Isaías 8
8
Isaías walanibis as ayangni pakna dai kidika
1Dawan yaklauwi yayulna: “Tat nuhni as dudata kidika yakat ulta: ‘Maher-salal-hasbaz.’#8.1 Hibru kau Maher-salal-hasbaz, tanka laih sirihni palni di mamalwarang ki, dawak bahwi daukakalwarang ki. 2Usnit kat sumalyang nuhni Urías#2 Re 16:10-16. dawakat Zacarías, Jeberequías walanibis kidika witmanis dutah.”
3Usnit kat yang yalki prapit yakarak payahtining kat muih karuk dana, bahang muihbin al as duna. Kaput laih Dawan yaklauwi yayulna: “Ayangni pakta aput Maher-salal-hasbaz. 4Muih bin kidika, papang, nanang yulwas tanit kauh, Damasco dawak Samaria kidika yakat kawi dinina mamalna karang dawakat bitik laih Asiria kingni yakat duwi uina karang, dini balna kidik.” 5Watwi Dawan yang akat yayulna:
6“Rezín dawak Remalías#Is 7:1. walanibis yakat,
yamaduduwa bahang#8.6 Yamaduduwa bahang: kaput ulna kidika yamni kapat ki, Hibru kau laih alasna karak. Siloé wasni lung murwa kidika dauh kukulwi,
7Dawan yaklauwi kalawak wasni kidika pauna karang
dauwak parasni kalna karang sihm Éufrates wasni kapat
(yuldarang kat, Asiria kingni kidika parasni bitik).
Bahang banghilwa kat murwa tani kaupak kalahwarang,
8Judá sauni kat kiuna karang was kidika banghilwi
kaput bik dinimak kat kilna karang.
Sihm uhubin as lawani dulauna kapat karang,
dawakat mukna karang, Emanuel, man sauma kidika bitik.”
9Kaluduhtanauh,#8.9 Kaluduhtanauh: kaput wirlana kidika yamni kapat ki. Satuk wirlana kidika grik kau: Dakanauh. Hibru kau laih yulwi Muih dudutni awanauh. muih bitik, kawak yamadutanauh;
adika dakanauh, panaikau mana kidika:
kalbaunin dini laihtanama bik yamadutanama;
agha, kalbaunin dini laihtanama bik muihsak-dautanama.
10Di yamdangti kultanama bik dauh kalna karang;
kat Dawan kidika yangna karak bahang.
Dawan yakat ki yamadunin kidika
11Dawan yaklauwi tingki yak parasni laihwi yayulna kidika muihni balna tanina yakat yawinik awas. Yayulna: 12“Kalpakwi dutni yamnin atwa kidika manna bik kaput yuyulwinih. Muihsak-dadauwinih dawak bik yama duduwinih, witingna yamaduduwa kapat. 13Dawan parasni nuhni duwa kidika yakat holi kaldunin ki;#1 Pi 3:14-15. witing yakat ki yamanidunin kidika; witing muhni yakat malawa kidika yakat yamadunin ki. 14Papang kidika laihnin dini malni kau awa kidika kapat karangki manna namangna yakat;#8.14 laihnin dini malni kau awa kidika: kidika hibru yulni kau laih, pa as holi. kipala karangki manna kalmana bauta buktanama kidika, bahang kidika yaklauwi yamwakat Israel kingni lani bu kidika bubukwarang; laihnin dini malni kau awa as kapat karang, kidika yakat Jerusalén muihni balna bubukwarang. 15Muih manas kalnina babauwarang dawak bubukwarang#1 Pi 2:8. dawak dadauwarang; manas palni laihnin dini malni kau awa yakat bubukwarang bahang yakat laih wawatna karang.”
Isaías witing usnit uiyang balna yakat isningna pakna
16Adika yulni balna yamni apaktanauh;
muih amanglanin-awas malta dutanauh, yulni balna sumaltayang adika.
17Dawan kidika Jacob tawanni muihni balna muhnina kaupak yakmalda kaunah,
yang witing yakat kulnik atik dutayang.#Hib 2:13.
Witing yakat kulnin kidika rahm kalkultayang.
18Yang dawakat walakibis balna Dawan#Hib 2:13. yaklauwi yana kidika,
yangna laih sain as yangna Israel nining yakat,
Dawan parasni nuhni duwa kidika yaklauwi āna,
witing Sayan asangnikau yalahwa kidika.
19Muih balna kidika rahm manayuyulwarang ki:
“Muih dadauna balna spiritnina yakat yulta dakanauh
dawakat sukiah balna yakat bik.
¿Muih balna kidika witingna daninawan yakat yuwi dakanin sipawas katpah,
dawak dadauna balna yakat yulwi dakana atnin sangka balna yulnina
20dawak witingna maiyulna atnin?”
Rahm laih kaput yuyulwarang ki,
kaunah yuyulwa kidika laih dauh manah karang ki.#8.20 Kauna yuyulwa...karang ki: kaput ulna kidika yamni ki. Hibru kau laih yulwi kidika balna niningna yakat laih payahlana diski.
21Muih balna kidika pa as kaupak pa ūk yakat uina karang,
yuh dawak ditaihna lani kidika karang,
dawak yuhdadauwa kidika yulni kulninna daukakalwarang.
Kingnina, dawak daninawan yakat bik dutni diyuyulwarang.
Dawak muhnina kidika mayakauh tatalwarang
22dawak usnit kat sauyakat talwarang,
kaunah di as bik yayakwas karang,
minikunni lani, puksani manah dawak kaidinin manah karang.
Di bitik kidika puksani manah karang.
# S.b. 9:1-21 kidika laih libitna ki 8:23-9:20 kidika karak hibru kau ulna yakat.Dawak taihna muihni kidika laih sip kiri yaklawas karang.#8.22 Dawak taihna...karang: aput satuk wirlanin sipki: Baisa puksani dis karang, dalani wauhwa muihni kidika.
Currently Selected:
Isaías 8: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
