Lukasi 3
3
Iohane Toperiu mopaturoꞌ tauna to handaꞌ
(Mat. 3:1-12; Mrk. 1:1-8; Ioh. 1:19-28)
1I pare kahampuloꞌ hai lima popárentána Datu Mahile Tiberiu#3:1 Datu Mahile Tiberiu: Pare kahampuloꞌ hai lima popárentána, lempóna pare rompuloꞌ hai uwalu roo karapoánákana Iesu (28M). Tempó onoꞌ, Iohane Toperiu mantepuꞌu mampopolumao bágóꞌna mopahaweꞌ laluitana Pueꞌ Ala. hangko i kótá Roma, Pontiu Pilatu#3:1 Pontiu Pilatu: mewaliꞌ mágáuꞌ i tampoꞌ Iudá, Samaria hai Idumea. Ia mepárentá pare 26-36M. Pehodaꞌána popárentáꞌána i kótá Kaisarea, agáiáná ia woꞌo paka lao i Ierusale. mewaliꞌ mágáuꞌ i tampoꞌ Iudá, hai Herode Antipa#3:1 Herode Antipa: Ia miꞌi ánáꞌna Herode Mahile hai Maltase. Herode Antipa iti mopárentái poropensi Galilea hai Perea pare 4sM-39M. mepárentá i tampoꞌ Galilea. Pilipu halaluna Herode,#3:1 Pilipu, halaluna Herode: Ia miꞌi ánáꞌna Herode Mahile hai Kleopatra, hai rauliꞌ woꞌo Herode Pilipu to kaduá. Ia mopárentái tampoꞌ Iturea hai Tarakoniti hangko i pare iba hangko tiꞌara mani Iesu rapoánáka haweꞌ pare tálu puloꞌna hai iba roo karapoánákana Iesu (4sM-34M). ia miꞌi to mepárentá i tampoꞌ Iturea hai i tampoꞌ Tarakoniti, hai Lisania to mepárentá i tampoꞌ Abilene. 2Hanasa hai Kaiapa to mewaliꞌ Tadulako Menómbá Mahile i tempó iti.#3:2 Hanasa hai Kaiapa: Kaiapa ia miꞌi Tadulako Menómbá Mahile hangko i pare hampuloꞌ hai uwalu haweꞌ i pare tálu puloꞌna hai ini roo karapoánákana Iesu (18-36M). Ia miꞌi mániána Hanasa to mewaliꞌ Tadulako Menómbá Mahile hangko i pare ini, haweꞌ karapopendáuluna toRoma pare hampuloꞌ hai lima. Maróhó mani kuasaꞌna Hanasa haweꞌ i kamatena pare tálu puloꞌna hai ini. I pare iti woꞌo, Pueꞌ Ala mongkóráꞌ i Iohane ánáꞌna Sakaria i pádá loriꞌ. 3Onoꞌ miꞌi haneꞌi Iohane molumaohi wánuá-wánuá to i wiwi uwai Iarade, mopahaweꞌ ngkóráꞌna Pueꞌ i tauna to handaꞌ. Nauliꞌ, “Menosoꞌmokou hangko i dósámi, hai maimokou kuriu bona dósámi ina naꞌámpungi Pueꞌ Ala.” 4Pobágóꞌna Iohane iti mobukeki apa to teukiꞌ hangkoia i lalu surana nabiꞌ Iesaia#3:4 nabiꞌ Iesaia: Ia mampopolumao bágóꞌna pare pitu átuna iba puloꞌna haweꞌ ini átuna uwalu puloꞌna hai pitu hangko tiꞌara mani Iesu rapoánáka (740-687sM). to manguliꞌ node:
Ara hadua tauna to molaluita napasimbuku i pádá loriꞌ, nauliꞌ:
“Ina haweꞌ miꞌi Pueꞌ!
Nipatimama lalumi
nodo tauna to mopakanoroꞌ rárá
to ina napoliui datu.
5To molokeꞌ-lokeꞌ hangaa-ngaa ratámbungi,
to mapángkáꞌ hai to mobuluꞌ-buluꞌ hangaa-ngaa rapahirante.
To molengkoꞌ-lengkoꞌ hangaa-ngaa rapakanoroꞌ,
hai to mowakuꞌ-wakuꞌ hangaa-ngaa rapahirante.
6Roo onoꞌ, upu-upu tauna ina moita
noumbá rárána Pueꞌ Ala mohómpóki tauna
hangko i huku dósáraꞌ.” (Iesaia 40:3-5)
7I tempó iti, handaꞌheꞌ tauna to lao mampoperiu i Iohane, agáiáná nahángáꞌáheꞌ, “Moapa riꞌi haneꞌi maikou i kódóꞌ membiáꞌkou rariu? Mampe to maroꞌa pekou! Bábehiámi kadake ntepuꞌu nodo lelótó to mobisa.#3:7 nodo lelótó to mobisa: I lalu básá Iunani: Pemuleꞌánakou lelótó to mobisa. Ba nipekiri peisákou tekábáhá hangko i pehukuna Pueꞌ Ala to ina morampekou i alo to ina haweꞌ? 8Ane toꞌu-toꞌu mpuꞌu menosoꞌkou hangko i dósámi, hangaa-ngaa nibábehi bábehiá to maroꞌa. Hai ineeꞌ ripaꞌi nipekiri, ‘Kaiꞌ deꞌe, tauna to manótóangkaiꞌ láwiꞌ pemuleꞌánaꞌangkaiꞌ Burahima. {Tiꞌaraꞌangkaiꞌ ina nahuku Pueꞌ Ala.}’ Iti tiꞌara toꞌu! Nipehádingi: ane naundeꞌ Pueꞌ Ala, peisá Napopewaliꞌ watu deꞌe mewaliꞌ pemuleꞌána Burahima. 9Pehukuna Pueꞌ Ala bateꞌna ina mewaliꞌ! Hai pehukuNa iti nodo uwahe to timama miꞌi i tóáꞌ kau. Upu-upu kau to tiꞌara maroꞌa wuaꞌna#3:9 kau to tiꞌara maroꞌa wuaꞌna: Laluita iti biásá rapakeꞌ i Pototowiá to Sae mampopándiriꞌ tauna to kadake. Básá Iesaia 10:17-18,33-34; Ieremia 11:16-17; Ieheskie 31:2-18; Danieli 4:23-27. ina ratiwi, duuꞌna haweꞌ i kálándána rawehángi hai ratibe i lalu api.”
10Tauna to handaꞌ mekuneꞌ i Iohane, rauliꞌ, “Ane noꞌonoꞌi, apa to hangaa-ngaa kibábehi bona tongawaꞌ kamenosoꞌkiꞌ miꞌi.”
11Nahániki Iohane, “Heáná to morontau baduna, hangaa-ngaa hantau naweꞌi tauna to tiꞌara ara baduna. Noꞌonoꞌ woꞌo, heáná to ara pandeꞌna, hangaa-ngaa nagáláꞌ-gáláꞌáheꞌ tauna to marimi.”
12Araheꞌ woꞌo toperóróꞌ ásele to lao mampoperiu i Iohane. Mekuneꞌheꞌ, rauliꞌ, “Guru, apa to hintotoꞌ kibábehi bona tongawaꞌ kamenosoꞌkiꞌ miꞌi.”
13Nahánikiheꞌ, “Ineeꞌkou mesingaraꞌ ásele melumbuꞌ hangko i to rapakanótó miꞌi mouláꞌ popárentá Roma.”
14Araheꞌ woꞌo surudadoꞌ to lao mekuneꞌ i Iohane, rauliꞌ, “Noumbá miꞌi hai kaiꞌ? Apa to hintotoꞌ kibábehi bona tongawaꞌ kamenosoꞌkiꞌ miꞌi.”
Nahángáꞌáheꞌ, “Ineeꞌkou mampopalááꞌ tauna bona niperampaꞌi apa to ara i hira. Saromi hangaa-ngaa nipogáná.”
15I tempó iti, tauna to handaꞌ mampegiáheꞌ kahaweꞌna Datu Topehómpóꞌ to nadándi Pueꞌ Ala. Onoꞌ miꞌi haneꞌi mekuneꞌ-kuneꞌheꞌ i laluraꞌ, “Ba ia miꞌi Datu Topehómpóꞌ?”
16Nahánikiheꞌ Iohane, “Tiꞌara. Kódóꞌ, kuriu pekou hai uwai, agáiáná ara hadua to ina haweꞌ to melumbuꞌ kuasaꞌNa hangko i kódóꞌ. Mogalo riꞌi mokekehi petakaꞌ sandaleNa, tiꞌaraꞌaꞌ hintotoꞌ. Ia to ina moriukou hai Inao to Magasaꞌ#3:16 Ia to ina moriukou hai Inao to Magasaꞌ: Iti miꞌi ngkóráꞌ pándiriꞌ to molempónga noumbá rárána Pueꞌ Ala mowátiꞌ taunáNa: Básá to teukiꞌ i Kahirámpuá Laluita. hai api.#3:16 Ia to ina moriukou hai… api: Rompákáꞌ lempóna: 1) Pueꞌ Ala ina mohuku tauna to tiꞌaraheꞌ menosoꞌ hangko i dósáraꞌ. Básá Iesaia 66:15-16,24. 2) Pueꞌ Ala ina mopamagasaꞌ taunáNa moliu kapári. Básá Iesaia 4:4; Sakaria 13:9; Maleaki 3:2-3. 17Ia peisá rapándiriꞌ nodo tauna to mantápiꞌi bailoꞌ bona tepataniꞌ bailoꞌ to moꞌóntóꞌ hai bailoꞌ to langkoꞌ. Bailoꞌ to moꞌóntóꞌ ina Napusaꞌ i lalu buhoꞌ, hai to langkoꞌ ina Natibe i lalu api to tiꞌara ina mate. {Noꞌonoꞌ woꞌo Ia ina mopataniꞌ tauna to manótó hai tauna to kadake.}”
18I tempóna Iohane mopahaweꞌ bámbári to maroꞌa i tauna to handaꞌ, handaꞌ pákáꞌna paturoꞌ to napahaweꞌáheꞌ. 19Ia mokámbáróá Datu Herode Antipa, mágáuꞌ i tampoꞌ Galilea, láwiꞌ Herode moala Herodia toinána wutuꞌna, napohambokoá. Tiꞌara iti peá to nakámbáróáꞌá Iohane, agáiáná handaꞌ mani pákáꞌna bábehiána to kadake. 20Kanahádina Herode pekámbáróána Iohane iti, ia tiꞌara mokábáhá bábehiána to kadake, ngkáliꞌna mantámbái riꞌi. Ia mohuoꞌ surudadoꞌna bona Iohane rahakaꞌ hai ratarungku.#3:20 Mouláꞌ Iosepu, hadua topoukiꞌ daritakáná toIahudiꞌ hangkoia, Iohane Toperiu ratarungku i Bente Makaeru rekeꞌ-rekeꞌna hampare hantangaꞌ roo pekeloꞌna Iesu.
Iohane moriu Iesu
(Mat. 3:13-17; Mrk. 1:9-11; Ioh. 1:32-34)
21Hangko tiꞌara mani Iohane ratarungku, handaꞌheꞌ tauna to lao mampoperiu i hia. Iesu lao woꞌo mampoperiu i Iohane. Karoona Iesu rariu, Ia mekakae. TangaꞌNa mekakae, tebungkáhi miꞌi langiꞌ, 22hai Inao to Magasaꞌ mendáulu i Hia nodo tádáhi manggebodoꞌ. Hai rahádi wambaꞌ to hangko i surugáꞌ manguliꞌ, “Io miꞌi ÁnáꞌKuꞌ to Kupokaꞌahiꞌ hai Kupokagóeꞌ.”
Toioruna Iesu
(Mat. 1:1-17)
23-38Tempóna Iesu mantepuꞌu mampopolumao bágóꞌNa to naweꞌi Pueꞌ Ala, gáná miꞌi tinuwuꞌNa tálu puloꞌna pareNa. Mouláꞌ polámbiꞌraꞌ tauna,
Iesu ia miꞌi ánáꞌna Iusupu, Iusupu ánáꞌna Eli,
Eli ánáꞌna Mata, Mata ánáꞌna Lewi,
Lewi ánáꞌna Maki, Maki ánáꞌna Ianai,
Ianai ánáꞌna Iusupu, Iusupu ánáꞌna Matika,
Matika ánáꞌna Amosi, Amosi ánáꞌna Nahu,
Nahu ánáꞌna Heli, Heli ánáꞌna Nagai,
Nagai ánáꞌna Maa, Maa ánáꞌna Matika,
Matika ánáꞌna Simei, Simei ánáꞌna Ioseꞌ,
Ioseꞌ ánáꞌna Ioda, Ioda ánáꞌna Iohana,
Iohana ánáꞌna Resa, Resa ánáꞌna Serubabe,
Serubabe ánáꞌna Salatie, Salatie ánáꞌna Neri,
Neri ánáꞌna Maki, Maki ánáꞌna Adi,
Adi ánáꞌna Kosam, Kosam ánáꞌna Emada,
Emada ánáꞌna Ereꞌ, Ereꞌ ánáꞌna Iesua,
Iesua ánáꞌna Eliese, Eliese ánáꞌna Iori,
Iori ánáꞌna Mata, Mata ánáꞌna Lewi,
Lewi ánáꞌna Simeoꞌ, Simeoꞌ ánáꞌna Iudá,
Iudá ánáꞌna Iusupu, Iusupu ánáꞌna Iona,
Iona ánáꞌna Eliaki, Eliaki ánáꞌna Melea,
Melea ánáꞌna Mina, Mina ánáꞌna Matata,
Matata ánáꞌna Nata, Nata ánáꞌna Daudiꞌ,#3:23-28 Daudiꞌ: Ia miꞌi to mewaliꞌ datu.
Daudiꞌ ánáꞌna Isai, Isai ánáꞌna Obeꞌ,
Obeꞌ ánáꞌna Boasi, Boasi ánáꞌna Salomo,
Salomo ánáꞌna Nahaso, Nahaso ánáꞌna Aminadaꞌ,
Aminadaꞌ ánáꞌna Ami, Ami ánáꞌna Ani,
Ani ánáꞌna Hesero, Hesero ánáꞌna Peresi,
Peresi ánáꞌna Iudá, Iudá ánáꞌna Iako,#3:23-38 Iudá ánáꞌna Iako: Básá Pewaliꞌána 49:8-12.
Iako ánáꞌna Isakiꞌ, Isakiꞌ ánáꞌna Burahima,
Burahima ánáꞌna Tera, Tera ánáꞌna Nahori,
Nahori ánáꞌna Seru, Seru ánáꞌna Rehu,
Rehu ánáꞌna Peleꞌ, Peleꞌ ánáꞌna Eberi,
Eberi ánáꞌna Salomo, Salomo ánáꞌna Kena,
Kena ánáꞌna Aripasa, Aripasa ánáꞌna Semuꞌ,
Semuꞌ ánáꞌna Noho, Noho ánáꞌna Lame,
Lame ánáꞌna Metusala, Metusala ánáꞌna Henoꞌ,#3:23-38 Henoꞌ: Básá Pewaliꞌána 5:21-24.
Henoꞌ ánáꞌna Iare, Iare ánáꞌna Mahalaleꞌ,
Mahalaleꞌ ánáꞌna Kena, Kena ánáꞌna Enoꞌ,
Enoꞌ ánáꞌna Setiꞌ, Setiꞌ ánáꞌna Adama,
hai Adama ánáꞌna Pueꞌ Ala.
Currently Selected:
Lukasi 3: NTBEP
Highlight
Share
Copy
Want to have your highlights saved across all your devices? Sign up or sign in
Bahasa Behoa Shorter Bible © Indonesian Bible Society, 2015.
