Mateus 5
5
Jamita i Delleng
1Tikan itengngen Jesus jelma mbellang i, merrohen mo simengèkutkensa tabasa. 2Nai ipungkah mo mengajari kalak idi:
Ketuahen situhunna
(Luk. 6:20-23)
3“Sayur ntua ngo kalak simengakap dirina oda mergegoh janah mengharap pellin bai Tuhan sambing;
ai kalak i ngo masuk mi Kerajaen Dèbata.
4 #
Jes. 61:2
Sayur ntua ngo kalak sibonek atè,
ai iapoi Dèbata mo kalak i.
5 #
Ps. 37:11
Sayur ntua ngo kalak sincerrep merukur,
ai jaloen kalak i mo siniperbagah Dèbata.
6 #
Jes. 55:1-2
Sayur ntua mo kalak nteddoh mengulaken lemmo atè Dèbata,
ai pebessuren Dèbata mo kalak idi.
7Sayur ntua ngo kalak simerkelleng atè midah kalak sidèbaan,
ai ikekelengi Dèbata ngo kalak idi.
8 #
Ps. 24:3-4
Sayur ntua ngo kalak simpanting merukur,
ai idahen kalak i ngo Dèbata.
9Sayur ntua ngo kalak simemaing damè i tengngah jelma nterrem
ai duka-dukak ni Dèbata ngo kalak i.
10 #
1 Ptr. 3:14
Sayur ntua ngo kalak simenggong simbernit, kumarna mengulaken lemmo atè Dèbata,
ai kalak idi ngo masuk mi Kerajaen Dèbata.
11 #
1 Ptr. 4:14
Sayur ntua mo kènè, mula irèhèi janah iletlet dèba kènè janah icemburu kumarna mengèkutken Aku. 12#2 Kron. 36:16; Ul. 7:52 Bagi ngo ibaing kalak idi taba nabi-nabi i lebbènken ndènè pè. Lolo janah mersampang atè mo kènè, ai jaloon ndènè ngo upah ndènè mbelgah kalohon bai Dèbata nai.”
Sira dekket cuhaya
(Mrk. 9:50; Luk. 14:34-35)
13 #
Mrk. 9:50; Luk. 14:34-35 “Kènè ngo sira dunia èn. Mula gabè ndèngap sira idi, kadè mo bakinen asa gabè masin mengolihi? Ipatakken mo i janah ideddoh-deddohi dèba.
14 #
Joh. 8:12, 9:5 Kènè ngo cuhaya dunia èn. Oda terboniken kuta si ni babo delleng. 15#Mrk. 4:21; Luk. 8:16, 11:33 Oda madun kalak menungkupi lampu sinilakatenna dekket kendang. Tapi mi babo perpelitaan ngo tupèh ibaing, asa icuhayai lampu idi nasa jelma silot i bages i. 16#1 Ptr. 2:12 Kennah bagi ma mo cuhaya ndènè merbindella i lebbè jelma nterrem, asa idah kalak i pemahan ndènè simerandal idi, nai ipoji mo Bapa ndènè ni sorga i.”
Peddah terèngèt hatoren agama Jahudi
17“Ulang mo dok atè ndènè roh Aku lako mematei hatoren agama Jahudi siniajarken si Musa dekket nabi-nabi. Roh Aku oda ngo lako mematei, tapi lako petettahken ngo. 18#Luk. 16:17 Engèt kènè mo! Sidekkah lot dèng langit dekket tanoh èn, sada titik barang sada nggurat kettek pè ibas hatoren-hatoren idi oda ipitakken, mula makdèng ipesaut karinana. 19Kumarnana i, barang isè mengelausken tah apaina pè i bas puhpuh idi nai, tah pè sikètèkna, janah memmedahken ta- ba sidèbaan memaing bagidi ma, kalak si- bagidi mo sikètèkna i ibas ummat Dèbata. Tapi barang isè pedalanken puhpuh idi janah memmedahken taba sidèban asa iu- laken, kalak sibagidi mo simbelgahna i Kera- jaen Dèbata. 20Engèt kènè mo: Oda ndo- rok kènè gabè ummat Dèbata, mula mak lot kesurungen ndènè bai guru-guru Agama dekket Parisè nai, terrèngèt menguèi lemmo atè Dèbata.”
Tersèngèt laga
(Luk. 12:57-59)
21 #
2 Ms. 20:13; 5 Ms. 5:17 “Ibettoh kènè ngo, lot peddah taba em- pungta bagèen: Ulang memmunuh; barang isè memmunuh, kennah irungguken ngo ia. 22Tapi bagèndari Aku mendokken taba kènè, barang isè melaga taba sidèbaan, kennah irungguken ngo ia; janah barang isè mengurat-ngurati sidèbaan, kennah irungguken i runggu Agama. Nai, barang isè mendokken taba sidèbaan, ‘Lengngah’ kennah idabuh ngo ia mi api narakka. 23Kerna nai, mula lot sakalak ibas kènè nai tupung memèlèken pèlèen taba Dèbata, keppè terrèngèt mo ia lot kalak simerncio atè bana, 24itadingken mo lebbè pèlèenna idi, laus mo ia lebbè merdamè dekketsa. Nai pè asa molih nola ia lako memmèlèken pèlèenna i taba Dèbata.
25Tah bakunè lot kalak mengaduken kènè taba penghukum, merdamè mo kènè dekketsa, sinderrang lot dèng tikki janah makdèng soh mendahi penghukum i. Mula oda, ipessoh kalak idi mo kènè taba hakim, nai isohken hakim i mo kènè mendahi Polisi. Nai ikurungken polisi idi mo kènè. 26Engèt kènè mo èn: Oda ndorok karuar kènè i kurungen idi nai, ukum makdèng tupa karinana utang ndènè i.”
Terrèngèt merlangkah julu meddem
27 #
2 Ms. 20:14; 5 Ms. 5:18 “Ibettoh kènè ngo lot peddah bagèen: Ulang kono merlangkah julu meddem.
28Bagèndari Aku mendokken taba kè- nè: barang isè menengen daberru janah tergerrek ukurna lako merlangkah pilit, enggo merlangkah julu meddem kalak sibagidi taba daberru idi ibagessen ukur- na. 29#Mat. 18:9; Mrk. 9:47 Mula matamu kamuhun i ngo mem- maing kono merdosa, polditken mo i janah pitakken, lotin mo kènè kembalangen dèba sindihi dagingmu idi daripada bolet dagingmu i ibuang mi narakka. 30#Mat. 18:8; Mrk. 9:43 Mula tanganmu kamuhun memmaing kono merdosa, gettap janah ambongken mo i, lotiin mo kono mak mertangan serrap daripada bolet badanmu idi masuk mi narakka.”
Terrèngèt sirang
(Mat. 19:9; Mrk. 10:11-12; Luk. 16:18)
31 #
5 Ms. 24:1-4; Mat. 19:7; Mrk. 10:4 “Lot ma ngo peddah bagèen: barang isè menirangken sinibagesna, kennah iberèken ngo surat sirang bana. 32#Mat. 19:9; Mrk. 10:11-12; Luk. 16:18; 1 Kor. 7:10-11 Tapi bagèndari Aku mendokken taba kènè: barang isè menirangken sinibagesna, keppèken oda ngo merlangkah julu meddem sinibagesna idi, i nola sebabna asa gabè merlangkah julu meddem sinibagesna idi mula sijahè nola. Janah barang isè mengkabini daberru sinisirangken i, merlangkah julu meddem ngo.”
Tersèngèt bulaban
33 #
3 Ms. 19:12; 4 Ms. 30:2; 5 Ms. 23:21 “Ibettoh kènè ma ngo peddah mi em- pungta bagèen: ulang kènè mengosè bulaban. Barang kadè sienggo ibulabanken kènè i hadeppen Dèbata, kennah ngo ulaken. 34#Jak. 5:12; Jes. 66:1; Mat. 23:22 Bagèndari Aku mendokken taba kènè: Ulang mo kènè merbulaban. Ulang ma mo merbulaban mi langit i, karna bekkas Dèbata ngo langit idi. 35#Jes. 66:1; Ps. 48:3 Barang pè mi tanoh èn, kerna alas nèhèNa ngo tanoh èn; barang pè mi Jerusalem, karna kuta raja aur ngo idi. 36Ulang mo merbulaban mi babontakalmu, kerna oda ndorok ko memaing bukmu idi mbulan barang mbèrèng giam sirambar pè. 37Dokken mo uè barang oda, mula lebbih isidi nai, bai sibolis nai ngo rohna i.”
Peddah terrèngèt memales
(Luk. 6:29-30)
38 #
2 Ms. 21:24; 3 Ms. 24:20; 5 Ms. 19:21 “Ibettoh kènè ngo peddah bagèen: mata ngo abul mata, èpen ngo abul èpen. 39Tapi bagèndari Kudokken mo bai ndènè: ulang mo balesken kènè siso mendè taba kalak simaing siso mendè i. Tapi mula iparap kalak kurummu kamuhun, berrèken mo dekket kurummu kambirang. 40Janah mula iaduken kalak kè mi hakim mengido bajumu berrèken mo bana dekket inang bajumu. 41Mula lot sada kalak perkuasa memaksa kènè asa ipersan embahen sabatu daohna, persan mo soh dua batu. 42Mula ipido dèba bamu nai barang kadè, berrèken mo bana. Ulang mo itulak kono, kalak sinaing menginjam barang kadè bamu nai.”
Mengkekelengi musuh
(Luk. 6:27-28, 32-36)
43 #
3 Ms. 19:18
“Ibettoh kènè ma ngo peddah bagèen: kekelengi mo denganmi janah kecegoken musuhmu. 44Tapi bagèndari Aku mendokken bai ndènè: kekelengi mo musuhmu, janah sodipken kènè mo kalak sipepersuk- persukken kènè, 45asa gabè anak Bapa ndènè sini sorga i kènè. Kerna ipebincar Dèbata ngo mataniari taba kalak bennar dekket taba kalak jahat pè. Iberrè ngo udan taba kalak simemaing bennar dekket simemaing jahat pè.
46Ai mula pellin kalak simengkekelengi kènè sambing ngo ikekelengi kènè, kadè mo pella balessen Dèbata sinibaing ndènè i? Otang kalak simenunggu belasting pè bagi ngo ibaing? 47Mula pellin taba denganmu sambing ngo kessa kènè mertabi, kadè mo kelebihenna? Kalak siso menandai Dèbata pè bagi ngo ibaing. 48#3 Ms. 19:2; 5 Ms. 18:13 Selloh ngo Bapa ndènè sini Sorga i mengkekelengi karina jelma. Kènè pè kennah bagidi ma ngo.”
Currently Selected:
Mateus 5: LAIBTD
Highlight
Share
Copy
Want to have your highlights saved across all your devices? Sign up or sign in
@ LAI 1998 Indonesian Bible Society (Lembaga Alkitab Indonesia)
@LAI 2022 Indonesian Bible Society (Lembaga Alkitab Indonesia)