus adya ban unusukaʾ seleb dara, Yahudi dub nang era Yesus ak, ”Wera or anja nuk hekaʾ hubmen anyek eibnobaʾ aboka, anasa ulumna aboka hyak yok so beknaʾ dibaʾ enyek unuwalom,” hyek. 19#Mat. 26:61, 27:40; Mrk. 14:58, 15:29Dara, Yesus adya sikenek, ”Wera ugunda ban e nera goluwoka sokok beiblulum. Dara, nadya liga winilyok saaboka sobnamna bar,” hyok. 20Dara, sikda alak, ”Gibnaʾ denga penya sorob Imik Neyung e nenyek babya, anja liga winilya sobnamna helemaʾ de?” hyek. 21Bok, ban wenyamoknya nera, Yesus al nong anasa sene bobnenewoka lebdangamok. 22Dara, Yesus suboka sekok dara, alja diriga ban nang era, wenyamokaʾ orowek kemek bok adya, anyek lebok aboka bekemek. Dara onoʾ, alja diriga ban nang era, Imik Neyung yuba momnya dobokaʾ hnon, Yesus adya sikenek wenyamokaʾ hnon, seiniwoka dib senemek.
Yesus Ara Nimi Ganya NidyaĘľ Ella Ulumla Yuba
23Yahudi nim perob sum meemek sum enyek, Yesus ara Yerusalem heikek ulumookanya, nimi nauba al adya yokaĘľ-yokaĘľ nidyaĘľ lok so unulumokaĘľ eiyimeekanya, anasemba leboka alak dib senemek. 24Bok, Yesus ara nimi nidyaĘľ ganya ella ulusilnya bek anasa, sikenek dib senewanggumok. 25Yesus ak dara, alda hyak nimi ganya ak orowek ella ulusilnya bek anasa, nim adya bera ban anaso ulumla aboka, nak neknenok senewanggumok.
Currently Selected:
YOHANES 2: LAINLC
Highlight
Share
Copy
Want to have your highlights saved across all your devices? Sign up or sign in
