Lukas 3
3
Yohanes nen ima wusa ĘĽbiyasi lagike wene
(Matius 3:1-12; Markus 1:1-8; Yohanes 1:19-28)
1Ap endaganggok Kaisar Tiberius eti akoni Roma mende taĘĽbokogonat at inggi paga pagisek 15 tahun werek nggorlek eti kurliat, ap Pontius Pilatus eti o propinsi Yudea ebe gubernur welagike. Nen, ap Herodes eti ebe nggok dogolik, o Galilea agum etoma pagisek welagike. Nen, ap nggok Herodes agot Filipus eti ebe nggok dogolik, o Ituria etoma inom, o Trakhonitis etoma inom, pagisek welagike. Nen, ap Lisanias eti ebe nggok dogolik, o Abilene etomaat pagisek welagike. 2Ineugi nggokndek pemerintah inake it eta werek nggorlek, Allah ake, ap Hanas Kayafas imbisak Allah indewerek mende ineugi nggok welaguka. Esigit diluk werek nggorlek, ap Zakharia aĘĽbut Yohanes etnogo o limo akoni dekma etoma werekma, Allah nen wene omanggi yogokike. 3Esigit diluk yogokikemo, at Yohanes etnogo o Yordan agum etoma ya nda noko dogolik, akoni yogisasi dogolik, men yisi lagike,
“Wene kinoba mende Allah nen sagalogo deget duwagaluk, kit weyak kagarigogi mende eti togot diyalok, kinobabut kwalatni. Kinobabut kwalasumo, an nen ima wusa ʼbinagasi dogogin o,” yiluk, yogisilik noko lagike. 4Esigit diluk yogisilik noko lagike eti ap Yesaya, Allah wene yogisasi lagike mende etnogo nen yisi dogolik,
“Ap omanggi o limo akoni dekma etoma ane naik yisi dogolik,
Iya. Ninewe Endaganggok wisiginmongge kolak panorogo yakik,
nggorlo mende motogo yakik, yako dogoni o, yiluk waisiligogo.
5Kutla kalok ndak-ndagat digik, ndom kalok, Unggulenggen kalok, ndamelogo ndak-ndagat digik, kolak nggorlo-nggarlo werek kalok, moret digik, kut arlo kalok, enago ĘĽbigik, kagako dogoni o.
6Esigit diluk kagako kalok, Allah nen akoni ndil ninabigin mende omanggi laʼbi wagonem kinilenggen kugun o,” (Yes. 40:3-5)
yiluk, Yesaya nen kolal mbalogo ĘĽbisike ndak-ndagat, at Yohanes nen esigit diluk yogisilik noko lagike.
7Esigit diluk yogisilik noko lagikemo, it akoni yomenogo mondok dogalegat ima wusa ĘĽbinanuwagaluk Yohanes oba nandorli wago laguka mende men yogisasi lagike,
“Kit warlo mbelal nen endago mende yoma rani! Kit, Allah akla agaga ambik dagigin etnogo kinoba ʼbisinem lo erlok lugun yiluk, ta nen kusumbi yokiseke. Erlok dek o. 8Eti paga, kinakla ebet diluk, weyak kagarigogi mende togot diyalok kinobabut eberogonat kwalaga yiluk enggagat asuwak nen motogo kagako dogoni o. Nen, kinakla nen,
Abraham eti nit ninombae yiluk ambagup o. At Allah nen Abraham aʼburi negen kagat lasuwagaluk nggit yi mende erlok kagasusagat o, yiluk yokisigi o. 9O erlo dombok enggen pano mende yikidek kalok, mukogo kindumo laʼbiyagaluk andugun o omanggen oba mbakmbaksek mondok werek o,” yiluk yogisasike. 10Esigit diluk yogisasikemo, it akoni dogalegat yomenogo nen, men yogokuka,
“Eti paga, nit ninobabut ninggit diluk kagasusak?” yiluk yogokukama, 11at Yohanes nen, men yogisasike,
“Ap ta nen, iniyom ombo paga mende mberendek werek kalok, at omanggi iyom dek mende agake wogosusak o. Nen, kinambiri werek kalok, esigit dilugat yamagiyausak o,” yiluk yogisasike. 12Esigit diluk yogisasikemo nen, it ap pemerintah inake uang nggino yiluk waganigogo mende Yohanes oba wagukasik, men yisuka,
“Nit, ima wusa ʼbinanok nen yiluk wago, ninewe. Nit ninobabut ninggit diluk kagako dogogun,” yiluk, esigit diluk yogokukama, 13at Yohanes nen, men yisike,
“Kit nen onggo waganggo dogolik, kinakla nen nggagalogo omanggi oba dukogo waganggidek,
Yigit diluk waganggo dogono, yiluk yokisega mende etiat motogo waganggo dogono,” yiluk yogisasike. 14Esigit diluk yogisasikemo, it ap tentara wagukasik nen, men yogokuka,
“Nit nen, ninobabut ninggit diluk kagako dogogun,” yogokukama, at Yohanes nen,
“Akoni inamende wokisawagaluk kinane obatnerogo yogisigik, kinenggalat wene inoba ʼbiluk inauang korligik, kagasusak mondok dek o. At te, yabu kagako lagap ndak-ndagat, onggo gaji wokisiligogi eti.
Erlok woknisega, yiluk kinendainggen sebekogonat waganggo dogono o,” yiluk yogisasike. 15Esigit diluk yogisasikemo, it akoni yomenogo nen inakla ebeko dogolik,
“Allah nen ap omanggi ndil ninabuwagaluk mendiluk laʼbi wisigin yiluk, anggorlem welago etnogo, at Yohanes yiat a?” yiluk inakla ambasi werekma, 16at Yohanes nen men yogisasike,
“An nebe elege nobatne dek mende nen, we, imaat wusa ʼbinagaligogo o. Mende, at omanggi nggok obatneyak mende yabunggane wisigin o. At ebe witluk, at nen ima wusa ʼbinagu kak, Allah Agurengge inom, kindu inom, kinoba wusa ʼbinagi wisigin o. Ap ebe nggok obatneyak eti paga, at iyok agut kerle warek mende, an nebe elege mende nen piyalusak erlok dek o. 17Gandum enggen abubulengge pulusak pasik, san oba pupogo laʼbigin mende, at indewerek mende inggimo werek o. Nggarelusak oba ndak-ndak asi ago kalok, pano mende kalok, nggarelogo ʼbiligogoma panoma ʼbigik, abubulengge kalok, nggarelogo kindu nagulasusak dekma etnogo paga laʼbiyigik, kagasigin o,” yiluk yogisasike. 18Pano wene etnogo akoni dogalegat yogisasi dogolik, inasuk esigit diluk warik noko lagike. 19Inasuk esigit diluk warik noko dogolik, at endaganggok Herodes eti nen agot age kwe endaga Herodias eti inggi abusak waganggik, yi weyak ndi weyak dogalegat kagakik, kagarik noko lagike mende pasik, at inomat asuk wakikemo, 20at Herodes etnogo weyak kagarik wago lagikesik, yabunggane oba dukogo, Yohanes ebe inggi kerle warogo nen, o akoni ininggi kerle warogo ʼbiyiligogoma nggola ʼbisike.
Yesus ima wusa ĘĽbisike wene
(Matius 3:13-17; Markus 1:9-11)
21At Yohanes nen akoni taĘĽbokogonat ima wusaginako dogolik, at Yesus ima wusa ĘĽbisikeat. Ima wusa ĘĽbisikemo, at Yesus ebe nen sembayan yisi nggorlek, mbogot ngagukogo 22Allah Agurengge sewe merpati yogik negen putluk oba duk yi wusa wagike. Esigit diluk kagakikemo, mbogot oba nen ane men yisike,
“Naʼbut nendainggen kunik o! Noba kondok yeke o,” yiluk yisike.
Yesus akombalak endak larik waguka wene
(Matius 1:1-17)
23At Yesus ebe umur 30 tahun agikesik nen, yi mende ndi mende kagarik noko dogigiluk inggi arat pakasike. Nen, at ebe it akoni nen,
Yusuf aĘĽbut yiluk ambasuka.
Nen, Yusuf eti Eli aĘĽbut.
24Nen, Eli eti Matat aĘĽbut.
Matat eti Lewe aĘĽbut.
Nen, Lewi eti Malkhi aĘĽbut.
Malkhi eti Yanai aĘĽbut.
Yanai eti Yusuf aĘĽbut.
25Yusuf eti Matica aĘĽbut.
Matica eti Amos aĘĽbut.
Amos eti Nahum aĘĽbut.
Nahum eti Hesli aĘĽbut.
Hesli eti Nagai aĘĽbut.
26Nagai eti Maat aĘĽbut.
Maat eti Matica aĘĽbut.
Matica eti Simei aĘĽbut.
Simei eti Yosekh aĘĽbut.
Yosekh eti Yoda aĘĽbut.
27Yoda eti Yohanan aĘĽbut.
Yohanan eti Resa aĘĽbut.
Resa eti Zerubabel aĘĽbut.
Zerubabel eti Sealtiel aĘĽbut.
Sealtiel eti Neri aĘĽbut.
28Neri eti Malkhi aĘĽbut.
Malkhi eti Adi aĘĽbut.
Adi eti Kosam aĘĽbut.
Kosam eti Elmadam aĘĽbut.
Elmadam eti Er aĘĽbut.
29Er eti Yesua aĘĽbut.
Yesua eti Eliezer aĘĽbut.
Eliezer eti Yorim aĘĽbut.
Yorim eti Matat aĘĽbut.
Matat eti Lewi aĘĽbut.
30Lewi eti Simeon aĘĽbut.
Simeon eti Yehuda aĘĽbut.
Yehuda eti Yusuf aĘĽbut.
Yusuf eti Yonam aĘĽbut.
Yonam eti Elyakim aĘĽbut.
Elyakim eti Melea aĘĽbut.
31Melea eti Mina aĘĽbut.
Mina eti Matata aĘĽbut.
Matata eti Natan aĘĽbut.
32Natan eti Daud aĘĽbut.
Daud eti Isai aĘĽbut.
Isai eti Obed aĘĽbut.
Obed eti Boas aĘĽbut.
Boas eti Salmon aĘĽbut.
Salmon eti Nahason aĘĽbut.
33Nahason eti Aminadab aĘĽbut.
Aminadab eti Admin aĘĽbut.
Admin eti Arni aĘĽbut.
Arni eti Hezron aĘĽbut.
Hezron eti Peres aĘĽbut.
34Peres eti Yehuda aĘĽbut.
Yehuda eti Yakub aĘĽbut.
Yakub eti Ishak aĘĽbut.
Ishak eti Abraham aĘĽbut.
Abraham eti Terah aĘĽbut.
Terah eti Nahor aĘĽbut.
35Nahor eti Serug aĘĽbut.
Serug eti Rehu aĘĽbut.
Rehu eti Peleg aĘĽbut.
Peleg eti Eber aĘĽbut.
Eber eti Salmon aĘĽbut.
36Salmon eti Kenan aĘĽbut.
Kenan eti Arpakhsad aĘĽbut.
Arpakhsad eti Sem aĘĽbut.
Sem eti Nuh aĘĽbut.
Nuh eti Lamekh aĘĽbut.
37Lamekh eti Metusalah aĘĽbut.
Metusalah eti Henokh aĘĽbut.
Henokh eti Yared aĘĽbut.
Yared eti Mahalaleel aĘĽbut.
Mahalaleel eti Kenan aĘĽbut.
38Kenan eti Enos aĘĽbut.
Enos eti Set aĘĽbut.
Set eti Adam aĘĽbut.
Adam eti Allah aĘĽbut.
Currently Selected:
Lukas 3: DNA
Highlight
Share
Copy
Want to have your highlights saved across all your devices? Sign up or sign in
