KISAH RASUL-RASUL PENGANTAR
PENGANTAR
Kisah Rasul-rasul iado lanjutan buku Kabar Betik sai disampaiko ulih Lukas. Tujuan utama Kisah Rasul-rasul inji iado nguraiko mengenai injuk repa jelma-jelma sai nutuk Isa – jama pimpinan Ruh Allah – nyebarko Kabar Betik tentang Isa “di Yerusalem, di seluruh Yudea, di Samaria, rik sampai uncuk bumi” (1:8). Buku inji iado cerita tentang pergerakan Kristen dimulai di hantara ulun Yahudi raduni meluas jadi suatu agama untuk seluruh dunia. Jelma sai nulis buku inji ngerasa perlu muneh ngeyakinko jelma-jelma sai ngebacani bahwa ulun-ulun Kristen lain hak suatu bahaya politik pengacau tehadap kerajaan Roma, kidang bahwa agama Kristen iado penyempurnaan agama Yahudi.
Kisah Rasul-rasul dapok dibagi delom telu bagian. Di delom telu bagian ano keliakan meluasni wilayah di dipa Kabar Betik tentang Isa disiarko rik gereja didiriko: (1) permulaan pergerakan Kristen di Yerusalem radu jak Isa teiwak cakak mik surga; (2) perluasan mik daerah-daerah bareh di Palestina; rik (3) perluasan sai lebih balak lagi mik negeri-negeri di sekitar Laok Tengah sampai sejaoh Roma.
Sai hal sai khas rik penting delom buku Kisah Rasul-rasul inji iado guai-Ni Ruh Allah sai ratong jama kuasa mik atas ulun-ulun percaya di Yerusalem waktu rani Pentakosta. Di delom seluruh peristiwa-peristiwa sai tecatat delom buku inji nyatado bahwa Ruh Allah udi terus-menerus memimpin rik nguatko gereja jama jelma-jelma sai mimpin. Kabar sai diajarko ulih agama Kristen waktu masa-masa permulaan inji diringkasko delom sejumlah khotbah. Peristiwa-peristiwa sai dicatat delom buku inji nunjukko hara kuasani kabar udi di delom kehurikan ulun-ulun Kristen rik di delom ikatan persaudaraan gereja.
Isi
Persiapan untuk pemberitaan 1:1-26
a. Perintah sai paling akher rik janji jak Tuhan Isa 1:1-14
b. Pengganti Yudas 1:15-26
Pemberitaan di Yerusalem 2:1–8:3
Pemberitaan di Yudea rik Samaria 8:4–12:25
Guaini Paulus 13:1–28:31
a. Lapahni mula-mula untuk penyebaran Kabar Betik 13:1–14:28
b. Musyawarah di Yerusalem 15:1-35
c. Lapahni kerua untuk penyebaran Kabar Betik 15:36–18:22
d. Lapahni ketelu untuk penyebaran Kabar Betik 18:23–21:16
e. Paulus sebagai tahanan di Yerusalem, Kaisarea, rik Roma 21:17–28:31
Currently Selected:
KISAH RASUL-RASUL PENGANTAR: LAILJP
Highlight
Share
Copy
Want to have your highlights saved across all your devices? Sign up or sign in
@ LAI 2002 Indonesian Bible Society (Lembaga Alkitab Indonesia)