Pewaliana 5
5
Muleꞌna hi Adama
1Hieꞌemo lolitonane muleꞌna hi Adama. I tempona Pueꞌ Ala moteru manusiaꞌ, Noteruhi motuntuni lenteNa hadoduoNa. 2Tomaꞌani hante towoweꞌe Noteruhi, Nobarakatihi hei iohi Nokokeneꞌihi “Manusiaꞌ”. 3Hi Adama moꞌumuruꞌ 130 ntoꞌa, io mampemuleꞌkimo haduo tomaꞌani lentena hibobali hante io, hei nokokeneꞌi hi Set. 4Hei hi Adama tuwuꞌ tene 800 ntoꞌa uko mampemuleꞌki hi Set, hei io mampemuleꞌki tene tomaꞌani hante towoweꞌe. 5Tinuwuꞌna hi Adama 930 ntoꞌa, honiꞌi mahi.
6Ikotuwuꞌana hi Set 105 ntoꞌa, io mampemuleꞌki hi Eno. 7Hei hi Set tuwuꞌ tene 807 ntoꞌa, uko mampemuleꞌki hi Eno hante io mampemuleꞌki tomaꞌani hante towoweꞌe. 8Mewaliꞌ, tinuwuꞌna hi Set 912 ntoꞌa, honiꞌi mahi.
9Ikotuwuꞌana hi Eno 90 ntoꞌa, io mampemuleꞌki hi Kena. 10Hei hi Eno tuwuꞌ tene 815 ntoꞌa, ikoꞌukona mampemuleꞌki hi Kena hei io mampemuleꞌki tomaꞌani hante towoweꞌe. 11Mewaliꞌ hi Eno tinuwuꞌne 905 ntoꞌa, honiꞌi io mahi.
12Ikotuwuꞌana hi Kena 70 ntoꞌa, io mampemuleꞌki hi Mahalale. 13Katoꞌo hi Kena tuwuꞌ tene 840 ntoꞌa, uko mampemuleꞌki hi Mahalale hei moꞌanaꞌhi tene tomaꞌani hante towoweꞌe. 14Tinuwuꞌna hi Kena 910 ntoꞌa, honiꞌi io mahi.
15Ikotuwuꞌana hi Mahalale 65 ntoꞌa, io mampemuleꞌki hi Yareꞌ 16Hei hi Mahalale tuwuꞌ tene 830 ntoꞌa koꞌukona mampemuleꞌki tomaꞌani hante towoweꞌe. 17Mewaliꞌ hi Mahalale tinuwuꞌna 895 ntoꞌa, honiꞌi io mahi.
18Ikotuwuꞌana hi Yareꞌ 162 ntoꞌa, io mampemuleꞌki hi Henoꞌ. 19Katoꞌo hi Yareꞌ tuwuꞌ 800 ntoꞌa, koꞌukona mampemuleꞌki hi Henoꞌ hei io mampemuleꞌki tomaꞌani hante towoweꞌe. 20Mewaliꞌ hi Yareꞌ tinuwuꞌna 962 ntoꞌa, honiꞌi mahi.
21Ikotuwuꞌana hi Henoꞌ 65 ntoꞌa, io mampemuleꞌki hi Metusala. 22Hei hi Henoꞌ tuwuꞌ mohaꞌanu hante Pueꞌ Ala, i lalina 300 ntoꞌa tene, ikoꞌukona mampemuleꞌki hi Metusala hante io mampemuleꞌki tomaꞌani hei towoweꞌe. 23Mewaliꞌ hi Henoꞌ tinuwuꞌna 365 ntoꞌa. 24Hei hi Henoꞌ mohintuwuꞌ hante Pueꞌ Ala, uko tiꞌo io hamboaꞌmo uwaꞌ, alaꞌ io Noꞌoreꞌmo Pueꞌ Ala.
25Ikotuwuꞌana hi Metusala 187 ntoꞌa, katoꞌo io mampemuleꞌki hi Lamek, 26Hei hi Metusala tuwuꞌ tene 782 ntoꞌa, uko mampemuleꞌki hi Lamek hei io mampemuleꞌki tomaꞌani hante towoweꞌe. 27Mewaliꞌ hi Metusala wute motinuwuꞌ 969 ntoꞌa, honiꞌi io mahi.
28Ikotuwuꞌana hi Lamek 182 ntoꞌa, io mampemuleꞌki haduo tomaꞌani, 29hei nokokeneꞌi hi Nohoꞌ, notiꞌi, “Anaꞌ tiꞌo hingkiꞌ mepaꞌani pepododoli i lali pajamanta to buhaꞌ komaporiꞌ i woiꞌ to notundaꞌ Pueꞌ Ala.” 30Hi Lame tuwuꞌ tene 595 ntoꞌa, ikoꞌukona mampemuleꞌki hi Nohoꞌ, hei io mampemuleꞌki tene tomaꞌani hante towoweꞌe. 31Mewaliꞌ tinuwuꞌna hi Lamek 777 ntoꞌa, honiꞌi io mahi.
32Ikotuwuꞌana hi Nohoꞌ 500 ntoꞌa, io mampemuleꞌki hi Sem, hi Ham hante hi Apeꞌ.
Currently Selected:
Pewaliana 5: LAILJE
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)