HABAKUK ATOR MAMOLAN
ATOR MAMOLAN
Nabbi Habakuk manapa' sen-pessennepon e bakto para' aherrepon abad se kapeng petto' Sabellunna Masehi, e jaman kakobasa'anna karaja'an Babil. Salerana ce' sossana ngoladi kakerrasan se ejalannagi bangsa se kejjem gapaneka, daddi Salerana pas mareksane ka Pangeran, “Kadi ponapa Junandalem me' kowat ngoladi reng-oreng jahat se kejjem ka'dhinto? Junandalem gu ta' ce' soccena, daddi ta' kera kasokan ngoladi kajahadan? Junandalem gu ta' ngalennyer ngoladi sadaja se ta' adil? Daddi aponapa Junandalem me' mendel saos e bakto oreng alem epaancor sareng reng-oreng se daraka?” (1:13).
Pangeran adhabu ja' Salerana madhatengnga okoman e bakto se ampon etantowagi Salerana dibi', ban sabatara gapaneka kodu ekaemodi ja' “Oreng se jahat ta' kera salamet, tape oreng se ngalakone kasokanna Allah bakal odhi'a lantaran kaestowanna ka Allah” (2:4).
Bagiyan dhi-budhina ketab paneka aesse ramalan parkara ancorra reng-oreng se ta' atoro' ka papakonna Pangeran. Ban e bagiyan se dhi-budhi gapaneka esessellagi nyanyeyan pojiyan kaagem kaagungannepon Allah. E dhalem pojiyan gapaneka egambarragi jugan iman se koko e dhalem salerana nabbi gapaneka.
Essena Ketab
Serrona Habakuk ban bu-dhabuna Pangeran 1:1–2:4
Babaston ka reng-oreng se ta' ta'at ka dhabuna Pangeran 2:5-20
Du'ana Habakuk 3:1-19
Currently Selected:
HABAKUK ATOR MAMOLAN: MAD
Highlight
Share
Copy
Want to have your highlights saved across all your devices? Sign up or sign in