Marakusi 3

Iesu mopakauriꞌ tauna i alo penómbáꞌá

(Mat. 12:9-14; Luk. 6:6-11)

1Hangkani tempó, lao wopiꞌi Iesu i támbi penómbáꞌá. Ionoꞌ, ara hadua tauna to mate taena hambali. 2Araheꞌ woꞌo toParisi to molelemata Iesu, babilaꞌ ina mepakauriꞌ i alo penómbáꞌá. Onoꞌ miꞌi haneꞌi rapeita ntepuꞌu apa to ina nabábehi Iesu. 3Nauliꞌ Iesu i tauna to mate taena hambali, “Maikoꞌ! Meángkáꞌkoꞌ i lindoꞌ,” 4haneꞌi Iesu mokuneꞌheꞌ toParisi, “Mouláꞌ áturá ágámántaꞌ, apa to peisá tabábehi i alo penómbáꞌá: mobábehikeꞌ to maroꞌa ba to kadake? Motulungikeꞌ tauna ba mopapatekeꞌ tauna?” Agáiáná, tiꞌaraheꞌ mehániꞌ, maniiꞌ-niiꞌ peheꞌ. 5Mewaliꞌ masusa laluna Iesu láwiꞌ matuꞌa gaga laluraꞌ. {Rapaioru mani áturá haneꞌi motulungi tauna.} Ánti kamabukoꞌNa, Natótóiheꞌ mantoleli haneꞌi Nahángáꞌá iti tauna to mate taena hambali, “Ónáꞌ taemu!” Kanaónáꞌna taena, kásáliu mauriꞌ. 6{I karaitána toParisi, Iesu mopakauriꞌ tauna i alo penómbáꞌá,} pohuꞌmoheꞌ hangko i támbi penómbáꞌá, haneꞌi laoheꞌ mohawaꞌ ngkábuni hai taunána Datu Herode,#3:6 taunána Datu Herode: Hira bahangapaheꞌ toIahudiꞌ to makuasaꞌ. Mampokanaheꞌ toRoma mepárentá i tampoꞌ Sáráeliꞌ. Rángánaheꞌ Datu Herode Antipa, mágáuꞌ i tampoꞌ Galilea hai Perea. ToParisi hai toHerode iti pakaheꞌ mombeꞌewaꞌ, agáiáná hintuwuꞌheꞌ moewaꞌ Iesu. mampeliꞌheꞌ rárá bona Iesu rahuku mate.

Iesu mopakauriꞌ handaꞌ tauna

7Roo onoꞌ, Iesu hai topeguruNa pohuꞌheꞌ lao i wiwi rano Galilea. Handaꞌ toGalilea to meuláꞌ i Hia. Handaꞌ woꞌo tauna to haweꞌ hangko i tampoꞌ Iudá, 8tepasuaꞌ kótá Ierusale, hangko i tampoꞌ Idumea,#3:8 Idumea: tándáꞌ i wongko tampoꞌ Iudá. hangko i hambali uwai Iarade, hai ara woꞌo to hangko i kótá Tiru hai Sido.#3:8 Tiru hai Sido: Rombuaꞌ kótá to mahile hungkuꞌ i tahiꞌ Tangaꞌ. Handaꞌ tauna to tiꞌara toIahudiꞌ to toroꞌ ionoꞌ. Tiru iti rekeꞌ-rekeꞌna iba puloꞌna hai uwalu kilómete tándáꞌ i wongko wánuá Kapenau. Handaꞌ ntepuꞌu tauna to lao i Iesu láwiꞌ mohádimoheꞌ bámbári kana i upu-upu to Nabábehi. 9-10Handaꞌ tauna to tiꞌara ralalu Napakauriꞌ, álána mombegaeꞌ-gaeꞌmoheꞌ tauna lao mohungkuki bona mampekamaꞌheꞌ Iesu.

Ánti kahandaꞌraꞌ tauna, onoꞌ miꞌi haneꞌi Iesu mohuoꞌ topeguruNa mopatimama duanga ina Napengkaheꞌi, bona ineeꞌ ragihiꞌ-gihiꞌ tauna to handaꞌ.

11Noꞌonoꞌheꞌ woꞌo tauna to napesuaꞌi setáꞌ. I poitáraꞌ Iesu, liu-liuheꞌ mopalumbá i bitiNa, hai setáꞌ iti monganga-ngangaheꞌ rapasimbuku, rauliꞌ, “Io miꞌi Ánáꞌna Pueꞌ Ala!” 12Agáiáná Iesu mokóntó ntepuꞌuheꞌ, bona ineeꞌ rapehángáꞌá kaheánáNa.

Iesu mopileꞌi topeguruNa to hampuloꞌ hai rodua

(Mat. 10:1-4; Luk. 6:12-16)

13Roo onoꞌ, Iesu lao i kaꞌaraꞌá to ara i buluꞌ-buluꞌna, haneꞌi mokióꞌ tauna to Naundeꞌ ina meuláꞌ i Hia. 14Kahaweꞌraꞌ ionoꞌ, Ia mopileꞌi hampuloꞌ hai rodua tauna hangko i oloꞌraꞌ bona mewaliꞌ suroNa. Nahángáꞌáheꞌ, “Kupilekiꞌou bona niporángáꞌAꞌ. Ina Kuhuoꞌkou lao mopahaweꞌ Ngkóráꞌ Marasa, 15hai ina Kuweꞌikou kuasaꞌ mampopesuwuꞌ setáꞌ.” 16-19Deꞌe miꞌi hangaꞌraꞌ to hampuloꞌ hai rodua iti:#3:16 Iesu mopileꞌi tauna hampuloꞌ hai rodua, tandaꞌna kahirana miꞌi toSáráeliꞌ to woꞌu.

Simoꞌ to nahangaꞌ Iesu Peturuꞌ;#3:16-19 Peturuꞌ - I lalu básá Iunani: Petros - lempóna: hambuaꞌ watu to peisá raꞌángkáꞌ. I lalu básá Árá Kepas. Hibali lempóna. Biásá Simoꞌ rauliꞌ Peturuꞌ. (Básá Marakusi 14:37.)

roo onoꞌ, Iakobu, ánáꞌna Sebedeu,

hai Iohane ádina Iakobu. Iesu mohangaꞌheꞌ Boanege, lempóna: ánáꞌ gumpataꞌ;#3:16-19 ánáꞌ gumpataꞌ: Lempóna, mahárá poántiraꞌ nodo gumpataꞌ ba mahile wambaꞌraꞌ.

roo onoꞌ, Andaria,

Pilipu,

Bartolomeu,#3:16-19 Bartolomeu - Lempóna: ánáꞌna Talmai. Babilaꞌ hangaꞌna woꞌo Natanaeli. (Básá Iohane 1:43-51.)

Matiu,#3:16-19 Matiu: peisá woꞌo rauliꞌ “Lewi”. (Básá Marakusi 2:14-15.) Ia woꞌo ánáꞌna Alapeu, babilaꞌ ntaliadi hai Iakobu ánáꞌna Alapeu.

Tómá,

Iakobu ánáꞌna Alapeu,

Tadeu,#3:16-19 Tadeu: Babilaꞌ peisá woꞌo rauliꞌ Iudasiꞌ ánáꞌna Iakobu. (Básá Lukasi 6:16; Suro 1:13.)

Simoꞌ toSeloꞌ,#3:16-19 toSeloꞌ: Básá to teukiꞌ i Kahirámpuá Laluita.

hai Iudasiꞌ Isikarioꞌ#3:16-19 Iudasiꞌ Isikarioꞌ: Babilaꞌ Iudasiꞌ hangko i wánuá Kerioꞌ. to mampobaluꞌ Iesu i ewáliNa.

Iesu hai Belesebu

(Mat. 12:22-32; Luk. 11:14-23)

20Karoona Iesu mopileꞌi topeguruNa, Ia mesuleꞌ {lao i wánuá Kapenau} haneꞌi mesuaꞌ i lalu támbi. Handaꞌ woꞌo tauna lao metolelingi, álána Iesu hai topeguruNa tiꞌaraheꞌ nampakaꞌ mandeꞌ. 21Araheꞌ woꞌo tauna ionoꞌ to molaluita kana i Iesu, rauliꞌ “Ia tiꞌara piꞌi manótó!” Onoꞌ miꞌi haneꞌi ádiNaheꞌ ina lao moala Iesu. 22Araheꞌ woꞌo guru agama toIahudiꞌ to haweꞌ hangko i kótá Ierusale. Rauliꞌ guru agama iti, “Ia napesuaꞌi Belesebu, daturaꞌ upu-upu setáꞌ.#3:22 Belesebu,: Hampákáꞌ hangaꞌna Datu Tokadake. Lempóna Belesebu: “pueꞌ katoroꞌá” ba “daturaꞌ tokadake”. Peisá woꞌo ralempónga: “pueꞌ taꞌi” láwiꞌ ánitu to rapenómbái toPilisiti i kótá Ekero rahangaꞌ Baꞌal-sebu, lempóna: “pueꞌraꞌ daliꞌ”. (Básá 2 Datu-datu 1:2.) Ia mopakeꞌ kuasaꞌ datu setáꞌ iti mampopelóhóꞌ setáꞌ.”

23Onoꞌ miꞌi haneꞌi nakióꞌheꞌ Iesu haneꞌi Napolaluitaꞌá moliu bahangapa pákáꞌna ngkóráꞌ pándiriꞌ. Nauliꞌ, “Peisá paꞌi setáꞌ mampopelóhóꞌ hangka setáꞌna? 24Rápáꞌna, ane arai hadua datu, hai tauna to handaꞌ i lalu kadatuána mosisalaꞌheꞌ oaꞌ hai mombeꞌewaꞌheꞌ, kadatuá iti ina magero. 25Ane tauna hampohalaluá pakaheꞌ mosisalaꞌ, ina magero pohalaluraꞌ iti. 26Noꞌonoꞌ woꞌo i kadatuá setáꞌ. Ane Datu Tokadake moewaꞌ hangka tokadakena, lempóna setáꞌ moewaꞌ hangka setáꞌna, áláraꞌ magero kadatuá setáꞌ iti.

27Datu Tokadake peisá rapándiriꞌ nodo tauna to maróhó. Ane mesuaꞌkeꞌ i lalu támbina tauna to maróhó hai mampoinaokeꞌ mamperampaꞌi párewá to ara i támbina, hangaa-ngaa tatimpuku sieruꞌ pueꞌ támbi iti, hangko peisárakeꞌ moala párewána. {Noꞌonoꞌ woꞌo, ane Kódóꞌ mampopelóhóꞌAꞌ setáꞌ, lempóna, Kunangi miꞌi Datu Tokadake.}#3:27 Básá Iesaia 49:24-26.

28Toꞌu to Kuꞌuliꞌ, hai Kuhángáꞌákou: upu-upu dósá hai laluita pesápuáka peisá raꞌámpungi, 29agáiáná heáná to mosápuáka Inao to Magasaꞌ,#3:29 mosápuáka Inao to Magasaꞌ: Inao to Magasaꞌ to moweꞌi kuasaꞌ i Iesu bona mampopesuwuꞌ setáꞌ. Agáiáná tauna manguliꞌ kuasaꞌ iti hangko i Datu Tokadake. tiꞌara ara ámpungina, láwiꞌ bábehiá iti ina naposalaꞌ duuꞌna i rue-ruena.” 30Iesu manguliꞌ noꞌonoꞌ láwiꞌ ara to manguliꞌ Ia napesuaꞌi tokadake.#3:30 Lempóna: tiꞌaraheꞌ mopangákuꞌ Inao to Magasaꞌ to modurei Iesu mampopesuwuꞌ setáꞌ.

Iesu hai halaluna

(Mat. 12:22-32; Luk. 11:14-23)

31Tiꞌara marue hangko ionoꞌ, haweꞌmoheꞌ inána hai ádina Iesu,#3:31 ádina Iesu: Iamoheꞌ ánáꞌraꞌ Maria hai Iusupu to ntániꞌna. Básá Matiu 13:56; Marakusi 6:3. agáiáná meángkáꞌ peheꞌ i rawa támbi, hai mohuoꞌheꞌ tauna lao mokióꞌ Iesu, láwiꞌ rapoinao ina rapolaluitaꞌá. 32I tempó iti, handaꞌ tauna to mehoda motolelingi Iesu. Rahángáꞌá, “Guru. InáMu hai ádiMu araheꞌ i rawa, maiKoꞌ rapeliꞌ.”

33Napekuneꞌ Iesu, “Heáná ináNgkuꞌ hai halaluNgkuꞌ?” 34Haneꞌi Iesu motótói tauna to metolelingi, Nauliꞌ, “Kómu riꞌi ináNgkuꞌ hai halaluNgkuꞌ. 35Heáná peá to mobábehi peundeꞌána Pueꞌ Ala, hira miꞌi ináNgkuꞌ hai halaluNgkuꞌ.”

Currently Selected:

Marakusi 3: NTBEP

Highlight

Copy