Cantares 6
6
Coro
1¿Angkat kiwadah, dalani talaman muihni kidika,
nuhni yaksihn yayalni balna paskau, nuhni yaksihn kidika?
¿Angdika niningyakauh kiuna yah?
¡Man karak kalpakdi mawi waldarang!
Yal
2Dalani talayang alni kidika dinipulu dahna pāni yakat kiuna,
dinipulu dahna pāni walapni,
tingnilau balna maintalwi
dawak dipulu daknin bik.
3Yang laih dalani talayang muihni kidika dini yang,
dawak witing laih yang diki.
Witing laih tingnilau balna maintalwi dipulu pasyakat.#Cnt 2:16.
Unbauna singka
Al
4Man dalani matayang muihniman kidika,
man laih nuhni yaksihnman dawak mamiklataman,
Tirsa#1 Re 15:21. dawak Jerusalén tawanni nunuhni kapatman;
sip niningkauh yaklauwas, kalbauyang balna lapakwi uiwa bangkapat.
5¡Yatalaman kidika datah
mamakpa kidika mikit bayakna!
Basma balna kidika, kuts binina kapatki
Galaad asangni kau susutwa kapat.
6Anama balna kidika bitik yayamni manahki,
sīp binina wisam palni was sīwi yakmukna kapatki
mahka butunina daknin kat.#Cnt 4:1-2.
7Muhni kinimak kidika pan minik yamni lalahna kapat ki,
tunama muktaman dinit yakat yakmamaldi.
8King yayal balna kidika laih 60 ki,
dawak ialni balna kidika laih 80 ki,
dawak sirarau ūk balna laih mahni palni ki,
9kaunah yang buhkituku al kalpakwas kidika laih aslah ki;
walanibis yal dalani talwa kidika laih aslah ki
kidika yalni walanibis yakna kidika.
Sirarau balna kidika talwi, witing yakat alasnina yayakwi;
king yalnina balna dawak ialnina kidika balna bik ayangni dulalauwi.
Coro
10¿Waisyah duhng kalahwi talwa kidika
sihm mapiris ma yaringni kilwa kapat?
Kidika laih nuhni yaksihn ki waiku kapat,
yaringni ki ma kapat,
¡sip niningkauh malawas ki, sihm kalbauyang balna mahni lapakwi uiwa kapat!
Yal
11Nogal panani manah asangnipas yakat yawanayang
talna atnik was bin sangni murwa kidika yakat;
wain balna sahwa kidika talkih yana dai
dawak granado panan kidika puluni balna bik.
12Kidika usnit kat amanglatas danayang dai ais kalahnapa
amanglanayang kar as pasyakat rauyangna dai king walanibis dalani talayang kidika karak.#6.12 King walanibis dalani talayang kidika: kaput wirlana kidika yamni kapat ki. Hibru kau laih amangladaski.
Coro
13 # S.b. 6:13—7:13 kidika balna laih libitna ki S.b. 7:1-14 hibru kau ulna yakat.¡Nawatta aiwah, Sulamita, nawatta aiwah!
¡Nawatta aiwah, matalkih mayawi!
Yal
¿Ais kidika talkih manawih Sulamita yakat?
Coro
¡Ubunin as, ū lababanni kau ububuwa kapat!
Currently Selected:
Cantares 6: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
