Yohanes 5
5
Yesus nen, ap omanggi oba u mende i Betesda yenggelekma u pano kagakike wene
1Esigit diluk kagatluk nen, it Yahudi mende pesta omanggi kagako laguka mende kagakonem Yesus yabunggane o Yerusalem wusasike. 2O Yerusalem etoma, leget ĘĽbak leget ambe mbalekma omanggi endaga Domba Asukande yiligogoma korok-korok etoma i yenggelek it Ibrani mende inane paga endaga Betesda yiligogi mende ineramen kulelogo ĘĽbisukama welagike. I yenggelek eti aik obangge etoma dagak-dagak, orliya 5 paga pano palek werekma, 3-4akoni dogalegat inoba u warek mende inom, inilenggen mbuk mende inom, iniyok ut warek mende inom, ininggi-iniyok aborlok dek mende inom, etoma windinda dogolik, [i yenggelek etnogo kibitngge-yogongge aborlok yisinem anggorlem welaguka. Esigit diluk anggorlem werekma, malaikat Allah nen yonggo wusa ĘĽbiya wirigogo mende omanggi wagikesik i etnogo aborlogot kasinem, it akoni inoba u warek mende yomenogo omanggi ndak alebagik i yenggelekma etoma wusasi kalok, yi u ndi u inoba anggin mende te mende taĘĽbokogonat dek ago laguka eti paga, anggorlem welaguka.] 5Esigit diluk anggorlem welaguka mende ap omanggi oba u warek werek nggorlek 38 tahun kagat lagike mende inom etoma windik werekma, 6Yesus ilenggen kasikesik nen,
“Ap yi paganeat nen yigit diluk welagikemo kigi,” yiluk ilenggen enggagat kasikesik, men yogokike,
“Nombae. Kat pano kagat kabusak warlok a? Kaʼit a,” yiluk yogokikemo, 7ap etnogo nen men yogokike,
“Nagot o. I yenggelek aborlok yisinem, an nebe kambokogo ima nggola ʼbanusak mende, an nagoromi yoma dek nogo nen, nabusagen erogat wusagaluk walkasi nggorlek, it amberek ndak alebagik wusiligogi o,” yiluk yogokikemo, 8at Yesus nen, men yogokike,
“Nombae. Kebe melatluk nen, karlit sabul ndalek mende eti korlalok lan o,” 9yiluk, yogoko nggorlek eranogoat ap etnogo oba u dek agikesik nen, dit ndalek mende etnogo yunggulogo korlalok lagike.
At Yesus nen ap u pano kagakike eti it akoni Yahudi mende ininggi 7 paga hari Sabat Allah ake werlegat dogoligogi etnogo paga kagakike. 10Esigit diluk werlegat werek nggorlek kagakikemo lagonem, it ap nggokndek Yahudi mende nen inilenggen kasukasik nen, ap u nggerat dek agike mende etnogo men yogokuka,
“Dak yi. O yogondak nen, nininggi 7 paga hari Sabat nit Allah ake werlegat dogolik, kat karlit engga wolok lausak dek mende wolok liligogon,” yiluk yogokukama, 11at ap etnogo nen, men yogisasike,
“Dek o. An ap u kagat nake mende eti nen,
Karlit engga korlalok lan, yiluk yoknekemo nen korlalok liligogo o,” yiluk yogisasikemo, 12it nen kinok waganggo dogolik,
“Ap ta nen,
Karlit engga ndalek korlalok lan, yiluk yokeke,” yiluk oba kinok wagangguka mende, 13at Yesus akoni inebe dogalegat welaguka yomenogo inakla nalagikemo, at ap oba u pano kagakike mende etnogo nen,
“Ta nen kagat nakesik yokneke salek,” obake mbalagikesik welagike.
14Esigit diluk kagakukasikmo nen, yabunggane at Yesus ap etnogo imbisak Allah ago palekma abuk agukasik nen, men yogokike,
“Nombae. Yogondak kat koba u arat dek aga eti yabunggane weyak nggok mende omanggi koba asunogo, weyak mende omanggi kagakup o,” yiluk yogokike. 15Esigit diluk yogokikemo, at ap etnogo it ap nggokndek Yahudi mende inoba lagikesik nen, men yogisasike,
“Ap an u kagat nake yigi etnogo, Yesus nenat kagat nakemo o,” yiluk yogisasike. 16Esigit diluk yogisasikemo, it akoni Yahudi mende Allah ake ininggi 7 paga hari Sabat werlegat werek nggorlek, Yesus nen ap etnogo u pano kagakike eti paga, at Yesus ebe weyagat duwogoluk kagakuka.
17Esigit diluk kagakuka mende, at Yesus nen wene men yogisasike,
“An nombae inggi omanggi puk agidek, o yogondak yi inomat kagarinako mondok dogoligogo kak, an esigit dilugat kagarinako werek o,” yiluk yogisasikemo, 18it ap nggokndek Yahudi mende yomenogo nen ininggi 7 paga Hari Sabat Allah ake werlegat dogolik, Yesus nen u pano kagasusak dek mende kagakike eti paga ebe wasuwogoluk yisuka ʼbuk. At nen,
“An nebe Allah ninom ndak-ndak,” yu kak,
“An nombae ebe Allah at o,” yiluk yisike eti paga, ebe wasuwogoluk inendainggen obatne ambik abok mbalko laguka.
At Allah nen, yi mende ndi mende aĘĽbut Yesus indewerek dogowagaluk inggimo ĘĽbisike wene
19Esigit diluk abok mbalko lagukama, at Yesus nen, ap yomenogo wene yigit diluk yogisasike,
“Yi mende ndi mende an nombae nen kagakonem nilenggen kigidek, an nakla nen nggagalogo kagasusak erlok dek eti paga, an nombae kagarigogi mende ndak-ndagat kagako lagi o, yiluk eberogonat yokisigi o. 20An nombae nen, aʼbut an endainggen kunik mondok dogolik, at ebe nenat yi mende ndi mende kagarigogo mende taʼbokogonat yanggul nokonem yogondak ya kagakonem kinilenggen niyegep eti, ʼbugurlagat negen mende, yabunggane kit nen pogorasuwagaluk yanggul nokonem nggok mende kagakonem kit kinilenggen niyagun mende weregat o. 21Nen, an nombae nen akoni warek mende inilugurinabigogo eti kak, aʼbut an nen esigit dilugat inilugurinabigin, yiluk nakla ambaligogo mende inebe dombok inilugurinabigogo. 22-23Akoni taʼbokogonat nen an nombae pogorarigogi eti kak, an aʼbut esigit dilugat pogot nako dogowagaluk, at nen akoni owak mbalogo wene inoba ʼbigik, nggokik kagarigogo dek o. Aʼbut an nenat, akoni inowak mbalogo wene inoba ʼbigik, nggokik kagasuwagaluk ninggi paga ʼbisike o. Eti paga, it akoni amberek nen an pogot nabigogi dek kalok, an nombae laʼbani wagike mende eti pogorarigogi degat o,” yiluk yogisasikesik wene yabunggane omanggi men yogisasike,
24“It akoni ta nen, an nane waganggo dogolik, inendainggen an laʼbani wagike mende etnogo oba panggot dugun kalok, akoni watlatluk liligogi erlo togot diyalok iniluk mondok dogogun mende erlo paga arat wagakasik werek o. Iniluk mondok dogogun mende indewerek agakasik werek eti paga, yabunggane wene inoba ʼbigin dek o, yiluk eberogonat yokisigi. 25Nen, akoni warek mende nen, an Allah aʼbut nane inasuk kolugun oba awan werek mende, arat wagasik werek o. It nane inasuk kolugun mende kalok, iniluk atluk iniluk mondok dogogun o, yiluk, eberogonat yokisigi o. 26Iniluk mondok dogoligogi mende erlo an nombae enggaerek inde werek eti kak, aʼbut an ninggi paga ʼbanggikemo indewerek werek o. 27An nebe abat endak lasi wagagi eti paga, akoni owak mbalogo wene inoba ʼbigik, nggokik, kagasuwagaluk, nombae nen anat ninggi paga ʼbanggike o. 28-29Nen, yabunggane akoni taʼbokogonat inowak obangge dombok nen, an nane inasuk kol diluk, inaluk asugun kurli etinem werek o. It akoni nen inobabut pano kagako laguka mende kalok, iniluk mondok dogowagaluk mendiyigik, nen, it amberek inobabut weyak kagako laguka mende kalok, wene inoba ʼbigiluk mendiyigik, kagasigin yiluk yokisigi eti paga, kinakla nen,
Wene eti nanyuk a, yiluk, ebekup o,” yiluk yogisasike.
30Esigit diluk yogisasikesik nen, wene omanggi men yogisasike,
“An narligat nakla nen nggagalogo yi mende ndi mende kagasusak erlok dek eti paga, an nen nakla ambalok kagarigogo dek o. At an laʼbani wagike mende akla ambaligogo mende kagasigiluk kagarigogo eti paga, nombae ane mutlugat, akoni owak mbalogo wene inoba ʼbigik, nggokik, kagarigogo eti motogonat kagarigogo o,” yiluk yogisasike.
At Yesus abok mbilelogo yogisiligogi wene
31Esigit diluk yogisasikesik nen, omanggi yogisasi dogolik,
“An nebe didanuwagaluk nenggaerek nabok mbilelogo yokisalepma, eberogonat yiluk kinakla ambalep dek o. 32Esigit diluk mende, an nebe didanuwagaluk, at omanggi nen nabok mbilelogo yokisiligogo eti eberogonat yokisiligogo yiluk, an nilu o. 33Nen, kit nen, Yohanes oba an pasik kinok waganuwagaluk kinagoromi laʼbiyasigipmo at nen, ebe wene pasik nabok ʼbukakogo yokisasike ambigi. 34An nebe didanuwagaluk akoni nen nabok mbilelogo yogisiligogi eti warlok nen yokisiligogo ʼbuk. Allah nen kit ndil kinabuwagaluk yokisaligogo o. 35At Yohanes eti ebe, isagal yibarlogo ʼbisinem yarigogo kak werekma, kit nen,
Isagal yibarlek ninoba ĘĽbisi dogowak yiluk, elalma pasigat kinakla arlenggen kasi lagagip eti, 36an nebe didanuwagaluk, at nen nabok mbilelogo yokisasi lagike mende, erlok dek negen. At te, an nombae nen,
Neyabu ando ĘĽbigidek taĘĽbokogo kagatno, yiluk, nayonggo ĘĽbisikemo kagarigogo eti paga, akoni nen,
At ebe ombae nen laĘĽbi wagikemo, yiluk nabok yisinem inasuk kol diluk nebe didanu kagat, didanusak o. 37An nebe didanuwagaluk, nombae nen laĘĽbani wagike mende eti paga, nabok ĘĽbukakogonat yokisasike mende, kit nen nombae ane kinasuk kolkidegat, elokonggen kinilenggen kigi degat dogolik, 38at nen nayonggo ĘĽbiluk laĘĽbani wagike mende, kinendainggen noba panggot diligogi dek eti paga, at ane kinakla werek mondok dek o. 39Kit nen ambasi dogolik,
Niniluk mondok dogogun, Allah wene kolal mbalek pago werek yi pagaat dogogun o, yiluk, kolal mbalek eti panorogo ĘĽbikiligogi mende, kolal mbalek eti an nebe didanuwagaluk kolal mbalkukama werek nggorlegat, 40kinebe kinilugut dinaguwagaluk an noba wisusak, kinaĘĽit o.
41Esigit diluk kagarigogi mende, an nen, akoni nen pogot nabuwagaluk kagarigogo dek o. 42Kit, Allah kinendainggen kunik dogoligogi mondok dek eti an kinaren nilu o. 43An nombae nen laĘĽbani wagikemo wagagi mende, kit nen an nebe woknabigogi dek o. Esigit diluk mende, at omanggi enggaerek akla ambalok nen wago kalok, ebe waganugun kinobabut kiyiligogo o. 44Allah arligat ikok mondok dogoligogo eti paga pogot kinabuwagaluk kagakidek dogolik, kit-kirat kat omanggi nen pogorakik, kat omanggi nen pogorakik, pogorakaligogi eti paga, kinendainggen an noba ninggit diluk panggot dusak ambegep? Erlok dek o. 45Mende, an nen Allah il oba wene kinoba ĘĽbigin yiluk kinakla ambagup o. At Musa ane eti paga panot ninabigin yiluk kinakla arlenggen kiligogi mende, at Musa nenat, wene kinoba ĘĽbigin o. 46An naren kinilu asuwagaluk, at Musa nen kolal mbalogo ĘĽbisike eti paga, at nen kolal mbalkike mende eti eberogonat yiluk didisi dogolepma,
Yesus eberogonat, yiluk didanilebat o. 47Mende, wene Musa nen kolal mbalogo ʼbisike mende eti kit nen eberogonat yiluk didigidek dogolik, an nane eti ninggi diluk didiluk eberogonat yiluk ambagun. Erlok dek o,” yiluk yogisasike.
Currently Selected:
Yohanes 5: DNA
Highlight
Share
Copy
Want to have your highlights saved across all your devices? Sign up or sign in
