AmaHubo 124
124
Ukubonga ukusindiswa engozini enkulu
Igama lokukhuphuka. ElikaDavide.
1Uma uJehova ebengenathi,
makasho njalo manje u-Israyeli,
2 uma uJehova ebengenathi,
lapho abantu besivukela,
3 ngabe sebesigwinyile
ekuvutheni kolaka lwabo kithina;
4amanzi ngabe asewele phezu kwethu,
kudlule isikhukhula phezu komphefumulo wethu,
5 kudlule phezu komphefumulo wethu amanzi akhukhumeleyo.
6Makabongwe uJehova
ongasinikelanga ukuba sibe yimpango
yamazinyo abo.
7Umphefumulo wethu uphunyukile
njengenyoni ogibeni lwabacuphi;
ugibe lwaphukile, thina saphunyuka.
8 Usizo lwethu lusegameni likaJehova
owenzile izulu nomhlaba.
Currently Selected:
AmaHubo 124: ZUL59
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1959, 1997. Used with permission. All rights reserved.
