Génesis 5
5
Adam sulani balna
(1 Cr 1:1-4)
1Adika yaka Adam sulani balna kidika, dawak Papang muih yamna, witing kidika yamna witing kaput. 2Papang witingna kidika yamna al dawak yal kidika bik,#Mt 19:4; Mk 10:6. dawak witingna yak yamni di yamna,#Gn 1:27-28. kidika mani yak witingna kidika pakna ‘ahal’.
3Adam kurih 130 laihna kat walanbis al as duna, dawak ayangni pakna Set, dawak witing kapat dai bitik yak. 4Adika usnit yak, Adam laih kurih 800 sangka dai, dawak walanbis balna ūk ahal, yayal bik duna dai. 5Kaput laih Adam kurih 930 sangka dai, dawak kaput witing dauna.
6Set kurih 105 duwa kat walanbis al as Enós batahnna dai. 7Adika usnit, Set kurih 807 baisa laihna dai, dawak walanbis balna ūk ahal, yayal duwa dai. 8Aput laih Set kurihni bitik 912 duwa dai, kaput adika kurihni yak dauna.
9Enós kurih 90 duwa kat walanbis al Cainán kidika batahnna. 10Adika usnit yak, Enós baisa kurih 815 sangka duwa dai, dawak walanbis ahal yayal ūk bik duna dai; 11kaput laih kurihni bitik kat 905 sangka dai, dawak kaput kurih witing dauna.
12Cainán kurih 70 dai yakat walanbis al Mahalaleel batahnna. 13Adika usnit yak, Cainán baisa kurih 840 laihna dai, dawak walanbis ahal yayal ūk bik duna; 14kaput witing kurihni bitik kat 910 yalahna dai, kidika kurihni yak dauna.
15Mahalaleel kurihni 65 duwa kat Jared kidika batahnna. 16Adika usnit, Mahalaleel baisa kurih 830 dawa kat walanbis balna ahal ūk, dawak yayal bik duna dai; 17kaput witing kurih bitik 895 yak witing dauna.
18Jared kurih 162 duwa kat walanbis al Enoc batahnna. 19Adika usnit, Jared baisa kurih 800 sangka dai, dawak baisa walanbis balna ūk ahal yayal bik duna; 20kaput witing kurih 962 sangka dai, dawak witing kidika dauna.
21Enoc 65 duwakat walanbis al as Matusalén batahnna. 22Enoc Papang kulnin lāni kat yalahna dai, Matusalén batahnna usnit kat, Enoc baisa kurih 300 yalahna, dawak walanbis balna bik baisa duna dai ahal, yayal bik; 23kaput laih Enoc witing sangka dai kurih 365. 24Kaput Enoc sangka dai Papang kulnin lāni kat, ma as kat pini disna kat Papang duwi kiuna bahang.#Hib 11:5; Jud 14.
25Matusalén kurih 187 duwa kat walanbis la Lamec kidika batahnna. 26Adika usnit, Matusalén kurihni 782 duwa kat walanbis balna ūk ahal, yayal bik duna; 27kaput witing kurihni 969 yalahna, dawak kidika kurihni kaput laihwi dauna.
28Lamec kurih 182 duwa kat walanbis al as batahnna. 29Witing ayangni pakna Noé,#5.29 Hibru kau, Noé kidika yulni tanka laih, yakurupnin, sihm kapat paruh yulwi. kat yulna dai bahang: “Dawan kidika sau yak dutni yulna, dawak mayang di parasni yamnin ki di balna dahwi yamni yaknin yulni; kaunah adika muihnibin al mayang yak mayawak urupdarang.” 30Noé batahna usnit yak, Lamec kurih 595 duna dai, dawak baisa walanbis ahal yayal ūk bik duna dai; 31kaput Lamec kurihni balna bitik 777 sangka yalahna, dawak kidika kurihni yaka dauna.
32Noé kurihni 500 duwa dai yakat walanbis ahal balna kidika batahna Sem, Cam, Jafet.
Currently Selected:
Génesis 5: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
