RUT 4
4
Kawinna Boas sibawa Rut
1Laoni Boas ri anrong addeppungengngé ri pintu gerbanna kotaé. Tudannana kuwaro laloni tau worowané iya manuru'é Boas iyanaritu kaluwargana Elimélékh iya macawé'é. Nariyobbina ri Boas, “Saudaraku, laono mai tudang kuwaé!” Poléni iyaro tauwé, nanatudang. 2Nainappa naéra Boas seppulo tomariyolona masaraka'na kotaéro untu' tudatto massibawa kuwaro. Tudannana mennang, 3makkedani Boas lao ri tau iya massiyajingngé mupa alénaro, “Lisuni Naomi polé ri Moab. Makkekkuwangngé maéloi balu'i tana appunnangenna Elimélékh, kaluwargata. 4Nauwasengngi harusu'ko missengngi passalenna gau'éro. Rékko maéloko melliwi, powadani ri yolona sining tauwé iya tudangngé kuwaé. Rékko dé', powadani terus terang, saba banna idi sipadduwa iya mappunnaiyé ha' ri passalengngéro; iko pammulang, nappa iyya.”
Nappébali iyaro tauwé, “Ya, maéloka melliwi.”
5Namakkeda Boas, “Makessinni rékko makkuwaitu. Iyakiya, rékko muwelliwi iyaro tanaé polé ri Naomi, harusu tokko malai Rut,#muwelliwi … Rut: Manuru basa Ibrani melliwi iyaro tanaé polé ri Naomi, muwelli towi polé ri Rut. makkunrai Moab-é, jandana ana'na Naomi. Saba', iyaro tanaé harusu'i tette mancaji appunnangenna wija-wijanna tau iya matéénnaro.”
6Nappébali iyaro tauwé, “Rékko makkuwaitu, dé' usanggu. Makessinni makkekkuwangngé uleppessang ha'ku selaku tau mammulang iya waji'é melliwi tanaéro. Dé'gaga gunana uwelli saba' iyaro tanaé tentu dé' nawedding mancaji appunnangenna wija-wijakku. Lebbi kessing muwi iko melliwi.”
7Iyaro wettué rékko mabbalu'i tauwé iyaré'ga massélérengngi séuwaé appunnangenna, untu' paessai iyaro gau'é biyasanna pabbalu'é naleppessangngi sandala'na, nanabbéréyangngi lao ri pangellié. Makkuwaniro carana sining tau Israélié paessai séuwaé parakara mabbalu iyaré'ga mangelli tana.
8Rimakkuwannanaro, wettunna iyaro tauwé makkeda lao ri Boas, “Iko bawanna melliwi,” naleppessanni sandala'na nanabbéréyangngi lao ri Boas.#Manuru séddié bettuwang mariyoloé: nainappa nabbéréyang lao ri Boas; ri laleng basa Ibrani iyaro ada-adaé dé'gaga. 9Nanakkeda Boas lao ri tomariyolona masaraka'é sibawa lao risininna tau laing iya engkaé kuwaro, “Iyaé essoé iko maneng mancaji sabbi makkedaé purani uwelli polé ri Naomi sininna iya nappunnaiyé Elimélékh sibawa ana'-ana'na, iyanaritu Kilyon sibawa Mahlon. 10Ri lainnaéro uwala towi Rut, makkunrai Moab-é, jandana Mahlonro mancaji bainéku. Nanallalengiwi iyaro tanaé tette'i mancaji appunnangenna kaluwargana tau iya matéénnaro. Na wija-wijanna tette towi engka ri yelle'na sumpulolona sibawa ri kotana. Engngerangngi Saudara-saudara, iyaé essoé iko maneng mancaji sabbinna.”
11Sining tomariyolona masaraka'é sibawa tau laing iya engkaé kuwaro makkedani, “Ya, idi sabbinna. Tennapodo Puwangnge pancajiwi bainémuro pada-pada Rahél sibawa Léa iya jajiyangngé maéga ana' untu' Yakub. Tennapodo madécékko ri yelle'na sining tau polé ri appanna Efrata sibawa tennapodo kalabbako ri Bétléhém. 12Tennapodo ana'-ana' iya nawéréngngékko matu Puwangnge naolai makkunrai maloloéwé pancajiwi matu kaluwargamu pada-pada Pérés, ana'na Yéhuda sibawa Tamar.”
Boas sibawa wija-wijanna
13Nanalani Boas Rut mancaji bainéna. Puwangnge barakkakiwi Rut angkanna mattampu nanajajiyang séddi ana' worowané. 14Makkedani sining makkunraié lao ri Naomi, “Ripojiwi Puwangnge! Purani nawérékko séddi eppo worowané ri essoéwé untu' piyarako. Tennapodo iyaro ana'é mancaji tassebbo'i ri Israélié! 15Iyaro ménéttummu napoji senna'ko. Purano nawéréng lebbi naiya aga iya naullé mabbéréyang pitu ana' worowané. Makkekkuwangngé pura tono nawéréng séddi tau eppo worowané, iya mpéréngngékko matu sumange baru, sibawa piyarako ri wettu macowamu.” 16Nalani Naomi iyaro ana'é nanapiyarai sibawa penno pammaséna.
17Sining makkunrai bali-bali bolana mennang masengngi iyaro ana'é Obéd. Lao ri tungke tau makkedai, “Mappunnaini Naomi séddi ana' worowané!”
Obéd iyanaé rimunri mancaji ambo'na Isai, na Isai iyanaritu ambo'na Daud.
18-22Na iyanaé jori assossorenna Daud, mappammulai polé ri Pérés, iyanaritu: Pérés, Hézron, Ram, Aminadab, Nahason, Salmon,#Salmon: Manuru basa Ibrani “Salma.” Boas, Obéd, Isai, Daud. 1
Currently Selected:
RUT 4: LAIBUG
Highlight
Share
Copy
Want to have your highlights saved across all your devices? Sign up or sign in