LUKAS PEU INTAT HABA
PEU INTAT HABA
Kitab Haba Gét nyang geutuléh lé Lukas nyoe na kheueh teupeugah keuhai Isa sibagoe Raja Nyang peuseulamat nyang ka geupeujanji lé Po teu Allah keu bansa Israel dan keu banmandum umat manusia. Lam kitab geuhnyoe Lukas geutuléh bahwa Isa ka geubri tugaih lé Roh Tuhan keu geujak peusampoe Haba Gét nibak Po teu Allah ubak ureuëng gasien. Haba Gét nyoe peunoh deungon teupakoe mubagoe ureuëng deungon peue-peue mantong nyang jipeureulée. Dan leumah cit teukalon keuhai nada sukacita lam kitab Lukas nyoe, nyang phon that keuhai pasai-pasai nyang phon na kheueh Isa geuteuka, óh lheueh nyan bak bagian akhé jih keuhai Isa teupeu ék lam syeuruga. Kisah keuhai jitimoh dan meukeumang agama Kristen óh ka lheueh Isa geutamong lam Syeuruga na cit geucalitra lé nyang tuléh kitab nyoe nyang na meuteumé lam Kitab Kisah Rasui-rasui.
Bagian 2 dan 6 (kalon asoe kitab nyang na dimiyueb nyoe) asoe jih jai lumpah na unsur calitra nyang na meuteumé lam Kitab Haba Gét nyoe. Miseuejih keuhai calitra malaikat-malaikat meunyanyoe dan ureuëng-ureuëng meurabe jijaksaweue Isa watée Gobnyan lahé, Isa lam Baét Tuhan watée Gobnyan mantong aneuëk miet, dan meunan cit keuhai miseue ureuëng Samaria nyang jroh até dan Aneuëk nyang gadôh. Dan Kitab nyoe lumpah teuteugon keuhai meudoá, Roh Allah, peuranan ureuëng inong dalam hai geulayani Isa dan geupeu amphon desya lé Po teu Allah.
Asoe jih
Haba phon 1:1-4
Lahé dan masa ubit nibak Nabi Yahya Pumanö dan Isa 1:5–2:25
Peulayanan Nabi Yahya Pumanö 3:1-20
Isa teupeumanö dan cubaan nyang teuka ateueh droe Gobnyan 3:21–4:13
Isa geulayani ureuëng diteungoh-teungoh masyarakat Galilea 4:14–9:50
Nibak Galilea u Yerusalem 9:51–19:27
Aleuhat akhé di Yerusalem dan sikeulileng nyan 19:28–23:56
Isa geubeudôh nibak maté, keuhai Gobnyan jidrob dan Isa teubeuôt lam Syeuruga 24:1-53
Currently Selected:
LUKAS PEU INTAT HABA: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.