Salmos 26
26
1Guléaj nedaʼ tsahuiʼ, Xan, tuʼ runaʼ le naca dxiʼa,
en idú ládxaʼa ruzxöni ládxaʼa Liʼ.
2Buyú lu icja ládxiʼdaʼahuaʼ, Xan, en guzxíʼ bëʼ nedaʼ.
Buyú le rizáʼ ládxaʼa, en le ribequi icjaʼ,
3tuʼ richë́ʼ yöl-laʼ dxiʼi ladxiʼ quiuʼ nedaʼ,
ateʼ runaʼ ca naca le naca idútë li quiuʼ.
4Bitiʼ runaʼ tsözxö́n nupa taʼzíʼ yëʼ,
en bitiʼ ridálenaʼ nupa tuʼluíʼisö cuínguequi tsahuiʼ.
5Bitiʼ raza ládxaʼa udúbilenaʼ nupa tuáʼ döʼ,
en bitiʼ gunaʼ tuz didzaʼ len nupa nácagaca xihuiʼ.
6Richisa naʼa loʼ Liʼ, Dios, cabí dxía döʼ naʼa,
en idú ládxaʼa ribígaʼa lo bucugu quiuʼ, Xan,
7para gul-laʼ le guíaʼ Liʼ: “Xclenuʼ”
en usiyöndaʼ bönachi ca nácagaca le zxön nunuʼ.
8Nadxíʼidaʼ yuʼu lidxuʼ ga naʼ zuʼ, Xan,
encaʼ lataj ga naʼ yuʼu beníʼ láʼayi quiuʼ.
9Bitiʼ usunítiuʼ nedaʼ tsözxö́n len nupa tun dul-laʼ,
en bitiʼ gútiuʼ nedaʼ len nupa tuti bönachi,
10nupa naʼ taʼyaza ladxiʼ tuáʼ döʼ,
en nacuáʼticaʼsö ilaʼguizxaj dumí para uluʼrúaj tsahuiʼ.
11Gúnticaʼsaʼ nedaʼ le naca dxiʼa.
Buzáʼ ladxiʼ quiaʼ, en buáʼuö nedaʼ.
12Nuzóëʼ Dios nedaʼ ga zoaʼ tsutsu ladja bönachi guizxi yu
nudúbigaca queëʼ para cuʼa-nëʼ yöl-laʼ ba Xanruʼ.
Currently Selected:
Salmos 26: zar
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
