Tekang Kbuten 36

Sfu Iso

1Ni se tutul yó kem sfu Iso (yóm bnoluy le kem tau Idom). 2Wen lewu libun Kanan yehen Iso, duhen Ada ngà Ilon yóm tau Hitayt, ne Uhulibama ngà Ana yóm témê Sibyun tau Hibayt. 3Bud yehen Iso snéen yóm ngà Ismaél boluyen Basimat yóm libun twoli Nibayot. 4Yó ngà Iso bè Ada duhen Ilifas, ne yó ngaen bè Basimat duhen Réwél. 5Yó ngaen bè Uhulibama, duhen Jiyus ne Jalam ne Kura. Ni kem ngà Iso ni, sut le bè benwu Kanan.

6Kewót Iso bè yó, hlayuk bè Jakub yóm dumun setwoli bè mà, gotu nwiten yó kem yehenen ne kem ngaen, ne kdê yó kem tóbóng lówóhen nô lem gónóen, kem ógófen ne kdê kendengenen deng gutahen bè Kanan, gotu nwiten lu. 7Là hyu kesetnù le, yakà teyen wen yó kem ógóf nfun le ne là kóyówen bélê le yóm tonok bè yó. 8Duhen yó, ditu gónó Iso nô bè yó kem bulul lemnek bè Sér. (Yóm Iso, du se Idom.)

9Ni se boluy yó kem ból Iso, yóm tau gónó le gu semfu yó kem tau Idom menwu bè yó kem bulul lemnek bè Sér.

10Ni se boluy yó kem ngà Iso logi. Yó ngà Iso bè Ada duhen Ilifas, ne yó ngaen bè Basimat duhen Réwél.

11Mngà logi Ilifas, duhen Timan ne Umar ne Sifu ne Gatam ne Kinas.

12Bud wen ngà Ilifas logi bè yóm libun nmuhen boluyen Timna, duhen Amélék. Ni kem ngà ni, hono kun ból Ada yehen Iso.

13Yó kun ngà logi Réwél, duhen Nahat ne Sira ne Sama ne Misa. Ni kem ngà ni, hono kun bé Basimat yehen Iso.

14Bud wen kem ngà Iso logi bè Uhulibama ngà Ana, ne Sibyun yóm téméen. Yó boluy le, Jiyus ne Jalam ne Kura.

15Yó kem ngà Iso logi yó ne yó kem téméen, lu se baling tau malak bè yó kem ket tbong le.

Yóm ngà Iso logi twogu boluyen Ilifas fen malak yó kem tbong Timan ne tbong Umar ne tbong Sifu ne tbong Kinas, 16ne tbong Kura ne tbong Gatam ne tbong Amélék. Yó kem tbong nô bè benwu Idom yó, hono le semfu gu bè Ilifas yóm ngà Iso logi bè Ada.

17Yó kem témê Iso logi bè Réwél ngà Basimat, baling malak yó kem tbong Nahat ne Sira ne Sama ne Misa.

18Yó kem ngà Iso logi bè Uhulibama, fen malak yó kem tbong le Jiyus ne Jalam ne Kura. Ni se yó kem kun tbong Iso bè yehenen Uhulibama yóm ngà Ana libun.

19Yó se yóm kdê tbong Iso (yóm bnoluy le Idom).

Yó kem tau hol sana menwu bè Idom

20Wen kem tau hol sana menwu bè Idom, duhen yó kem tbong Sér yóm tau Hurayt. Yó boluy le, Lutan ne Subal ne Sibyun ne Ana, 21ne Disun ne Ésér ne Disan. Yó se yó kem tbong Sér yóm tau Hurayt sana menwu bè Idom.

22Mngà logi ke Lutan, duhen Huri ne Himan. Yó boluy libun twoli Lutan, duhen Timna.

23Mngà logi ke Subal, duhen Albam ne Manahat ne Ibal ne Sifu ne Unan.

24Mngà logi ke Sibyun, duhen Aya ne Ana. Ni se yóm Ana tehe mton simen kinì bè yóm benwu laen hol wen tauhen yóm igoen hótób yó kem asnu maen.

25Mngà logi Ana, duhen Disun, ominen bud mngà libun, duhen Uhulibama.

26Mngà logi ke Disun, duhen Himdan ne Isban ne Itram ne Kiran.

27Mngà logi ke Ésér, duhen Bilhan ne Saaban ne Akan.

28Mngà logi ke Disan, duhen Us ne Aran.

29Duhen yó, yó fen malak bè yó kem tbong tau Hurayt, duhen Lutan ne Subal ne Sibyun ne Ana, 30ne Disun ne Ésér ne Disan. Lu se fen malak bè ket tbong yó kem tau Hurayt menwu bè tonok Sér.

31Lu se yó kem tau hol geta mogot bè Idom yóm gu laanen là deng wen kem tau hol geta mogot bè Israél.

32Yó hol geta mogot bè Idom, duhen Bila ngà Byor yóm tau lemwót bè Dinaba.

33Tikóng matay Bila, yó bud tles hol geta, duhen Jubab ngà Sira yóm tau lemwót bè Busra.

34Tikóng matay Jubab, yó bud tles hol geta, duhen Husam yóm tau lemwót bè Timan.

35Tikóng matay Husam, yó bud tles hol geta, duhen Hadad ngà Bidad. Nogot le lemwót bè syudad Abit yóm benwu Idom. Hadad se yóm tehe gemlà yó kem sendalù Midyan bè tonok Muab.

36Tikóng matay Hadad, yó bud tles hol geta, duhen Samla yóm tau lemwót bè Masrika.

37Tikóng matay se ke Samla, yó bud tles hol geta, duhen Sawul yóm tau lemwót bè Rihobot bè Él Yufratis.

38Tikóng matay Sawul, yó bud temles hol geta, duhen Baal-hanan ngà Akbor.

39Tikóng matay Baal-hanan, yó bud temles hol geta, duhen Hadad. Nogoten lu lemwót bè syudad Payu. Yó boluy yehen Hadad, Méhétabél yóm ngà Matrid libun ne téméen Misahab.

40Yó se yó kem tau malak lemwót bè tbong Iso, ne menwu le bè yó kem benwu bnoluy le boluy yó kem gónó le gu tembong, duhen bè Timna ne Alba ne Jétét, 41ne Uhulibama ne Ila ne Pinun, 42ne Kinas ne Timan ne Mibsar, 43ne Magdiyél ne Iram. Yó se boluy yó kem tbong Iso yóm gónó le gu semfu yó kem tau Idom. Ket tonok gónó le nô bè yó lem Idom, sal ulit le bè boluy yó kem gónó le gu tembong.

Currently Selected:

Tekang Kbuten 36: tbl

Highlight

Copy