EKSODUS 12
12
Pesta Paska
1 #
Lew. 23:5; Num. 9:1-5, 28:16; Deu. 16:1-2 Tuhan hamauh dengan Moses tuntang Aron intu tanah Misir. Ie hamauh, 2“Bulan toh jadi bulan je solake intu almanak keton. 3Nyampai parentah toh akan hapus ungkup Israel: Hong tanggal sapuluh bulan toh, genep bitin oloh hatue musti manyambalih ije anak tabiri akan kinae dengan keluargae. 4Amon oloh keluarga te dia sukop bitie uka kuman mampalepah ije kongan anak tabiri te, maka ewen tau hapakat dengan keluarga je beken je tetangga dengan ewen uka tau hinje haya-hayak kuman mampalepah ije kongan anak tabiri te. Isin anak tabiri te imbagi tumon kare oloh je kumae. 5Keton tau mintih tabiri atawa kambing; tapi musti hatue, umure ije nyelo, tuntang jaton aton karusake. 6Keton mingkese sampai tanggal epat walas. Hong andau te, halemeie, hapus bangsa Israel musti manyambalih anak tabiri te. 7Isut dahae iohos intu jihin bauntonggang hasansila tuntang intu malang hunjun bauntonggang huma eka ewen kumae. 8Alem te kea isin tabiri te inyehei tuntang kinan hayak dengan johon taloh bapait tuntang rote je dia iragi. 9Anak tabiri te uras inyehei manampara bara bitie, takoloke, paie tuntang kanaie. Kinan isie je jari enyehei, ela aton je kinan manta atawa iluntoh. 10Ela mampelai aloh isut bara isin meto te sampai hanjewu, tuntang amon aton tisae balalu imapui sampai lepah. 11Metoh kuman keton jari hapakaian kilau oloh je handak haguet mawi jalanae dengan sarompah intu paie tuntang sukah intu lenge. Keton te kuman jele-jeleng. Jete pesta paska hapan mahormat Aku, Tuhan.
12Hong alem te aku kareh mangumbang hapus tanah Misir, tuntang mampatei genep biti anak tambakas hatue, aloh olon aloh meto. Aku kareh mahukum uras kare dewa intu Misir, awi aku toh Tuhan. 13Daha je aton intu bauntonggang humam kareh jadi tanda akan kare huma ekam melai. Amon aku mite daha te, keton ihalau awi-Ku tuntang dia impatei awi-Ku metoh Aku mahukum Misir. 14#Eks. 23:15, 34:18; Lew. 23:6-8; Num. 28:17-25; Deu. 16:3-8 Andau te musti keton mingate kilau andau pesta akan Tuhan. Andau te imesta awi keton harajur genep nyelo.”
Pesta rote dia iragi
15 Tuhan hamauh, “Uju andau katahie keton dia tau kuman rote je iragi. Hong andau je solake uras rote impalua bara human keton. Awi amon katahin uju andau te aton je kuman rote je iragi, ie dia tau tinai jadi oloh ungkup ayung-Ku. 16Hong andau je solake tuntang kea hong andau je kauju, keton hapumpong sombayang. Hong andau te keton dia tau mawi gawi narai bewei kacuali je perlu awi manatap panginan. 17Hong andau te hapus bangsa ain keton iimbit-Ku balua bara Misir. Tagal te, palus dapit, genep nyelo, keton musti mingate kilau andau hai. 18-20Hong bulan je solake, manampara tanggal epat walas hamalem, sampai dengan tanggal due puluh ije hamalem, keton dia tau kuman rote je iragi. Katahin uju andau te uras ragi impalua bara humam. Oloh Israel atawa oloh bangsa beken je katahin pesta te kuman rote je iragi, dia tinai iitong oloh ungkup-Ku.”
Paska je solake
21Moses mantehau uras pamimpin oloh Israel tuntang hamauh dengan ewen, “Lius tuntang duan akan keluarga ain keton ije anak tabiri hapa mahaga pesta paska. 22Duan ije kapeteng hisop, solop akan huang seng je basuang #12:22: solop akan huang seng je basuang atawa Ingkes jete intu hunjun batonggang, inutup hapan … dahan tabiri te, balalu ohos intu kadadue jihin bauntonggang tuntang malang hunjun bauntonggang humam. Sampai hanjewu ela aton ije bara keton je malihi humae. 23#Ibr. 11:28 Metoh Tuhan mangumbang tanah toh uka mampatei kare oloh Misir, Tuhan kareh mite daha intu kadadue jihin bauntonggang tuntang malang hunjun bauntonggang human keton; palus Ie kareh mahalau bewei; Ie dia manyoho Malekat Pampatei tame human keton uka mampatei keton. 24Keton tuntang kare anak keton ela sama sinde dia manumon parentah te palus katatahie. 25Amon keton jari tame tanah je injanji Tuhan akan keton, keton musti dia mawi gawi toh. 26Amon kare anak keton misek, ‘Narai riman gawi toh?’ 27Keton patut tombah, ‘Jetoh parapah akan mahormat Tuhan, tagal human kare oloh Israel intu Misir ihalaue, metoh Ie mampatei kare anak bakas hatue intu Misir, tuntang itah inaluae belom!’ ”
Palus oloh Israel sontop manyembah. 28Ewen balalu haguet malalus taloh je imeteh Tuhan akan Moses tuntang Aron.
Calaka je kasapuluh: Anak tambakas je hatue impatei
29 #
Eks. 4:22-31
Bentok alem te Tuhan mampatei uras kare anak hatue je tambakas ain oloh Misir nampara bara anak raja sampai dengan anak kare oloh je inamean hong sipir. Uras meto je solake inakan impatei kea. 30Alem te raja, kare pagawai tuntang uras oloh Misir tapisik. Hong hapus tanah Misir tarahining auh tatum je hai awi ije mahin jaton huma je dia aton anak oloh hatue je matei. 31Alem te kea raja mantehau Moses tuntang Aron hayak hamauh, “Keleh haguet bara hetoh uras keton! Lihi lewungku! Lius manara Hatallan keton kilau je ilaku keton. 32Imbit urase kare sapi, tabiri, tuntang kambing keton, palus haguet! Laku kea berkat akangku!”
33Oloh Misir mamaksa oloh Israel mangat jele-jeleng malihi lewu te. Koan ewen, “Uras ikei kareh matei, amon keton dia haguet!” 34Palus kare oloh Israel manduan kare panci ewen je basuang taloh upet rote je dia iragi, mamungkuse hapan benang, palus metoe. 35#Eks. 3:21-22 Ewen kea jari malalus taloh je insanan Moses, iete balaku hiasan amas tuntang perak tuntang pakaian bara oloh Misir. 36Tuhan mawi oloh Misir masi dengan oloh Israel. Kalote oloh Israel mimbit panatau oloh Misir balua bara lewu te.
Oloh Israel malihi tanah Misir
37Oloh Israel haguet tuntang mananjong bara kota Ramses akan kota Sukot. Kare ewen 600.000 biti, dia ireken bawi tuntang anak oloh. 38Ewen mimbit are sapi, tabiri tuntang kambing. Are oloh bangsa beken kea omba, 39ewen mamapui rote dia iragi bara taloh upet je imbit ewen bara Misir. Ewen iharak bara hete kajeng kiso, sampai dia sampet manatap bahatae.
40 #
Gen. 15:13; Gal. 3:17 Bangsa Israel jari melai intu Misir 430 nyelo katahie. 41Hong andau kahapus nyelo 430 te, salepah kawan ungkup Tuhan malihi tanah Misir. 42Alem te Tuhan harajur jaga mangat magah ewen akan luar Misir. Alem jete kea palus harajur iluput akan Tuhan kilau alem pampingat. Hong alem te ungkup Israel patut jaga-jaga.
Atoran tahiu pesta paska
43 Tuhan hamauh dengan Moses tuntang Aron, “Jetoh atoran pesta Paska. Oloh bangsa beken dia tau kuman isin tabiri je iluput hong andau Paska. 44Tapi jipen je imili keton tau omba kumae, amon ie jari inyunat. 45Oloh asing atawa oloh je duan upah dia tau omba kumae. 46#Num. 9:12; Yoh. 19:36 Uras isin meto tabiri te musti kinan intu huang huma, dia tau imbit balua. Ela mamelek aloh ije bara tulange. 47Hapus oloh Israel musti mawi pesta te. 48Oloh je dia inyunat dia tau kuman panginan pesta te. Amon aton oloh bangsa beken je jari manetep intu bentok keton handak mawi paska hapa mahormat Aku, Tuhan, uras kare oloh hatue intu keluargae patut labih helo inyunat. Limbah te ewen itong kilau oloh Israel je toto, tuntang tau omba huang pesta Paska. 49Atoran je sama ihapan kea akan oloh Israel je toto tuntang oloh bangsa beken je aton manetep marak keton.” 50Uras oloh Israel patut manumon tuntang malalus kare je irentah Tuhan akan Moses tuntang Aron. 51Andau te Tuhan mimbit hapus ungkup Israel balua bara Misir.
Currently Selected:
EKSODUS 12: NIJ
Highlight
Share
Copy
Want to have your highlights saved across all your devices? Sign up or sign in
