ZAKHARIYA 4
4
Pangaton parkara ko'-tongko'na damar
1Malaekat se abu-dhabu ka sengko' jareya rabu pole, sengko' pas ejagai akantha se ajagai oreng se teppa'na tedhung. 2“Apa se etangale'e ba'na?” ca'na dhabuna.
“Ko'-tongko'na damar dhari emmas,” saodda sengko'. “E konco' attassa badha baddhana mennya'na, e sakalenglengnga badha damarra papetto', saneyap damar badha baddhana sombuna papetto'. 3#Why. 11:4 E kangan kacerra ko'-tongko'na damar gapaneka badha bungkana jaitun dhadhuwa'.”
4Saellana jareya sengko' atanya ka malaekat jareya, “Parsemmonna ponapa rang-barang gapaneka, guste?”
5“Apa ba'na ta' tao?” ca'na dhabuna ka sengko'.
“Bunten, guste,” saodda sengko'.
10b #
Why. 5:6
Malaekat jareya adhabu ka sengko', “Damar se papetto' jareya socana PANGERAN se papetto' se ngoladi saantero bume.”
11 #
Why. 11:4
Saellana jareya sengko' atanya pole ka salerana, “Ponapa arteepon bungkana jaitun se dhadhuwa' e kangan kacerra damar gapaneka? 12Jugan ponapa arteepon ranca'na jaitun se dhadhuwa' e erenganna pipa emmas se dhadhuwa' se magili mennya' jaitun gapaneka?”
13Saodda ka sengko', “Apa ba'na ta' tao?”
“Bunten,” ca'na sengko'.
14Malaekat jareya adhabu, “Jareya oreng kadhuwa se epele Pangeranna alam dunnya ban epadaddi pangladinna Salerana.”
Janjina Pangeran ka Zerubabil
6 #
Ezr. 5:2
Malaekat jareya makon sengko' manapa' pessenna PANGERAN ka Zerubabil kantha reya, “Ba'na bakal ahasela banne kalaban kakowadanna militer ban banne kalaban kakowadanna ba'na dibi', tape kalaban Tang Erroh. 7Alangan se ngaddhang akantha gunong sakale rajana bakal epanyeseya dhari adha'anna ba'na. Ba'na bakal maddegga pole Tang Padalemman, ban e bakto ba'na masang bato otamana e kennengnganna, reng-oreng bakal aera'a, ‘Bagussa!’ ”
8Pas badha pessen laenna pole dhari PANGERAN. 9Dhabuna, “Zerubabil la masang dhasarra Tang Padalemman, ban mamareya bangonan jareya. Mon jareya la kalakon, Tang ommat bakal taowa ja' Sengko' se ngotos ba'na ka reng-oreng jareya, Zakhariya. 10aBadha se ngece kadaddiyan jareya. Tape reng-oreng jareya bakal nangaleyana Zerubabil materrosa se maddek Tang Padalemman, ban reng-oreng jareya bakal peraga.”
Currently Selected:
ZAKHARIYA 4: MAD
Highlight
Share
Copy
Want to have your highlights saved across all your devices? Sign up or sign in
