Génesis 46
46
Jacob Egipto yakat
1Israel laih witing di duwa dai kidika bitik duwi ta yakat kalahwi kiuna. Beerseba yakat kiwi sakripais as yamna witing papangni Isaac Papangni yakat. 2Kidika puknita Israel yakat Papang yaklauwi yulkalbauna amana kapat kaupak, ayangni kau kalyulna, Jacob. Dawak witing biriwi nangnitlana:
—Akat sakyang.
3Dawak Papang yaklauwi kalyulna:
—Yang laih Papang yang, man papangma Papangni. Man Egipto yakat kiunin kidika yamaduwinih, kat kidika yakat man sulama balna kidika nisan nuhni yamna awaki. 4Yang man karak Egipto yakat yawaki, dawak yang lawik man sulama balna kidika Egipto kaupak yakki. Baisa minit yakat, man dauma kat José kidika man yaihmat yakat sakkarang.
5Usnit kat Jacob kidika Beerseba kaupak kalahwi kiuna. Israel walanibis balna yaklauwi witingna papangnina, walabis balna dawak yalnina balna kidika bitik Fero yaklauwi kar sihna kidika yakat ihilna duwi uina atnin. 6Jacob witing di duwa balna kidika bitik duwi kiuna Egipto yakat,#Ap.w 7:15. dawak tuniruh yayal balna, sīpni balna, Canaán yakat witing di ampus duna balna dai kidika bitik. 7Witing walanbis ahal, yayal balna kidika, mani ahal dawak yayal balna kidika bitik duwi kiuna.
8Adika kuduh Israel balna Egipto yakat uina balna kidika ayangnina; yuldarang kat Jacob witing sulani balna:
Rubén kidika laih Jacob walanibis barakni dai. 9Rubén walanbis balna: Hanoc, Falú, Hezrón, dawak Carmi.
10Simeón walanbis balna: Jemuel, Jamín, Ohad, Jaquín, Zohar dawak Saúl, bahang kidika balna laih cananeo yal as kat walanbis balna dai.
11Leví walanbis balna: Gersón, Coat dawak Merari.
12Judá walanbis balna: Er, Onán, Sela, Fares dawak Zara. (Er dawak Onán balna laih Canaán yakat dadauna dai) Dawak Fares walanbis balna laih Hezrón dawak Hamul.
13Isacar walanbis balna: Tola, Fúa, Job dawak Simrón.
14Zabulón walanbis balna: Sered, Elón dawak Jahleel.
15Adika balna kuduh Lea yaklauwi Jacob yakat walanibis balna kalana dai kidika Padan-aram yakat bangdai kidik mani balna dai kidika yakat, dawak baisa minit yakat walanibis yal Dina kidika bik kalana dai. Witing sulani balna bitik kat muih 33 dai, ahal dawak yayal bitik.
16Gad walanibis balna: Zifión, Hagui, Ezbón, Suni, Eri, Arodi dawak Areli. 17Aser walanbis balna: Imna, Isúa, Isúi, Bería dawak witingna wirahnina yal kidika bik, ayangni laih Sera. Bería walanbis balna laih: Heber dawak Malquiel. 18Adika balna laih Zilpa walanbis balna Jacob yakat kalana dai kidika. Kidika yal laih Labán dini yamyang dai kat witing walanibis Lea yakat kalana dai kidika, bahang witing sulani balna kidika bitik kat 16 dai bitik kat.
19Raquel walanbis balna, Jacob yalni dai kidika: José dawak Benjamín. 20José walanibis balna Asenat karak yakna dai kidika laih Manasés dawak Efraín, kidika balna laih Egipto yakat batahndadana dai, dawak Asenat laih Potifera walanbis yal dai, On sumalniyang.#Gn 41:50-52. 21Benjamín walanbis balna: Bela, Bequer, Asbel, Gera, Naamán, Ehi, Ros, Mupim, Hupim dawak Ard. 22Adika balna laih Raquel dawak Jacob karak walaninabis balna dai kidika, bitik kat muih 14 dai.
23Dan walanbis: laih Husim. 24Neftalí walanbis balna: Jahzeel, Guni, Gezer dawak Silem. 25Adika balna Bilha walanbis balna Jacob yakat kalana dai kidika. Witing kidika laih Labán dini yamyang dai, kaunah walanibis yal Raquel yakat kalana dai, dawak sulani balna yakna kidika laih tiaskaubu dai bitik kat.
26Jacob karak kalpakwi Egipto yakat uina muihni balna bitik kidika, dawak witing āni aslah balna kidika laih 66 dai, yalnina balna dawak walaninabis balna kidika laih banawi kulwasdai. 27José walanbis balna laih bu dai Egipto yakat batahndadana dai kidika. Kaput laih Egipto yakat Jacob sulani balna 70 uiwi kakanadai.#Ap.w 7:14.
28Jacob yaklauwi sihna dai Judá kidika tatuna, witing wirahni José yakat kiwi kalyulwak Gosén pāni yakat kiwak kalpakna atnin. Gosén yakat uiwi kakawak, 29José yaklauwi dipakna dai trukni kidika ridi yayamwak kiwi papangni talna atnin. Witing papangni muhni tani yakat kiwi yaklauwi wakaihna, dawak papangni salahni yakat nai kaidana. 30Kaput laih Israel yaklauwi José yakat kalyulna:
—Yang palni man yakat matalikda, man kidika sangka man, ¡bahang waralaih sipki daunik!
31José yaklauwi wirahni balna yakat diyulna dawak papangki sulani balna yakat bik:
—Fero yakat kaltalna yawaki, dawak yul kidika kalyulna atnik. Yang kalyulki, yang wirahki balna dawak papangki wanaihni balna Canaán yakat yalalahwadai kidika aina yang karak yalahna atnin; 32dawak duahaina sīpnina tuninaruh yayal balna bitik, witingna ais duwa dai kidika bitik duahaina, kat witing warknina laih sīp maintalnin dawak turuh satni balna kidika sasahwi. 33Kaput laih Fero yaklauwi manayulwi dakawarang manna ais warkni yamtamanah manatarang kat, 34manna kalyultanauh, manna laih sīp muhnin warkni manah yamtamana niningh, sihm muihmana bararak balna dai kapat. Kaput laih manna Gosén sauni yakat watta yalahtanama, kat Egipto muihni balna laih dutni kukulna ki sīp maintalyang balna karak yalahnin kidika.
Currently Selected:
Génesis 46: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998