TEALIAN 5
5
Adam nakatulunan
(1Tund. 1:1-4)
1 #
Tea. 1:27-28
Naiyamo kona tinulisan Adam nakatulunan. [Doi tempodoo Mian Bisa napasitakaano kobangkapi, Yana tealikene yanila buno Mian Bisa susuungo. 2#Mat. 19:4; Mrk. 10:6 Yana pasitakayo yanila mala-malane tukon boine. Yana balakaatio yanila tukon sombuikene yanila “Bangkapi”.] 3Salataa Adam 130 kotaun kona umur, yana malaat meeng kopau malaneno moposialung tukon butongo, maka yana beena sambu Set. 4Lapa doiya Adam daano motubo koidan 800 kotaun tukon malaat pau-pau bailon. 5Yana mate kona umur 930 kotaun.
6Doi tempo Set kona umur 105 kotaun, yana malaat pau malaneno, kosambuno Enos. 7Lapa doiya Set daano motubo 807 kotaun koidan tukon daanoon momalaat pau-pau bailon. 8Yana mate kona umur 912 kotaun.
9Doi tempo Enos kona umur 90 kotaun, yana malaat pau malaneno, kosambuno Kenan. 10Lapa doiya Enos daanoon motubo 815 kotaun koidan tukon daanoon momalaat pau-pau bailon. 11Yana mate kona umur 905 kotaun.
12Doi tempo Kenan kona umur 70 kotaun, yana malaat pau malaneno, kosambuno Mahalaleel. 13Kenan daanoon motubo 840 kotaun koidan tukon malaat pau-pau bailon. 14Yana mate kona umur 910 kotaun.
15Doi tempo Mahalaleel kona umur 65 kotaun, yana malaat pau malaneno, kosambuno Yared. 16Lapa doiya Mahalaleel daano motubo 830 kotaun koidan tukon malaat pau-pau bailon. 17Yana mate kona umur 895 kotaun.
18Doi tempo Yared naumur 162 kotaun, yana malaat pau malaneno, kosambuno Henokh. 19Lapa doiya Yared daanoon motubo 800 kotaun koidan tukon daano momalaat pau-pau bailon. 20Yana mate kona umur 962 kotaun.
21Doi tempo Henokh naumur 65 kotaun, yana malaat pau malaneno kosambuno Metusalah. 22Lapa doiya Henokh tubo doi pomeenggonan lalomo tukon Mian Bisa 300 kotaun kona kalumbit. Yana malaat pau-pau bailon. 23Tukon kona umur laate 365 kotaun. 24#Ibr. 11:5; Yud. 1:14 Sabab Henokh sidutu tubo monondok tukon Mian Bisa, yana lapus sabab Mian Bisa komo alayo.
25Doi tempo Metusalah kona umur 187 kotaun, yana malaat pau malaneno, kosambuno Lamekh. 26Lapa doiya Metusalah daano motubo 782 kotaun koidan tukon daano momalaat pau-pau bailon. 27Yana mate kona umur 969 kotaun.
28Doi tempo Lamekh kona umur 182 kotaun, yana malaat pau malaneno. 29Lamekh bantile, “Napau nia naikon beena mamalaanan doi tempo nda balimangan kokobukuan molimange kobuta Temeneno mokutukemo.” Tobikon doiya Lamekh sombuikene dopaudoo Nuh. 30Lapa doiya Lamekh daano motubo 595 kotaun koidan. Yana malaat pau-pau bailon, 31tukon mate kona umur 777 kotaun.
32Salataa Nuh kona umur 500 kotaun, yana malaat tolu kona pau malaneno, doiyamo Sem, Yafet tukon Ham.
Currently Selected:
TEALIAN 5: LAIBGZ
Highlight
Share
Copy
Want to have your highlights saved across all your devices? Sign up or sign in
