Matiyut Matiyut Wone
Matiyut Wone
Mbuku Matiyut yi, eebe mbanak pekkaga'lek logonet, aa'nduk pekkoorak nogo yi o.
“Ninowe Yetut nen ninagap ndaruwak nduk Ala nappi woraagin o,” yinuk, yereegerak it aap Ala yorage kagak yoraga nen yereegwaarak liiru mbanak nogo ti, wone Obeelom Wone mbuku Matiyut liiru mbanak yi paga a'me lik yereegerak.
At Yetut nogo, it aakumi Yakuri mendek inenggela'me nege nagagerak nogo ti, at aap Yakuri mendek aret nda'nage nagagerik, eerit nege nagagerak kwe, wone Obeelom Wone ti, it Yakuri mendek mban inake lek nit aakumi o nggween paga wonogwe abok ninake aret eerit nege nagagerak. At Yetut nda'nage, yiime wangge, karume nanuk wonage me Ibilit nen abut mbangge, ti'nuk, o Nggalileya nanuk Ala awoore'nggam eeriyak wone yorage, wone mamunirage, aakumi andi wonogwe iinok obeelom eeginake, eeke nagagerak nogo abok aret mbininogo mbuku Matiyut yi paga liiru mbanak wonage.
Ti eeppunuk, Yetut o Nggalileya nen o Yerutalem wage me, pigogo wakwi, ndoome mambugwi, eenik a'nuk mbogut paga lagangge, eeriyak nogo, “Panggoni woraagin o,” yinuk, yereegerak nogo abok aret mbininogo liiru mbanak wonage.
At Matiyut nen mbuku yi, liiru mbangge logonet, “Yetut ti, nit mamunniraga mondok tiyanak aret logonet, Nogoba Ala endagembogut aret o, yinuk, endage tiyappege,” at ogoba Ala nen, “Yogop ee'nu ndogop ee'nu,” yoge alom nogo liirogon kin paga paganogo yorage, eeke nagagerak nogo liiru mbanak wonage.
Wone ti, yorage nagagerak nogo, alom 5 kuli liiru mbanak wonage.
1) Ambi pasal 5-7 paga mbanak wonage ti, at Yetut puut paga nen wone mbangge logonet, it Ala apuri inobaabut inom, Ala apuri nggween paga logonet eerit nogo logorak mbareegerak inom, liiru mbanak wonage.
2) Ambi pasal 10 paga liiru mbanak wonage nogo ti, at Yetut awuri 12 nogo, eeko logorak ineyabu unde eeppiinok, liirogon eeko logowak nduk mamuninabeegerak wone nogo mbanak wonage.
3) Pasal 13 paga mbanak wonage ti, it aakumi inobaabut eekwi pegiigak, at ogoba endagembogut logonet eeke menggerak wone nogo, yi mendek ndi mendek paga eegu laarogo yorage nagagerak wone liiru mbanak wonage.
4) Pasal 18 paga liiru mbanak wonage ti, Yetut oone waganggwi mendek maluk eekwi iyo, liirogon tum wako logonet, yorogo logowak nduk yoragagerak wone nogo, liiru mbanak wonage.
5) Ndi, pasal 24-25 paga mbanak wonage ti, o age yobok panggoni wage kagak ariyak inom, at Yetut peebi wage logonet, eeriyak inom, wone nogo liiru mbanak wonage ti aret.
Currently Selected:
Matiyut Matiyut Wone: LAIDNW
Highlight
Share
Copy
Want to have your highlights saved across all your devices? Sign up or sign in