GENESIS 4

Kain tuntang Abel

1Maka Adam marantep Hawa, sawae, tuntang oloh bawi te batihi. Ie manak ije anak hatue sambil hamauh, “Awi pandohop Tuhan aku jari mandino ije biti anak hatue.” Palus ie manggare anak te Kain. #4:1: Kain: Riman aran toh huang basa Ibrani iete “mandino”. 2Rahian tinai Hawa manak ije anak hatue, arae Abel. Abel manjadi sakatik meto, tuntang Kain oloh pamalan. 3Sinde katika Kain maluput parapah bara hasil tanae akan Tuhan. 4#Ibr. 11:4 Palus Abel kea mimbit anak tabiri je pangkasolake inakan bara ije kongan tabirie, manyambalihe palus maluput bara bagin je pangkahalape akan Tuhan. Tuhan sanang dengan Abel tuntang parapahe, 5tapi manolak Kain tuntang parapahe. Te Kain paham sangit, tuntang baue sangit. 6Maka Tuhan hamauh dengan Kain, “Mbuhen ikau sangit? Mbuhen baum giri-garitat? 7Amon ikau mawi kahalap, batantu ikau tatawe;#4:7: batantu ikau tatawe; atawa pasti aku manarima parapahm. tapi amun ikau mawi taloh papa, dosa jari mentai uka tame haung ateim. Dosa handak manguasa ikau, tapi ikau patut mampakalahe.”

8 # Mat. 23:35; Luk. 11:51; 1 Yoh. 3:12 Palus koan Kain dengan Abel, andie, “Keleh itah haguet akan tana.” #4:8: pire-pire salinan bara jaman horan: Has itah haguet akan tana. Teks Ibrani jaton manyewut kare auh je kilau toh. Metoh ewen sampai hete, Kain mantakan tuntang mampatei andie Abel.

9 Tuhan misek Kain, “Hong kueh Abel, andim?”

Kain tombah, “Aku dia katawan, en aku tantai manjaga andiku?”

10 # Ibr. 12:24 Balalu Tuhan hamauh, “Mbuhen ikau mawi taloh je mangkarieng te? Dahan andim mangkariak manintu Aku bara petak kilau auh tangkariak je balaku baleh. 11Ikau tarasapa sampai ikau dia tau malan tinai. Petak te minyop dahan andim, kilau jaka jete marakang nyamae manarima dahan andim te metoh ikau mampateie. 12Amon ikau malan, petak te dia mahasil taloh en-en; ikau akan jadi oloh perantau je jaton bara eka manetep hong kalunen toh.”

13Maka koan Kain dengan Tuhan, “Hukum te lalau babehat, aku dia olih mananggonge. 14Ikau maharak aku bara tanah toh, kejau bara taharep Aim. Aku akan jadi oloh perantau je jaton bara eka hong kalunen toh, tuntang aku akan impatei awi eweh bewei je supa aku.”

15Tapi Tuhan hamauh, “Dia. Amon ikau impatei, maka indu balehe, uju biti oloh dengan je mampatei ikau te akan impatei kea.” Limbah te Tuhan manenga tanda intu Kain mangat eweh bewei je hasondau dengae dia mampatei ie. 16Palus Kain haguet bara taharep Tuhan tuntang melai hong eka je bagare “Eka manamuei” hila timor Eden.

Turonan Kain

17Kain tuntang sawae mandino anak hatue, je bagare Henokh. Limbah te Kain mamangun ije lewu tuntang ie manggare lewu te manumon aran anake. 18Henoh bapa Irad. Irad bapa Mehuyael. Mehuyael bapa Metusael, tuntang Metusael bapa Lamekh. 19Lamekh due sawae, Ada tuntang Sila. 20Ada manak Yabal, tuntang turonan Yabal te bangsa je mambelom meto tuntang melai hong kemah. 21Andie bagare Yubal, tuntang turonan Yubal te baris oloh tukang main kacapi tuntang suling. 22Sila manak Tubal Kain, tuntang turonae tukang manampa kare pakakas #4:22: tuntang turonae tukang manampa kakare macam pakakas; ije salinan bara jaman horan: tato hiang kare tukang sanaman. bara tambaga tuntang sanaman. Betau Tubal Kain bagare Naama.

23Lamekh hamauh dengan kadadue sawae te,

“Ada tuntang Sila hining toh!

Aku mampatei ije biti oloh hatue tabela awi ie mawi aku.

24Amon uju biti oloh buah patei mangat mambaleh pampatei Kain,

maka uju puluh uju biti oloh akan impatei amon aku impatei.”

Set tuntang Enos

25Adam tuntang sawae mandino ije biti anak hatue tinai. Koan Hawa, “Hatalla jari manenga akangku anak hatue gantin Abel, je jari impatei awi Kain.” Awi te Hawa manggare anak te Set.#4:25: Set: Huang basa Ibrani aran toh sama auh sewute kilau bawak kotak je rimae “jari manenga”. 26Set manak hatue je arae Enos. Hong jaman te oloh nampara manyewut aran Tuhan amon ewen balakudoa.

Currently Selected:

GENESIS 4: NIJ

Highlight

Copy