Luk 7:7-9 Ne là kóen knóón snéen ke tô ou na a lemebet kóm. Olom tódô hemwit udél gu dyó ne, kaem tódô mkó he nim des nim tau tóbóng lówóhu ni. Lómón se béléu dou,” monen, “wen se kem tau hol geta sentahu gónóh | Udél Dwata: Gna Kesfasad ne Lomi Kesfasad (TBL)

Luk 7:7-9 TBL

Ne là kóen knóón snéen ke tô ou na a lemebet kóm. Olom tódô hemwit udél gu dyó ne, kaem tódô mkó he nim des nim tau tóbóng lówóhu ni. Lómón se béléu dou,” monen, “wen se kem tau hol geta sentahu gónóhu mogot, ne gel nimónu. Ne wen se kem sendalù dou nalak, ne sal gel nimón le ou. Sok monu mò yóm sotu, ‘Tu ne,’ tahu se, tódô kendel lemwót. Dalang se ke monu, ‘Géhéli,’ tódô kendel sut. Sok monu bè yóm heseku, ‘Nmoem nii,’ ne yó se tódô nmoen. Lómón yó se béléem kóm. Ke wen monem, sal dohò.” Timbow gungol Jisas yóm udél yóm kfitan yó, botong tnga. Ne ominen beklil smolu ebè yó kem tey tau wen lemolò du, monen mò kul, “Balù sotu bélê tekuy kem tau Israél, là kô deng wen tonu ke lómón ni kmò kehtahuhen.”

Read Luk 7

Listen to Luk 7